طالما انت شاطر ادخل علمى وعلى فكرة سنة تانية سهلة اوى على قد معرفتى بس استعين بالله
بس تالتة لسة مادخلتهاش والثانوية العامة ماهياش لغز او سنة من العجائب انا كنت فاكرة كده
فى الاول برضو بس بعد مادخلتها حسيت ان الاعلام عامل دوشة على الفاضى لان اللى مذاكر
بيحل ةاللى مش مذاكر مابيعرفش يحل يعنى سنة زى اى سنة وفيها المتفوق وفيها الخايب
ولازم يبقى عندك طموح انك تبقى دكتور مثلا ناجح ومتفوق
وتطمح انك تكون زى مجدى يعقوب مثلا بل واحسن منه
من غير طموح وحلم مش هاتعرف تكمل حياتك العلمية لازم تفكر فى مهنه وتسعى لتحقيقها
وربنا معاك

اولا : حاول ان يكون ليك في حياتك هدف عشان تحققه فكر انت عاوز ايه لو ذاكرت في الثانويه العامه عشان تنجح وخلاص ده مش هينفع لازم يكون ليك هدف لان لو ليك هدف في حياتك هتذاكر جااااااااااااااامد عشان تحققه هعرض عليك الكليات العلميه الى نفسك تكون فيها وتخيل نفسك وحدد  انت شايف نفسك في ايه وطالما انت شاطر في كل المواد يبقي انا هعرض عليك كله
ولازم تركز اوى انت طول حياتك كنت شاطر في ايه يعنى لو بتحب الاحياء اوى ادخل علمى علوم
لو بتحب الرياضه ادخل علمى رياضه وفي الحالتين تدخل سنه 2 ثانوى كيمياء عشان تجيب مجموع عالى يسندك
وانا ممكن اساعدك
تخيل كده
لو عاوز تبقي دكتور او صيدلى او طبيب اسنان {كل دي كليات قمه }يبقي تدخل كيمياء في 2 ثانوي والكيمياء سهله جدا لو لوحدها وتجيب مجموع عالى وبعدين تكمل في سنه 3 ثانوى وتدخل علمى علوم يعنى تاخد {احياء +فيزياء}  وده يتطلب انك تبقي شاطر احياء
اما لو شايف نفسك انك تكون {مهندس او بتشتغل في الكمبيوتر والحاسبات عامه }
تدخل 2 ثانوى كيمياء وبعدين تدخل 3 ثانوى علمى رياضه  دا لو انت شاطر اوى في الرياضه
انما لو بتواجه صعوبه في فهم المواد العلميه وبتكرهها زى الكيمياء والاحياء والفيزياء والرياضه
يبقي تدخل ادبي تاخد سنه 2 ثانوى تاريخ وسنه 3 ثانوى علم نفس
يعنى انا عاوزة اقللك ان كله تبع ميولك وعاوزة اقللك انك لازم تحدد انت عاوز ايه بدون خوف او قلك او ارتباك واستعين بالله واستخير ربنا وربنا يوفقك
وعلى فكرة سنه 2 ثانوى لو اخدت كيمياء سهله جدا جدا جدا وشوف نفسك لو جبت اقل من 97 %
ادخل علمى رياضه
من اول 97% كمل علمى علوم وخد احياء
وربنا يوفقك ومتخافش

فى الجامعة وبعد التخرج الكل يعانى نفس المعاناة بتفاوت بسيط الا من رحم ربى

استخير ربنا وخلاص!!

اكيد علمي، وانت مشاء الله عليك تذاكر اول بأول يعني مافي خوف عليك

اذا كنت واثق انك هتجيب اكتر من 95 فادخل علمى علوم وتوكل على الله لكن لو مش متـأكد فبلاش لان مش هتلاقى الا كلية زراعه اللى بتقبل من 53 % يبقى مجموعك مينفعش فى علمى اما ادبى مجالها واسع ممكن تجيب83% تتدخل تربيه عام يعنى مدرس ثانوى اقصد كل مجموع فيها له فرصته وازن بين علمى وادبى كويس قوى قبل متختار  ان عندى مشكله جامده اوى من سوء الاختيار دخلت علمى علوم وجبت 82% وهحول ادبى عشان ادخل تربيه عام مع انى ممكن اشد حيلى وادخل كليه علوم  لكن خايفه اجاذف بمستقبلى  فانت وازن بينهم واختار الصح وربنا يوفقك

لو هتدخل علمى علوم لازم تجيب مش اقل من 95 لو اقل من كده يبقى ادبنى احسن.وعن تجربه اقسم بالله انا كنت جابيه فى 2ث 90% و 3 جبت 94% وشكلى مش هلحق اى كليه من العلمى وادخل كليه ادبيه والله بجد ياريتنى كنت حولت ادبى من الاول لان العلمى العلوم صعب مش هين عايز واحد يقدر يقفل كل المواد عشان يجيب مجموع

انت شو حاب لو علمى علوم بتفضل ها المجال ومايميزة الطب وكلية العلوم = ادبى هو اقل من العلمى لكن ليس سهلا كمايتصورة البعض فهو يوصل الى كليات قمة ايضا =اهم شئ لاتسمع للاصوات من حولك واستمع لصوتك انت فانت الذى ستقرر مستقبلك وليس الاخرين واتمنا لك التوفيق ^^

تكتب رغباتك علمى علوم او علمى رياضة مش هتفرق بشرط تخلى ف سنة تانية كيمياء وف سنة تالتة فيزياء معاها رياضة2 او احياء ولما تخلص سنة تانية تشوف مجموعك وتقيم موقفك وتحدد هدفك ان كان كلية من الكليات الطبية تكمل فيزياء واحياء وان كان هندسة او حاسبات ومعلومات تكمل فيزياء ورياضة 2 ولو كلية ادبية زى اقتصاد وعلوم سياسية او اى كلية تانية تحول ادبى
لكن نصيحة من اخ شاف كتير ف الموضوع ده انك تحدد هدفك من دلوقتى وتشتغل عليه لان ده هيفيدك كتير وهيريحك كتير جدا
وبالمناسبة الثانوية العامة مش لغز ولا عفريت ولا حاجة وف نفس الوقت مش سهلة يعنى ببساطة تجتهد وتذاكر وعلى قد تعبك ومجهودك ربنا يديك
بالتوفيق ان شاء الله

بص يا عم النظام في مصر الله يكون في عونه كله في الآخر زي بعضه إنما لو إنت بتذاكر وخلاص زي ما بتقول فمهما كانت المواد هتجيب درجات عاليه إن شاء الله وهو ده اللى التعليم بيحبه في مصر واستخير ربنا كده وإن شاء الله لك كل التوفيق

بص نصيحة اخ
ياعلمى رياضة او ادبى
لانى انا تعبت جدا فى الثانويى وجبت 94 ومدخلتش ولاطب ولاصيدلة ولاحتى علاج طبيعى ودة كمان ينطبق على ابو 96 بردة ملحقش حاجة
اما فى علمى رياضة باقل مجهود تدخل هندسة واقسم بالله انى عندى زملاء لايفقهون شئ ودخلة هندسة
بالنسبة لادبى لو ربنا كرمك وجبت فوق 90 انت ضامن كلية قمة اكيد باذن الله

ادبى و ريح دماغك
وعلشان ترتاح اكتر صلى استخارة
وبتوفيق ان شاء الله

و انت تسال ناس ليه اساسا انت ماكل و مالهم هى حياتك ولا حياتهم
شوف انت عايز تدخل ايه ملكش دعوة بحد

لو بتحب العلوم خش علمي مبتحبهوش خش ادبي شاطر في كل المواد انصحك علمي لان فرصه اكبر من الادبى

ادبى احسن

ادبى احسن

ادبى احسن

ادخل التخصص الذي تحبه و تتجه ميولك له

اسمع في زماننا الحالي كل ماينفع لا علمي ولا ادبي
****لكن انت ممكن تخش اردى تخصص في العالم ويكون على طالبه كثير مررره وبكذا تكون اذكاهم وتغليق وتسير دكتور في نفس الجامعه والكليه ****
++++++++++++++++++++ وانا زي كذا سرلي++++0

يبقا ادبى لان الادبى مذاكره وخلاص بس العلمى محتاج مجهود ف المذاكره وحب للمواد