الرئيسية > السؤال
السؤال
هل هناك مشاكل بين اليانز مصر وعملاءها
المشاكل الاجتماعية 6‏/5‏/2010 تم النشر بواسطة mhares.
الإجابات
1 من 24
يوجد الكثير من المشاكل واهمها عدم قدرة او (رغبة ) الشركة على سداد تعويضات عملائها .
16‏/8‏/2010 تم النشر بواسطة بدون اسم.
2 من 24
حرامية ونصابين

انا اتعاملت معاهم شخصيا
16‏/10‏/2010 تم النشر بواسطة ahmdf.
3 من 24
انا اعمل فى اليانز وفعلا يوجد مشاكل بين الشركه وعملائها ولكن هذه المشاكل يكون العميل هو السبب الاول بها بمعنى ان العميل يخفى ما هو مهم فى بوليصه التأمين مثل بعض الامراض التى تؤدى الى الوفاء وعندما يتوفى بهذا المرض لا يستحق اى تعويضات او مطالبات وهذا ما تعانى منه الشركه وهل تعلمون ان الشركه دفعت مطالبه قدرها 150 بليون يورو فى برج التجاره العالمى وهل تعلمون انها دفعت بمصر السنه الماضيه 2010 حوالى ما يقدر 12900,000 اثنا عشر مليون وتسمئه الف للسيارات فقط وهذا يعنى انها قادره على الدفع وانها الشركه الاولى فى العالم وانها اكبر كيان مالى فى العالم
ولكن فى الغالب لا يحدث مشاكل مع العملاء التى تمتلك وعى تأمينى لذالك لا تخفى المعلومه الصغيره عن شركه التأمين ايا كانت لان المعلومه الصغيره مهمه فما بالك بالكبيره
ولأى استفسار عن اى شئ فى اليانز او التأمين عموما انا متاح على مدار اليوم 24 ساعه 0121891150
0198008325
كريم سالم
22‏/1‏/2011 تم النشر بواسطة karim allianz.
4 من 24
أى شركة فى العالم يوجد بينها و عملاءها بعض المشاكل ، و لكن تكمن معظم هذه المشاكل فى عدم استيعاب العملاء للشروط و القوانين الخاصة بالشركة ، أما بالنسبة للتأمين فهناك قوانين شركة وقوانين تأمين دولية .
شركة أليانز مصر تتميز بقدرتها الكاملة على الالتزام بحقوق عملاءها و لكن يجب العلم و الالمام بما هو التأمين ، فالاستثمار شئ و التأمين شئ آخر . ولكن يجدر بالذكر أن أليانز تقدم للعملاء خطط إدخار و استثمار و تأمين فى آن واحد ، تفصيلية طبقاً لظروف و متغيرات كل عميل.
أهم نصيحة للعملاء الكرام عند القدوم على عمل وثيقة تأمين مع أى شركة:
1) معرفة التغطيات التأمينات فى الوثيقة.
2) شروط صرف المبلغ التأمينى حال حدوث أى من الأمور الواقعة تحت التغطية.
3) شروط تصفية الوثيقة التأمينية للوثائق طويلة المدى ( وثائق التأمين للحياة ).
هذا ما يرضى ضميرى أمام الله.................................وشكراً
مستشار مالى / أحمد برهام 0020128666199
12‏/2‏/2011 تم النشر بواسطة borhamstar.
5 من 24
تعاقدت مع الشركة على الوثيقة رقم2077071 منذ عامين وعندما رغبت فى التصفية فوجئت بالشركة تبلغنى بخصم 10000جنية من أصل المبلغ التى دفعتة وهو 20000جنية بحجة تكلفة التأمين وهذا الكلام مخالف تمام لما أخبرتنا بة مندوبة الشركة اثناء شرح الوثيقة علما بأن العقد ورد لنا بعد التعاقد بشهر ولم ينص صراحة على أية نسب لخصم تكلفة التأمين يعنى الشركة تبتز عملائها بطريقة شيك وعصرية وكلة ضحك على الدقون
25‏/5‏/2011 تم النشر بواسطة بدون اسم.
6 من 24
تعاقدت مع الشركة على الوثيقة رقم2077071 منذ عامين وعندما رغبت فى التصفية فوجئت بالشركة تبلغنى بخصم 10000جنية من أصل المبلغ التى دفعتة وهو 20000جنية بحجة تكلفة التأمين وهذا الكلام مخالف تمام لما أخبرتنا بة مندوبة الشركة اثناء شرح الوثيقة علما بأن العقد ورد لنا بعد التعاقد بشهر ولم ينص صراحة على أية نسب لخصم تكلفة التأمين يعنى الشركة تبتز عملائها بطريقة شيك وعصرية وكلة ضحك على الدقون
25‏/5‏/2011 تم النشر بواسطة بدون اسم.
7 من 24
اسوأ شركة ممكن تتعامل معاها فى حالة طلبك الغاء الوثيقة
اولا لا احد يرد على الميل و يعذبوك لو حد رد على التليفون كانك بتطلب حاجة مش حقك
شاطرين قوى فى الكلام علشان تعمل الوثيقة و اكتر حاجة يقولوها احنا شركة عالمية و ممتازين و ما بنخسرش و انت معانا فى امان و الكلام الكبير دا
لكن لو حبيت تفك الوثيقة بتاعتك تشوف العذاب الوان و تعقيدات الدنيا كلها هتلاقيها فى وشك
على فكرة انا عندى و حتى الان مش عارف الغيها و حاجة تقرف .....................
12‏/9‏/2011 تم النشر بواسطة بدون اسم.
8 من 24
الموظفة فى البنك ضحكت لى خلتنى اشترك فى وثيقة ودفعت اربعة وعشرين الف ما اخدتش غير 12 الف بعد سنتين خللوا بالكم نصف المبلغ القسط اللى بتدفعة بيروح للتأمين ودة خلاص والنصف التانى هو اللى بيبقالك فى الاخر
29‏/4‏/2012 تم النشر بواسطة بدون اسم.
9 من 24
انا اشتغل في اليانز وبالنسبه للتصفيه لا انصح اي عميل بتصفيه الوثيقه قبل 10 سنوات لان بيكون رايح عليه تكلفه التامين وسوء الفهم هذا يرجع للي باعلك البوليصه
مش زنب الشركه لان اللي باعلك ما عندوش صدق وتكون نسب التصفيه كالاتي :
من اول تاريخ الوثيقه الى سنتين لا انصح ابدا بتصفيه البوليصه لان بتكون تكلفه التامين عاليه جدا وتخصم كلها من المبالغ المدفوعه
من سنتين الى 10 سنين يحصل العميل على 95%من الكاش فاليو والكاش فاليو ده هو المبلغ اللي دفعه العميل مخصوما منه تكلفه التامين
من 10 سنين الى نهايه مده البوليصه يحصل العميل على 100% من الكاش فاليو وليس من اجمالي المبلغ المدفوع
بمعني انه لو كان العميل دافع 20 الف جنيه مثلا واراد التصفيه بعد 3 سنوات مثلا سوف يحصل على :
تخصم التكلفه التامينيه على مدار التلات سنوات ولنفرض انها 5000
يصبح لدينا 15000 الف
يحصل العميل على 95%من ال15 الف وليس من ال20 الف
ملحوظه الارقام دي افتراضيه وليست نسب ثابته ولا ي استفسار بخصوص البوليصه ابعت ايميل RDROSE31 @YAHOO.COM‏
9‏/7‏/2012 تم النشر بواسطة بدون اسم.
10 من 24
نعم انا لدي مشكله شبيه بالمشاكل المذكورة موظفة الشركة في البنك قابلتني الموظف ولم تشرح لي بالتفصيل الغلط ليس علي الموظفة علي انا ولكن قدر الله ماشاء فعل تم الغاء البوليصه للاولاد عدد 3 بوليصة بمققدار 15000 الف جنية لمدة سنه لانني فوجئت بانه لازم من الاستمرار من الدفع لمدة 10 سنوات انا حسبها سنه فقط ولما قلت واتصلت بالشركة قلت عاوز انسحب والغي التامين قال لازم بعد سنتين واخذ مبلغ 18000 ثمانية عشر الف من 30000  ثلاثون الفب حسبي الله ونعم الوكيل في الشركة وموظفة الشركة داحل البنك 0 الحمد لله علي كل حال والخسارة في الصحه فقط الحمد لله ابوكريم
31‏/8‏/2012 تم النشر بواسطة علي ابوالقاضي.
11 من 24
طبعا دى شركه نصب كبيره احترسوا من المندوبين لدى اليانز فى البنوك  يقول بعدسنتين تاخذ المبلغ كله وبعد عشر سنين تاخذ المبلغ الاصلى +جز من الاستثمار وبعد عشرين سنه تاخذ المبلغ الاصلى +الاستثمار وما سالته وايه هو العاند لاليانز    قال ماهى بشغل فلوسك وعند الالغاء بعد سنتين وخمس اشهر فؤجئت بخصم اكثرمن 2000 من اصل 7000ولا فى استثمار ولاحاجه  نصابين  احترسوا من هذه الشركه اليانز نصابين     نصابين     نصابين        حسبى الله ونعم الوكيل والله على ما اقوله شهيد
5‏/9‏/2012 تم النشر بواسطة بدون اسم.
12 من 24
دول نصابين ولابيرضوا على تليفونات احترسوا منهم
5‏/9‏/2012 تم النشر بواسطة بدون اسم.
13 من 24
انا بقى عملولى البحر طحينه واقنعونى اعمل شهادة استثمار تراكمى وفى البنك شريكهم فى الجريمه ادونى جدول اللى بيه اخترت نظام ادفع حوالى 255 جنيه شهرياً والجدول بيقول انهم هيدفعوا لابنى 120 الف عند بلوغه 26 سنه وفى حالة وفاتى ستقوم اليانز باستكمال الاقساط وبالصدفه وانا بدفع القسط سمعت واحده بتتخانق مع المدير عشان نصبوا عليها لانها سألت فى الشركه عشان تعمل شهاده لابنتها التانية والموظف قالها ان المبلغ هيكون حوالى 60 الف زائد الارباح ودى مشروعات قابله للربح او الخسار يعنى خدنا اكبر مقلب فى حياتنا واقسم بالله لو كنت لسه محتفظة بهذا الجدول كنت هرفع قضيه على الشركه وعلى البنك
22‏/9‏/2012 تم النشر بواسطة بدون اسم.
14 من 24
فعلا شركه نصابين وانا اتعاملت معاهم ونصبوا عليا فى اكثر من6000 جنيه من اصل مبلغ 13000 بعد سنتين من التعامل معهم ونصيحتى لاى حد عدم التعامل معهم  لوجه الله
30‏/9‏/2012 تم النشر بواسطة بدون اسم.
15 من 24
انا شايفه ان كل الكلام منحصر فى ان العملاء بعد تصفية الوثيقه فى السنه التانيه بيخسسر 1/2 فلوسه وان الشركه نصابه هو من المفترض ان شركة التامين متاخذش فلوس علشان التغطيه التامنيه وان الفلوس كله تدخل فى الاستثمار ولم يحدث وفاه او عجز للعميل تدفع فلوس التامين ......طيب هو لو كده الشششركه حتدفع منين مبالغ التامين المستحقه وازاى حتكسب وتغطى مصاريفها ........لو فى جزء غلط من المبيعات بعدم توضيح كافى للخدمه اعتقد فى عقد بيوضح الصوره كامله ونسبة التامين ونسبه الاستثمار ولازم العميل يمضى على العقد علشان الوثيقه تتفعل وعلى فكره انا عمرى ما كلمت خدمة العملاء ومحدش رد,,,,,,shereen fathy‏
8‏/1‏/2013 تم النشر بواسطة بدون اسم.
16 من 24
شركة اليانز شركة غير محترمة ولا تحترم عملائها ونصابة وعندهم فريق تصويق بتوع كلام يعني هيابسك التأمين وبعد متمضي ولا هيعبروك
أنا بعد سنتين كنت دافع أكثر من 8000 جنيه بسألهم علي رصيدي وجدته 2000 جنيه يعني خسرت 6000 جنيه وطبعا منتش عارف خسرت أزاي والكول سنتر بتقول حضرتك خسرت أصل ده مكسب وخسارة وسلملي علي النصابين
ههههههههههههههههههههههههههههههههههههههههههههه
12‏/2‏/2013 تم النشر بواسطة بدون اسم.
17 من 24
أقسم بالله أنها شركة نصابة وغير محترمة
أنا شخصيا أتعامل معهم ومنهم لله
12‏/2‏/2013 تم النشر بواسطة بدون اسم.
18 من 24
طب حد جرب مصر للتأمين فى حاجة مشابهة أو شركة زيورخ؟
4‏/4‏/2013 تم النشر بواسطة بدون اسم.
19 من 24
ALLIANZ  = نصب علني و عدم مصداقية
أخبرني مندوب البنك بأنه استثمار للتقاعد و انني سأسترد 100% من القيمة المالية المدفوعة بعد سنتين، و اتضح في النهاية انه تأمين على الحياة و ان ما يتم استرداده هو 95% فقط مما يسمى بحساب الاستثمار.
وحساب الاستثمار ده بقى عبارة عن الفلوس اللي انا دفعتها ناقص القيمة التأمينية. و حسبي الله و نعم الوكيل في المندوب و الشركة.
8‏/4‏/2013 تم النشر بواسطة بدون اسم.
20 من 24
السلام عليكم
من فضلكم هل احد فيكم يعرف متى تحتسب فائدة مبلغ الوثيقة من كل سنة يعني مثلا لو بتدفع القسط السنوي كل سنة في شهر يونية فمتى تحتسب الفائدة السنوية وهل يعقل ان تمر سنة بدون ما ينزلوا الفائدة لان مر على مدة الوثائق لديهم خمس اقساط والان السنة السادسة ابلغتهم قبل موعد القسط بشهر بانني لا ارغب في الاستمرار وعند التصفية تفاجات احتسابهم لاخر فائدة عام ٢٠١١ والان شهر مايو ٢٠١٣ فما الحل مع هذه الشركة علما بانني ملتزمة معهم بسداد القسط السنوي في ميعاده من كل سنة هل اي منكم يقدر يفيدني متى تحتسب الفائدة من كل سنة لاني بصراحة ناوية ارفع عليهم قضية لان نفس اللي حصل معكم عند التعاقد من موظفة البنك وخداعها وتعاقدت على ١٠ سنوات وقالتلي لو حبيتي ترجعي فلوسك كاملة اللي دفعتيها بعد خمس سنين والان عوزين يخصموا مني مبلغ كبير وحسبي الله ونعم الوكيل فيهم فهل هناك من يفيدني بمعلومة جديدة والرد على سؤالي وشكرا جزيلا واسفة طولت عليكم
17‏/5‏/2013 تم النشر بواسطة بدون اسم.
21 من 24
انا جربت شركة مصر للتأمين وهي شركة محترمة جدا . والمسؤل التأميني اللي عاملي الوثيقة شرحلي التصفية بالشركة بالتفصيل وقالي اني مينفعش اصفي اول 3 سنوات لاني مش هاخد حتي اللي انا دفعته وده سببه ان اقل دورة مال من 3 ال 5 سنوات ولو بعض العملاء صفو وثائقهم في اول 3 سنين القطاعات اللي الشركة بتستثمر فيهم ممكن تقع وده هيأثر علي المركز المالي للشركة وقالي ان باقي الشركات ممكن التصفية بعد سنتين الا مصر للتامين التصفية فيها بعد 3 سنين . واحترمت فيه جدا صراحته وكمان قالي اني لو صفيت قبل نص المدة هاخد جزء من اللي انا دفعته + جزء من الارباح وده مش هيغطي اللي انا دفعته لكن بعد نص المدة لو حبيت اصفي هاخد اللي انا دفعته واكتر علي حسب السنة اللي انا هصفي فيها .
كمان قاللي ان الشركة بتوفر بدائل للعميل بدل ما يصفي لان التصفية بكل المقايس هتكون خسارة للتأمين اللي بحاول اوفره لاسرتي ونصحني يوم ما اعمل وثيقة تامين يكون بمبلغ ميكونش عبء عليا في يوم من الايام علشان اقدر استمر وماصفيش واخسر الحاجة اللي بحاول اوفرها لاولادي
الجميل عندهم بقي ان الارباح بتحسب سنويا علي مبلغ التأمين مش المبلغ الفعلي اللي انا دافعاه يعني انا مثلا بدفع 400 في الشهر  ومبلغ التامين بتاعي 74000 في نهاية السنه الاولي هينزلي ارباح علي ال 74000 مش علي 4800 اللي انا دفعاهم في السنة الاولي والسنه التانيه هكون دافعة 9600 مش هينزلي الارباح عليهم لا برده هينزل علي 74000 وهكذا
بصراحة المسئول التأميني ده كان راجل امين جدا معايا وبعد التعاقد قعد قرأ معايا العقد وشروط الوثيقة بالكامل عشان يفهمني كل حاجة فيها
لو حد عاوز رقمه يقولي وانا ابعتهوله
19‏/7‏/2013 تم النشر بواسطة بدون اسم.
22 من 24
ana waldy kan 3amel m3aha wstlmha b3d 10 snin wana kman delw2ty b3mlha ana we o5ty
wf3lan ana ml7za en kol elmshakl fe tasfia fe sana tania akeed mesh hta5od kol flosak we elghalt 3la mandob el sherka eno mashr7sh mn el awal emta tkon 5osara
11‏/11‏/2013 تم النشر بواسطة بدون اسم.
23 من 24
انا محتار اعمل تامين فى اليانز ولا لا بس فى حاجة المبالغ الضخمة الى بتدهالنا دى مش تخوف شوية اكتر من انها تفرح بمعنى انا دفعت 100 الف مثلا اخدهم 300 الف نسبة ربح 200 فى المية ازاى ؟ طيب بلاش كدة الشركة كبيرة وضخمة وكلام جميل طيب الشركة دخلت ف البورصة وضاربت باموال الناس فى البورصة وخسرت او وقعت زى شركة اميركان انترنشونال  الى هى اية جى اى وليها فرع فى مصر ومهددة بالانهيار بعد 20 سنة مثلا وقعت وبعد ماكون انا دفعت عشرين سنة  ساعتها هحس انى اروح انتحر احسن اجيب حقى ازاى ؟ معلش انا بفترض اسواء التوقعات - عمتا فى مثل بيقول الطماع وراة نصاب ... وسورى على الاطالة
17‏/2‏/2014 تم النشر بواسطة بدون اسم.
24 من 24
هناك مشاكل عديدة في سداد التعويض او سداد اي شيك لصالح العملاء وانا شخصيا احذر من التعامل الشركة
26‏/3‏/2014 تم النشر بواسطة اشرف عبد الرحمن.
قد يهمك أيضًا
علاج حب الشباب من فضلكم إنه يشكل لي مشاكل عديدة لدرحة اني ارفض الخروج للشارع؟
هل المشاكل ... ؟!
ما هو التوصيف الأنسب لحالة مصر بين الثورة و الإنتفاضة .. ؟!! .. و لماذا .. ؟!!
للمصريين .. كيف تريد أن تكون مصر ؟!
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة