هأقولك شوية حاجات ان شاء الله تفيدك فى موضوع الطابعة
الطابعات 3 انواع
dot matrix -1 الطابعات النقطية
ink jet -2 الطابعات قاذفة الحبر
3-laser طابعات الليزر
النوع الاول :تقريباً انقرض ومفيش منة.
النوع التانى: ثمن الطابعة معقول ولكن تكلفة الورقة العادية مش رخيصة والحبر كذلك غالى برضة.
النوع الثالث: ثمن الطابعة غالى لو ابيض واسود حوالى 700 جنية ولو الوان حوالى ثلاثة الاف جنية!!!!انا عارف انة ثمن يخض ولكن تكلفة الورقة لاتذكر وكذلك استهلاكة للحبر مفيش خالص وسرعتة جبارة جداً
انا مرة سألت احد الناس الى عندهم طابعة زى دى قلتلة تكلفة الورقة كام قعد يفكر وبعدين ضحك وقالى مافيش تكلفة خالص !!!:077:
فلو حصرنا الانواع على اول اتنين ستجد ان الاولى ستدفع تكلفة عادية او بسيطة ثم بعد ذلك تكلفة الحبر هتكون غالية
مثال انا عندى طابعة hp1513 لما حبيت اشترى خارطوشة حبر <cartridge> الوان لقيتها بحواى 180 جنية يعنى ممكن تجيب اتنين كأنك اشتريت طابعة جديدة وعلى فكرة جميع انواع الخرطيش متوفر جداً عدا ممكن القديم منة !!!!فأنا دلوقتى ماشى بنظام اعادة الملء <refill> بحوالى 20 جنية بيجيب نفس الخرطوشة القديمة ويعبى فيها حبر ولكن مشكلتة انة ليس جودة اولى ودة هيأثر معاك فى جودة الورق لو كنت شغال فى التصميمات والجرافكس كمان بعد مدة بيأثر على الطبعة من ناحية الكفائة لو ماباظتش . فعرقت بقى اية هى مشكلات الحبر!!!!
اما بالنسب للنوع التانى فهتدفع فلوس جامدة شوية فى الأول وبعدين هيوفرلك جامد فى فلوس الحبر وهيعيش معاك.
ونصيحة لك أخى قبل ماتفكر تشترى طابعة اقعد مع نفسك واعرف انت عايزها لية وشوف امكانياتك ...لأن نوع الطابعة بيختلف من مستهلك لمتسهلك أخر حسب نوعية الأستخدام
وممكن تجيب طابعة متعددة المهام <طابعة وماسح ضوئى وماكينة تصوير> انا بفضل الله عندى واحدة جبتها من حوالى سنة ب 650 جنية hp1513
اشهر انواع الطابعات hp ,canon ,epson
