بحث صور خرائط Youtube الأخبار Gmail Drive تقويم المزيد »
تسجيل الدخول
شكرًا لاستخدام إجابات Google. اعتبارًا من 23 يونيو (حزيران) 2014، سوف تصبح إجابات Google خدمة للقراءة فقط. وبعد 23 يونيو (حزيران) 2014، سوف تكون جميع الأسئلة التي تمت الإجابة عليها متوفرة للأشخاص من أجل البحث والتصفح، ولكن لن يتم قبول أي أسئلة أو إجابات جديدة أو أي نشاط كتابة آخر للمستخدم .. اطلع على الأسئلة المتداولة للحصول على مزيد من المعلومات.
إجابات Google
أهم التصنيفات
Google إجابات (3310094)
العلاقات الإنسانية (1392797)
العالم العربي (1208401)
الكمبيوتر والإنترنت (853957)
الثقافة والأدب (367980)
الصحة (319452)
العلوم (219376)
الأديان والمعتقدات (201426)
تعليقات المستخدمين (186572)
المنتجات الإلكترونية (140347)
الطعام والشراب (125988)
التعليم والتدريب (70850)
الرياضة (69778)
الألعاب والترفيه (68529)
الاقتصاد والأعمال (65324)
الجمال والموضة (59877)
الأسرة والطفل (51443)
وسائل الإعلام (41419)
قواعد وقوانين (39064)
السياحة والسفر (34750)
الشركات (33190)
المنزل (33167)
الهوايات (27046)
وسائل المواصلات (12327)
عرض الكل ›
على فين يا بلدنا يا غالية ؟؟ قصيدة عن الوضع الحالى
العالم العربي
الشعر
مصر
على فين يا مصر يا محروسة
على فين يا أم الدنيا
الناس بحبك مهووسة
ولابعدوا عنك ولا ثانية

على نار الشوق صابرين
واملنا فى رب العالمين
نكون معاكى مجتمعين
و مانكونش فى أى بلد تانية

ولادك بقوا منقسمين
اسلامى ليبرالى علمانى
شيوعى و شيعى ونازلين
تقسيم فى بلدنا الغالية

بعد يوم 25
قلنا خلاص بقينا أحرار
قلنا خلاص بقينا فاهمين
أتارينا وقعنا فى أوهامنا

امبارح كنا فى ثورة
امبارح رحنا التحرير
ولادك بقوا حاجة واحدة
طلبوا بس التغيير

قالوا لنا خلاص احنا اتغيرنا
وبقينا معاكوا يا حبايبنا
وضحكوا علينا و هدينا
وبقينا لا مؤاخذة طراطير

قالوا كلها 6 شهور
و الامن خلاص هيعود
بس علشان حبيناكم
هنأجلها شوية لأبريل

وجه أبريل و راح أبريل
ولا شفنا شكل التغيير
قالوا اصلكوا مش فاهمين
احنا قصدنا أى أبريل ؟؟

قصدنا أبريل فى دماغنا
مش زى ما انتوا فاهمين
أبريل ده شهر مشهور
بكدبة كبيرة يا حلوين

والسنة دى أخدنا الثورة
هنخليها هى الكدبة
وهنخلى اياكم تعود
كأن مبارك موجود

انا مجلس مش عايز أجلس
على نفسكوا وانتوا رافضين
فخليكوا معايا يا شباب
بمزاجكم بدل ماتكونوا مغصوبين

هأفضل يعنى هأكون موجود
انتوا شوية ناس أوباش
انا مارضيتش أقتل فيكم
لما القتل كان ببلاش

لما مبارك قالى اقتل
قلت انا عايز اكون قطاعى
ما بحبش قتل الناس بالجملة
انا هاقتلكم بس بمزاجى

كل جمعة اطلعوا اتظاهروا
اوعى تنسوا أى جمعة
أنتو تقولوا الى عايزينه
ولو صوت يعلى مش هنسيبه

الناس خلاص بتفكر تهدى
وهتكره كل أفعالكم
ولا هتخرج تانى معاكم
هأطلع أنا (( أيمانكم ))

فوق يا شعب و قول لا
فوق يا شعب و زيل الغمة
فوق وقول انا مصرى أصيل
أنا مصرى و ياأنا يا هما

انا مصرى ومش ممكن أسكت
أنا ممكن تانى أثور
أنا مصرى وحق ولادى
هأكتبه أنا فى الدستور

لا وثيقة سلمى ولا حربى
ولا حتى وثيقة طنطاوى
ولا مجلس يبقى دولة تانى
الا اذا كان عنده بلاوى

كلمة أخيرة هاقولها ياناس
اوعوا بلدنا تضيع من ايدنا
لا هتبقى بلدنا بعدها
ولا هنعيش فيها مع ولادنا
الإجابات (3)
التصنيف بحسب: التصويت | الوقت
كان هناك خطأ أثناء تحميل الأجوبة. يرجى المحاولة مرة أخرى.
تمت إزالة بعض الإجابات من إطار مشاهدتك
الأصوات
1
المشاهدات
2390
متابعات
1
x
©2014 Google - البنود - سياسة المحتوى - الخصوصية - وضع الأمان: إيقاف
اختيار وضع الأمان
استخدم وضع الأمان في إجابات Google إذا كنت تريد عرض المحتوى المناسب للأطفال فقط.