لوكنت لسه مارحتش علشان الاجابة جت متاخرة شوية انا هاقولك تروح ازاى؟
1- تركب ميكروباص اسكندرية(الكيلو21) من اى موقف سواء عبود ,الجيزة ,الهرم,رمسيس ايهم اقرب ليك(والاجرة من 20 الى 25 جنية علشان بقالى كتير مارحتش القاهرة.
2- اول ماتوصل عند كارتة اسكندرية تنبه السواق وتقوله نزلنى (الكافورى).
3- بعد ماتنزل الكافورى هاتعدى الناحية التانية من الشارع هتلاقى جنب ماكدونالدز موقف ميكروباص رايحة برج العرب, او الهوارية.
4- اركب اى واحد فيهم وقولوا نزلنى صينية المطار.
5- بعد ماتنزل صينية المطار هايكون بينك وبين المطار 4 كم وف الغالب مابيبقاش فى عربيات تدخلك لحد المطار , بس انت تشاور لاى عربية رايحة ناحية المطار وتركب معاه , وممكن ربنا يكرمك وتلاقى عربية تناية او توك توك.