هذا طبعي وتعود مسمعي
اجري دمعي على صوت النعي
ويسمع بهذا التراث بكل عزية
لمن تعود الليالي الفاطمية
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
ولاذت وره الباب اختفت فاطم ولاذت
ولاذت عصرهه ألماله مروة ولاذت
ولاذت يخايب لامجابلتك ولاذت
ولاذت ذنب لجلة توسدهه المنية
بياذنب من عصرهه بيا ذنب يسال اليوم دلال المحب
والسؤال يعيده بالعبرة الجرية
لمن تعود الليالي الفاطمية
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
علامة نشر حزنك على راسي علامة
علامة ويبوي ومن تهل عيني علامة
علامة بوجهي ظلت السطرة علامة
علامة اجيك وشوف شنهو ألصار بيه
ويا النبي ومن تجيك بهل الوضع حمرة العين ومكسورة ضلع
واسأل الزهرة شكثر شافت أذية
لمن تعود الليالي الفاطمية
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
بدنهه مصايب فاطمة عظامي بدنهه
بدنهه وأحس البيت صار اظلم بدنهه
بدنهه انه من غسلت بيدي بدنهه
بدنهه كسر كلبي كسر ضلع الزجية
بيا وضع من حضرت المغتسل بيدك تمر على ذاك المحل
عينك الباري يحماي الحمية
لمن تعود الليالي الفاطمية
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
يفضة آه كتاب حزني من يفضة
يفضة ابد مايفض نوحي من يفضة
يفضة على صاحت دلحكيلي يفضة
يفضة الحمل طاح وسكط فوك ألوطية
مكدر انهض من الحصل كصدي لية وتعالي بالعجل
هذه صرخة فاطمة الزهرة الزجية
لمن تعود الليالي الفاطمية
ويسمع بهذا التراث بكل عزية
