الرئيسية > السؤال
السؤال
ازاي اروح الاماكن دي في القاهرة ؟
السلام عليكم,
معلش السؤال ده طويل اوي واجابته حتكون اطول فبليز استحملوني
انا من اسكندرية وعاوز اروح القاهرة عشان اسيب ال CV بتاعي في كذا شركة هناك والمشكلة اني كل اللي اعرفه عن القاهرة اني لما حركب اي حاجة من هنا حنزل في محطة رمسيس هناك فكنت عاوز اعرف ازاي اقدر اوصل للعناوين دي هناك :
1- شارع جدة, الدقي
2- شارع مصدق, الدقي
3- شارع غالب محمود العتيبي, النزهة الجديدة
4- شارع الاهرام, المقطم
5- شار الاندلس, المقطم
6- شارع 53 متفرع من شارع 9, المقطم
7- شارع السودان, المهندسين
8- شارع 316, المعادي الجديدة
9- شارع الجزائر, المعادي الجديدة
10- شارع الشهيد محمود عصمت حمدي, الشيراتون
11- شارع مركز المعلومات, الشيراتون
12- شارع 26 يوليو, الزمالك
13- المحور المركزي قطعة 3\36 أ, 6 اكتوبر
14- الحي المتميز المجاورة 4, 6 اكتوبر
15- المنطقة الصناعية السادسة, 6 اكتوبر
يا ريت كل واحد يعرف اي عنوان يقول عليه وشكرا
وسائل المواصلات 26‏/11‏/2010 تم النشر بواسطة Mo7amed.ce2010.
الإجابات
1 من 4
بالتاكسي طبعا
26‏/11‏/2010 تم النشر بواسطة السندباد البري (السندباد البري).
2 من 4
انزل فى رمسيس وقف تاكسى اديله  العنوان مثلا الهرم مقطم هيوديك ادام امكان بالظبط بسيطه جدا
كل الاماكن دى معروفه فى القاهره
26‏/11‏/2010 تم النشر بواسطة عادل الببرنس.
3 من 4
المترو بيعدى على كل المناطق دية ... والاحسن تتصل بالشركات دية وتبعت ايميل او فاكس فيه السى في بدل البدهلة دية .. او اشتغل فى اسكندرية واخلص
27‏/11‏/2010 تم النشر بواسطة alnazir.
4 من 4
انا هجاوبك ع كل مكان لوحده بحيث توصل بطريقة سهلة و موفرة كمان لأن التاكسي ف القاهرة خراب بيوت وهتصرف ف ال 15 مكان دول مئات الجنيهات عشان التاكسي ده - ركز بقى معايا :
1 + 2 ------> تنزل محطة مترو الدقي وتطلع هناك وتسأل ع الشوارع دي وهتوصلها مشي مش ركوب
3 -----> انزل موقف عبد المنعم رياض (التحرير) وأركب من هناك ميني باص رايح النزهة الجديدة
4 + 5 + 6 -------> نفس الكلام انزل موقف عبد المنعم رياض وأركب باص طالع المقطم أو خد تاكسي لأن المسافة مش بعيدة اوووي
7 -------- > اعمل مشوار المهندسين في نفس يوم مشوار الدقي لأنهم جنب بعض - لما تخلص اتمشى شوية وهتلاقي شارع السودان عند محطة مترو البحوث اللى هي بعد محطة الدقى ع طول
8 + 9 ------> خد تاكسي لأن المعادي الجديدة منطقة كلها شوارع بأرقام وحوارات ومش هيفيدك فيها غير التاكسي :))
10 + 11 ---------> ده هيكون مشوار طويل شوية وبالتالي التاكسي هيدبحك - انزل برضه موقف عبد المنعم رياض وخد باااص رايح شيراتون ونام شوية ف الباص لحد ما يوصل :))
12 ----> خد تاكسي :))
13 + 14 + 15 ----------> اصعب مشوار هو مشوار 6 اكتوبر لأن اكتوبر دي مدينة بحالها - يعني مش كفاية انك وصلت اكتوبر لان المناطق اللى انتا عاوزها ف اكتوبر محتاجة مواصلات بينها وبين بعضها - وكمان اكتوبر مدينة حضارية ومش هتلاقي فيها غير التاكسي عشان تتنقل جواها - عموما تقدر تركب اى ميكروباص من ميدان الجيزة او عبد المنعم رياض او رمسيس وهينزلك اكتوبر - وربنا يعينك بقى جوه اكتوبر - بس ع فكرة هيكون ألذ مشوار فيهم بجد
واتمنى تكون اجابتي مفيدة ليك ... وأهلا بيك ف كــــــــايرو :))
27‏/11‏/2010 تم النشر بواسطة Mous6fa.
قد يهمك أيضًا
ازاي اروح شارع الثورة في المهندسين من المعادي بالمواصلات ضروريييييييي؟؟؟
كيف اروح شارع شهاب المهندسين مواصلات
ازاي اروح مسرح الروابط اللي في القاهرة؟
ازاى اروح شارع دجلة المهندسين بالمترو
كيف اقدر اروح لإدارة التربية والتعليم بالرياض عن طريق شارع المدينة او مخرج 25 ؟
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة