إش معنى إبن عمها بالذات يعني ، مع أي راجل غيري ، و عادي جدا يكون لها علاقة مع أي حد غيري ، فين المشكلة ؛ أنا أعرف واحدة ، تقدمولها خمس خطاب ، و كل واحد يعمل معاها قصص عشق و غرام ، و تليفونات و جوابات و الذي منو ، و في آخر لحظة ، تفشل الخطوبة ، بس كده ، ده لو إعتبرنا الخطوبة حاجة حلال ، فمفيش مشاكل ، إن يكون في حب و غزل ، و الذي منو .
أي إنسان ، سواء كان أنثى أو ذكر ، من حقو إن يحب ، في لحظة من لحظات حياتو ، طلاب المدارس و الجامعات ، أكتر الناس ، بحبو ، لأنهم عندهم طاقة داخلية ، نفسانية و جسمانية ، بتجبرو ، و بتدفعو ، مرات غصب عنه ، إن يحب و يتغزل و حتى يكتب شعر ، ليه لأ ، بس في النهاية ؛ حيفوق ، أكيد حيفوق ، و يعرف ، إن كل ده كان حلم في حلم ، و بما إنها كانت زي ما إنت قلت كانت بتحب إبن عمها أو غيرو ، مين ما كان يكون ، في النهاية ، هي بتحبك ، لإنها إتجوزتك ، إخترتك إنت ، فإنسى ، إنسى الماضي ، و عيش الحاضر ، بكل تفاصيله ، بس في النهاية ؛ ليه البنت دايما تلام في قصص حب و عشق قديمة ، و الولد لا يلام في حاجات زي كده ؟؟؟!!