هشام (بجاية) عشت حياة الامراء مع الصحافي عبد الله
كي كنت نسمع و نقرا على عبد الله الصحفي ما كنتش نصدق و ما حلمتش انشوفو..جامي شفت جورناليست قدامي..احنا نسكنو في قرية صغيرة ..بعيدة..و احلامنا صغيرة..و كي اكتب ربي نتلاقاه بقيت في دهشة كبيرة..الهدرة راحتلي..القيتو سانبل ..نورمال..ما يتكبرش..اعطالي قيمة..و فهمني الحياة..وصاني على يما..و سافرت معاه بسكرة و غرداية وورقلة ملي تلاقيتو و انا انعيش حياة عمري ما عشتها ..كليت و شربت و حوست و رقدت في فنادق 4 نجوم..كلش متوفر..كي النقل..كي الخدمات..و اعرفت و تعلمت ان الانسان ماشي بالكوستيم و لا بالمعارف..الانسان بالمعاملة و الاحسان..انا كنت مع اخي ماسينيسا من و لاية البويرة و اخي سيف الدين من المسيلة..الفواياج هذا عمري..عمري..عمري ما راح ننساه..شفت بعينيا كيفاش الناس و اصحاب الفنادق و العمال و كل شخص نتعرفو بيه و لا نتعاملو معاه يعامل الاستاذ عبد الله بالقدر و الاحترام و يعرض عليه الخدمات سواء كان مدير فندق او مسؤول او صاحب محل او سائق سيارة اجرة ..انا تعلمت مع عبد الله كيفاه انحب الناس و كيفاه نعاونهم و كيفاه ما نظلمش و كيفاه كي نغلط نستعرف و كيفاه ناكل و كيفاه انخلي جميع الناس يحترمونا .انا ما قالوليش و ما سمعتش انا عشت و شفت بعينيا ..و الله العظيم و راني مضيت تعهد ما نكذبش انا حسيت روحي امير مع عبد الله و الله المعيشة و الخدمة معاه كلي واحد راه عايش مع الامراء..تعلمت نتواضع و نحترم اي شخص مهما كان ..شفت عبد الله يغسل الكيسان و الطباسة باه يفرح العامل في الفندق..و شفتو كي ينظف الغرفة انتاعوا باه يفرح عاملة التنظيف و شفت كي الناس اتحب تتقرب ليه و اتحب تعرفو و اتحب تقدملو واش ايحب..قد ما نحكي جامي راح نقدر نوصف اللي عشتو في ايام جازت كي الريح..صح عبد الله نيرفو بزاف بزاف و في الخدمة يدير حالة بصح طيب و صادق ما يعز علينا والوا واش انحبوا و لا واش نتمناوه يجيبهولنا طلبوا الوحيد هو ان نعمل باخلاص و صدق و ترك الاماكن نظيفة و عدم الاعتداء على اي كان و المحافظة على الهدوء و احترام الوقت و الناس و المواعيد ..و كي رحنا و غيرنا حياة الاخ عبد الحق ..انا ما افهمت والوا الاستاذ مالقري عيان جاب معاه زوج كبات كبار معمرين عطور و ادوات تجميل و ساعات و العاب و اشياء اخرى كثيرة كلها مستوردة قيمتها قريب 7 ملايين جابها من العاصمة باه يفرح واحد عندو محل و ماهوش قادر على الكراء و لا على شراء البضاعة..و كانت مهمتنا صعبة بزاف كي درنا اجتماع ..انا و ماسينيسا رحنا انحوسوا على واحد فقير و محتاج و نفس الشيء دارو الاستاذ و سيف الدين و بعد ساعة و نصف ولينا و تناقشنا و انا استغربت من الاستاذ و سيف الدين القاو واحد عندو محل صغير و ما عنو والوا ..متزوج و ينتظر مولود ..كي رحنا لعندو قريب طاح قالي ماراني فاهم والوا ..شفت الاستاذ اللي يخمس مع الوزراء و المشاهير و الاغنياء و رجال الاعمال و شاف العالم يمسح و نقي في حانوت عبد الحق ..ايه ينقي فيه و يمسح في الزجاج و يرتب فيه و يعمرو بالصابون و الريحة و ليجووي و لي كوفري بيدو ..انا تعلمت بزاف من عبد الله الشاب عبد الحق فرح و قالنا من الفرحة ما رانيش قادر انعبر جامي واحد خمم فيا..عبد الحق شاب من ميلة فتح محل صغير جدا في ورقلة بحثا عن لقمة الحلال..حانوتو ولا معمر ما شاء الله و الغاشي دار بينا ..بصح اللي دوخني عبد الله رغم مقامو لكبير ما شاء الله شفتوا يخدم و ايعاون ناس مرضى و مهابل و يتالم من اللي راهم عايشين برا..وليت انقول سبحان الله ربي كتب لعبد الحق سلعة بسبعة ملاين بلا ما يطلب و لا حتى ما يستنى ..ان شاء الله اتكونو افهمتوني و ان شاء الله اللي ناوي الخير و يحب الخير يكتبوا ربي يتلاقى بالاستاذ عبد الله و راني متاكد بلي راكم تتمناو اتشوفوه..اللي عندوا الفيس بوك يكتب في البحث بليار ما شاء الله عليك يا عبد الله كي تبان ادخلو لاباج و قراو و اللي يحب يخدم و لا عندو بروبلام و لا يحوس على اي حاجة و حاب يولي جورناليست و لا فتوغراف و لا كاميرامان و لا يهتم بالسفر و السياحة رقم الهاتف 0661531657 و الايميل netsahafa@yahoo.fr نقلت لكم الاعتراف //دنيا سلامي//صحافة..نات
