قرأت هذه القصة ولا أدري مدى صحتها وانقلها كما هي بلا تدخل :

قصة مديرة سعودية: -
تدور القصة حول مديرة مدرسة عزباء غابت عن المدرسة يومين وحين عادت لمدرستها قابلنها المدرّسات بالسؤال والسلامات وينك يا مديرة ؟
قالت لهم : باركولي تزوجت مسيار!!! .
قالوا المدرّسات : ألف مبروك .. بس مين سعيد الحظ ؟؟
قالت لهم : بصراحة زوجي هو زوج وحدة فيكم !!
المدرّسات : تكفين علّمينا أي وحدة منا ؟
قالت المديرة والله ما أعلمكن .
المهم لزّموا عليها .. قالت : أنا ماني متكلّمة .. لكن اللي تبي تعرف هو زوجها وإلاّ لا تجيب بكرة معها 500 ريال
وإذا جت توقّع الصبح تحط ال500 على الطاولة .. واللي آخذ فلوسها معناه زوجي ما هو زوجها .. واللي أخلّي فلوسها على الطاولة وما آخذها فهو زوجها ... عيب عليّ أتزوج زوجها وآخذ بعد منها 500 ريال !!
وافقت المدرّسات على هذه الطريقة .
ويوم جاء بكرة .. وكل وحدة مزهّبة معها الدراهم ..
جت الأولى والثانية والثالثة والرابعة حتى العاشرة والمديرة تاخذ الدراهم ..
يوم جت المدرّسة ال 11 بدت المديرة تتأفف .. المهم حطت الدراهم على الطاولة .. قالت لها المدرّسة : تكفين خذيها يالمديرة قالت المديرة : اعذريني قالت المدرسة كانّها قليلة حطيت ألف بدال الخمسمية ..
قالت المديرة : أووووووووووووه معليش أثرك أنتي جواهر والله إنّي آسفة غلطت !!
تنفست المدرّسة وقالت : الحمد لله يعني بتاخذين الفلوس ؟؟ المهم أخذتها المديرة ..
ودخلت بقيّة المدرّسات حتى ال 23 والمديرة تلعب بأعصاب كل وحدة وفي النهاية تأخذ الخمسمية ..
المهم بقي مدرّسة واحدة ماجت .. اتصلوا عليها المدرّسات : هاه وينك يا أستاذة ؟؟ قالت : والله إنّي تعبانة وماني جايّة .. هاه من صار زوجها اللي متزوج المديرة ؟
قالوا لها : لين الحين مابيّن شي والمديرة عيت تاخذ الفلوس لين نحضّر كل المدرّسات ( يلعبن عليها بس يبونها تجي عشان يطّمّنون إنها هي لأنه ما بقى إلاّ هي ) وقالوا لها المدرّسات : لازم تجين تكفين ..
المهم جت تسحّب رجليها بالقوة ويوم جت تدخل .. المدرّسات كل وحدة مبسوطة إنه ما هو زوجها ,, المهم قالت لهم المديرة:
الدراهم ( 12000 ريال ) ما راح ترجع .. وأنا والله لا تزوجت ولا شي لين الحين عزوبية .. !! بس كنت مريضة هاليومين .. ولكني أطلبكن قبل شهر تدفعن على 100 ريال نصلّح المصلّى ولا وحدة منكن دفعت .. قلت والله لأدفعكن 500 ريال نصلّح المصلى ونشتري مصاحف وقف للمسجد .
قالن المدرسات : بالعافية فداك الدراهم ولو تبين زود عطيناك هو صدق بس رجالنا ما تزوجوا علينا ؟؟؟!!

دايم ع البال: زواج المسيار هو زواج أجازه العلماء وهو الزواج الذي فيه كافة شروط الزواج العادي الا أن المرأة فيه تتنازل عن حق النفقة والسكن .

ROUDA:واضح انك لم تفهم معنى زواج المسيار , المسيار يتم بموافقة أهلها وشهود وعقد شرعي  ولا يختلف عن الزواج العادي الا أنها تتنازل عن حق السكن او النفقة او كليهما حسب الاتفاق في العقد.. يبقى قضية هل تقبل لأختك او لا تقبل هذا شيء آخر ,وهذا لا يجعل العقد باطلا ان انت لم تقبل و ولكن هناك أناس ظروفهم لا تسمح الا بهذا الزواج, وهناك الملايين من البنات اللواتي يرغبن بالزواج بهذه الطريقة حتى يتسنى لها الانجاب ولو بولد يؤنسها بحياتها ويكون بالحلال .. خير لها من الزنى .. اما موضوع العدة فهو تماما مثل عدة الزوجة العادية .. هداك الله للفهم والرشاد .