الرئيسية > السؤال
السؤال
على فين يا بلدنا يا غالية ؟؟ قصيدة عن الوضع الحالى
على فين يا مصر يا محروسة
على فين يا أم الدنيا
الناس بحبك مهووسة
ولابعدوا عنك ولا ثانية

على نار الشوق صابرين
واملنا فى رب العالمين
نكون معاكى مجتمعين
و مانكونش فى أى بلد تانية

ولادك بقوا منقسمين
اسلامى ليبرالى علمانى
شيوعى و شيعى ونازلين
تقسيم فى بلدنا الغالية

بعد يوم 25
قلنا خلاص بقينا أحرار
قلنا خلاص بقينا فاهمين
أتارينا وقعنا فى أوهامنا

امبارح كنا فى ثورة
امبارح رحنا التحرير
ولادك بقوا حاجة واحدة
طلبوا بس التغيير

قالوا لنا خلاص احنا اتغيرنا
وبقينا معاكوا يا حبايبنا
وضحكوا علينا و هدينا
وبقينا لا مؤاخذة طراطير

قالوا كلها 6 شهور
و الامن خلاص هيعود
بس علشان حبيناكم
هنأجلها شوية لأبريل

وجه أبريل و راح أبريل
ولا شفنا شكل التغيير
قالوا اصلكوا مش فاهمين
احنا قصدنا أى أبريل ؟؟

قصدنا أبريل فى دماغنا
مش زى ما انتوا فاهمين
أبريل ده شهر مشهور
بكدبة كبيرة يا حلوين

والسنة دى أخدنا الثورة
هنخليها هى الكدبة
وهنخلى اياكم تعود
كأن مبارك موجود

انا مجلس مش عايز أجلس
على نفسكوا وانتوا رافضين
فخليكوا معايا يا شباب
بمزاجكم بدل ماتكونوا مغصوبين

هأفضل يعنى هأكون موجود
انتوا شوية ناس أوباش
انا مارضيتش أقتل فيكم
لما القتل كان ببلاش

لما مبارك قالى اقتل
قلت انا عايز اكون قطاعى
ما بحبش قتل الناس بالجملة
انا هاقتلكم بس بمزاجى

كل جمعة اطلعوا اتظاهروا
اوعى تنسوا أى جمعة
أنتو تقولوا الى عايزينه
ولو صوت يعلى مش هنسيبه

الناس خلاص بتفكر تهدى
وهتكره كل أفعالكم
ولا هتخرج تانى معاكم
هأطلع أنا (( أيمانكم ))

فوق يا شعب و قول لا
فوق يا شعب و زيل الغمة
فوق وقول انا مصرى أصيل
أنا مصرى و ياأنا يا هما

انا مصرى ومش ممكن أسكت
أنا ممكن تانى أثور
أنا مصرى وحق ولادى
هأكتبه أنا فى الدستور

لا وثيقة سلمى ولا حربى
ولا حتى وثيقة طنطاوى
ولا مجلس يبقى دولة تانى
الا اذا كان عنده بلاوى

كلمة أخيرة هاقولها ياناس
اوعوا بلدنا تضيع من ايدنا
لا هتبقى بلدنا بعدها
ولا هنعيش فيها مع ولادنا
العالم العربي | الشعر | مصر 20‏/11‏/2011 تم النشر بواسطة مصر الاسلامية (Hesham Rashwan).
الإجابات
1 من 2
كل بلد تحدث فيه ثورة بعد حكم مستبد ديكتاتوري  وحكم الحزب الواحد  ولمدة طويلة تحدث فيه مثل هذه المشاكل   انظروا العراق     9  سنوات( مشاكل )بعد سقوط صدام ونظامه وحزبه  و الان والحمد لله بدأ العراق يتعافى  رغم بعض المشاكل والارهاب هنا او هناك
22‏/11‏/2011 تم النشر بواسطة جاسم العراقي.
2 من 2
الله عليك بجد قصيده جمليه جدا
23‏/11‏/2011 تم النشر بواسطة مصرى حتى النخاع (Mohamed El hady).
قد يهمك أيضًا
الصين دي كريمه اووي يا جدع .. علطووول كده بتحرجنا ... ☻ ☻
محتاجين لكام حدث زى دة علشان نفضل ايد واحدة في مصر ونمنع ابواب الفتنة بين ولاد بلدنا
يا جماعة انا عايزة برامج تعليمية اصلية ممكن الاقيها فين فى القاهرة ؟
يا ترى مين اللى مصرى هنا
خليك يا جرذ المارينز بعيد عني
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة