السلام عليكم ورحمة الله وبركاته
يا جماعة انا عندى مشكلة تخص اختى انها خريجة حقوق عين شمس 2007 وللاسف مش لاقية شغل غير المكاتب والصراحة المكاتب هدة حيل على الفاضى هى اتدربت عند محامى لما اتخرجت وكانت حبة المجال جدا بس مكانش بيقدر جهدها وكان بيديها 80 جنيه ولما فرح منها زودهم 20 جنيه يعنى دة حلال وللا حرام وكمان الصبح ف المحاكم والليل بالمكتب انا بس عايزة اعرف لو حد يعرف شركة او مدرسة او اى مكان يكون فيه شئون قانونية ياريت يعرفنى عليه وهى اهم ما يميزها انها محبة للعمل وطموحة وملتزمة بالمواعيد جدا وبتحب مجالها بس مش لاقية حتة تشتغل فيها
تانى حاجة بقى بالنسبة لى انا لسة ف سنة تالتة علوم عين شمس بس نفسى اشتغل من البيت مع الدراسة يعنى بسمع كتير عن شركات بتدى ناس ورق يكتبوه على الوورد من البيت وبيخدوا مقابل مادى انا نفسى اعرف الشركات دى فين يعنى انا لو عايزة شغل خفيف من البيت مع الدراسة عشان لو عايزة اخد كورسات تساعدنى لايجاد عمل كويس بعد التخرج الاقيها فين الشركات دى او اقدر اشتغل من البيت ازاى
انا من عين شمس ياريت لو حد يعرف حاجة من اللى انا او اختى محتاجاهم يكون قريب من العنوان دة
وشكرا مقدما ليكوا بجد تبقوا خدمتونا جدااااااااا
ملحق #1
04/08/2010 8:46:31 ص
المشكلة ان الكورسات كلها غالية يعنى لفل واحد انجليزى ف القوات المسلحة ب325 جنيه والكمبيوتر كمان غالى وطبعا كفاية على بابا مصاريف الدراسة والكتب والذى منه فكنت عايزة اى حاجة تجيبلى فلوس عشان اقدر اخد كورسات من غير ما اكلف بابا حاجة اضافية على مصاريف الدراسة
عالم اجابات كورسات الكمبيوتر حتفيدنى بايه؟؟
ملحق #2
04/08/2010 9:22:31 م
المشكلة ان اى مكان تانى رخيص زى مابتقولى بردو بيبقى الى حد ما غالى يعنى 80 ج او 100 ج للفل الواحد للانجليزى والكمبيوتر بيبقى غالى بردو الصراحة الواحد اتخنق وحاسس انه متكتف ومش بايدى انه يساعد نفسه حتى وكل دة بسبب الفلوس
ربنا يعينا ويعينكوا انتوا كمان يا شباب
شكرا ليك يا عالم واتمنى لو حد تانى عنده اى مساعدة يحاول يدلنى على طريق سهل
