علي طرابلس ناشد نباها جاني...... زينك نبا خيره اللي هناني


ننشد علـــــــــــــى من فيها ....... من شــــــرقها لغربها لقبليها


واليوم متغرب بعيد عليها ...... انبلغ سلامى لكل من لاقانى


عروس النهر زاد البحر حاذيها ..... و بوسليم والفلاح والدهمانى


وان كان ع الظهره اتريد اتجيها .... تبرم على الساحه وترجع ثانى


و سيدى حسن تلقا اشاره ليها ...... وتادورك واترجعك ع الهانى




اتجيك بن عاشــــــــــــــــــور ...... وشارع اجرابه ان كان تبى اتزور


تلـــقا عربها هاى والا احضور ...... لايعرفو الهضــــــبه ولا السوانى


وشارع الدريبى امكسر ومحفور ....... وسيارتك تشكى وتبقا اتعانى


وتجيبك على قدح اتمر امرور ...... واتخششك صوب الحي الاسلامى


فيه اللحم فوق الرصيف اسطور ...... اموسخه الوشواش والذبانى




انمر على عــــــــــــــــــين زاره .... نلقا النجدة امعكس ابصفاره


والاندلس يا حى واللى زاره ...... تشفى شفاه وهو اللى داونى


وقرقارش وبو نواس فى جرجاره ...... وفشلوم ننساها وما تنسانى


والقرجى مع الشعال والا الحاره ........ وغرغور فيها فرحتى واحزانى




شوف سوق الجـــــــــــــــمعه ...... تلقاء عربها كلــــــــــــها مجتمعه


فى سوقها خانب و فيده شمعه ...... ماريت كيفه فى اوقات زمانى




تبرم على الســــــــــــراج ..... تلقا العبيد غادى افواج افواج


ما اتقول فى السبعه وفى الفرناج ....... وسوق الثلاث وفى زحمته بنعانى




ابـــــــــــــــــــــــرم على المدينه ...... وانشد على الخاطر وع امواهيمه


عندى امعاها صوب داير غيمه ...... فى صيفها بشبوبها راوانى


علي طرابلس ناشد نباها جاني...... زينك نبا خيره اللي هناني

1. بعد الحادث بلحظات وصلت سيارة شرطة المرور ...

شرطي المرور:
شن دارلك ياحاج البالو لطيته ... قدامك قطع ولا بروحك جيته
البارح اكيد شبحته شامخ مثيل الصقر ماد اجنحته
مصبي مع خوته قباله تحته ... القطران زاهي ضاويه حاشيته

الحاج :
ماهـو مني ... ماشي بكرهبتي ونا متهني
فاتح المجعاوي حداي ايغني ... ماسك ايميني واليسار عطيته
ما نندري عللي وراي طعني ... رماني على هالبالو قليته
لا اسكرت لاني جايه متعني ... تحرم عليا حجتي ما ريته

شرطي المرور:
ياشاب جاي تعالى ... عطيني اوراقك كل شئ قباله
شن جيبك للحاج تخبطهاله ... لين انعزق عالبالو خليته
انت اللي غلطان حسب اقواله ... بخرخاشتك من لاورا قبيته

الشاب :
كُف ملامي ... ماني اللي غلطان غير اقسامي
سي الحاج شد افرينوا قدامي ... ونا يادوبني بالطارقه حفيته
تلكمس تلفتلي مشى متعامي ... طلع م الطريق وصار هاللي ريته

البالو: عمود الضي

نحوس وين مايسرح بعيد خيالي
ويجبد الوطن اللي علينا غـالي
بين امروج تهوج بالعطور الفايحة وتروج
وحذا اجبال كسيها نظاف اثلـوج
تخلط جمــال اسويسري ويطالي
انا والرفـاقة في طرب ممــزوج
بشوق لمـقاعد بوغثيث اطـوالي
اللي صورته مابت نهار اتــروج
ولاحولت من بالـــهم لابالي
حتى وين قابلنا الغاوي عــوج
وقمة حضارة فــي مجوف خالي
وحق من امصور في سماه ابـروج
علي ليبيا ماريـت يعـلا عـالي

جيد

الصــــــــــبر

أصبــــــر علــــــي المقســــــوم صبــــــرك طيــــــب*** الصبــــــر ماعمــــــره رجــــــاك إيخيــــــب

أصبــــــر علــــــي الصاحـــــب***حتــــــي بعــــــد يغلــــــط عليــــــك إيخيــــــب

لاتعاتبــــــه لاتتركـــه وأتغيــــــب***الصاحـــــب الخيــــــره راه مايسيــــــب

هــــــذا زمــــــان الــــــود فيــــــه صعيــــــب***والقــــــدر ناقــــــص والرفيــــــق أعطيــــــب

والنــــــاس تمــــــت فــــــي الكبيــــــر أتعيــــــب***ويهــــــزوا علــــــي الشايــــــب أيقولــــــوا أشويــــــب

أصبــــــر علــــــي جيرانــــــك***وديمــــــا معاهــــــم عدلــــــه ميزانــــــك

وحتــــــي أن عابــــــوا ليــــــن وصلــــــت ذانــــــك***أكتمــــــ الســــــر ومــــــا عليــــــه أتغيــــــب

واللــــــي جفــــــا زود عليــــــه أحسانــــــك***تلقــــــي العــــــدو منهــــــم عليــــــك احبيــــــب

الجــــــار مهمــــــا جــــــار صــــــون لسانــــــك***مــــــادام وصانــــــا عليــــــه الطيــــــب

أصبــــــر علــــــي شيابــــــك***وأطلــــــب رضاهــــــم قبــــــل يــــــوم احسابــــــك

هــــــم جنتــــــك والا أسبــــــاب عذابــــــك***يــــــوم القيامــــــه يفتحــــــوا الكتيــــــب

وجميــــــع مادرتــــــه حــــــواه أكتابــــــك***والنــــــار والجنــــــة أحــــــذاك أقريــــــب

لا واسطــــــة لا فيــــــه مــــــن يشقابــــــك***الا الصالــــــح مــــــن العمــــــل والطيــــــب

أصبــــــر علــــــي ذريتــــــك***وديمــــــا مــــــع مــــــولاك صفــــــي نيتــــــك

وأرضــــــا بمو مكتــــــوب فــــــي قسميتــــــك***لا أتحيــــــر لا تاكــــــل اللــــــي مو طيــــــب

وبالغضــــــب ما تقــــــدر أتحــــــل قضيتــــــك***وبالصبــــــر تفتــــــح كــــــل بــــــاب اصعيــــــب

ومهمــــــا جرالــــــك ما أتبيــــــع هويتــــــك***وقــــــوة إيمانــــــك دوم فيــــــك أتهيــــــب

أصبــــــر أن حالــــــك ضــــــاق***وأرفــــــع أيديــــــك وقــــــول يــــــارزاق

وحتــــــي المعيشــــــة كــــــان ما تنطــــــاق***راه الفــــــرج عنــــــد الكريــــــم أقريــــــب

أصبــــــر أن همــــــك همــــــك***ومــــــا ألقيــــــت صاحــــــب ينهضــــــك ويلمــــــك

ياخدغلاه وزياده وامعاهن وفاغصبن علي حسده_________الي كيفك ياخدغلا وزياده

كان تبي ولدك في العرب يسمى فكر في خاله قبل لا تجيب امه

يقول من عدا علي راس عالي  ... رجما طويلً يدهله كل قرناس

عين أمناي أللي عاشقها *ماتفرقها *مااللي قرقاضا لسبقها*____عين أللي طابت عالكفه *راس هدفها *مرسوله ليا عارفها خايف منها ناخذ لفه كيف نرمقها ليد على ليد أنصفقها*_______عين أللي طابت عالريشه في حشيشه ليا بمهايا ترميشه *سود أدقول أفواهق خيشه شال أروقها قبلي في ليل أتاوقها ماعد طق أخلال مليشه *وين جلقها طارت مافزاع ألحقها*****كلام صعب أشوي بس كلام جميل جداً (أي خدمه)

اللى يحبك يودك بالعيش والمى البارد
واللى مايحبك يردك على البير لاجيت وارد