الرئيسية > السؤال
السؤال
ازاى الولد يحب بنت ويتقدملها ويبطل تقل عليها؟
لسلام عليكم ورحمة الله وبركاته....
عندى سؤال يا ريت تفيدونى و تجاوبونى عليه...
انا بنت بيقولوا عليا امورة و مؤدبة و من عيلة كويسة يعنى بنت ناس اوى و فى كلية من كليات القمة.. فى شخص ساكن معايا فى العمارة اعجبت بيه جدا و كنت فاكرة انه هو كمان كدة..لأنه كان بيبصلى اووووى و كان بيعمل مواقف كتير تبين ان فى حاجة من ناحيته ليا.... الكلام دة كان و انا عندى ١٤ او ١٥ سنة بس هو عمره ماكلمنى كان بس بيقول صباح الخير و ازيك وكدة...المهم انى فضلت معجبة بيه جدا لحد مابقى عندى ٢١ سنة و انا لسة حاسة انى فى حاجة غريبة انا كنت كل ماروح فى حتة اشوفه صدفة و كمان كنت بحلم انه بيكلمنى.... مش عارفة ليه كنت مهووسة بيه رغم انى كان بيتقدملى ناس كتييييييييير جدا... بس نفسى اعرف ليه هو اللى فضل معلق فى دماغى كدة مش عارفة هى حاجة من عند ربنا.... بعدين جبت نمرته وفضلت معايا سنتين... بعدين كلمته كان نفسى بس اعرف ايميله قلتله اسم غير اسمى الحقيقى و كان نفسى بس اتكلم معاه حتى لو بشخصية وهمية عشان بس اكون قريبة منه بأى طريقة...المهم باختصار هو عرف فى الاخر انا مين عرف شخصيتى الحقيقية و انا قلتله انى بقالى 6 سنين عندى فضول اتعرف عليه ...بس هو كان مبينلى انه مبسوط اوووووى اننا بنتكلم  وقالى انه سأل البواب عليا قبل كدة من باب الفضول مش اكتر...الفكرة بقى انى محتارة فى الموضوع دة لأنه فيه عيوب و مميزات...العيوب: انه اول كام يوم كان بيتصل بيا كل يوم بعدين فجأة قطع خاااااااااالص كلمنى بعدها ب ١٠ ايام و بعدين بقى بيتقل عليا اوووووى يعنى ممكن يتصل مرة كل اسبوع او ١٠ ايام اجى ابعتله مسج ميردش عليا و حتى فى راس السنة مبعتليش قالى كل سنة و انتى طيبة الا لما شافنى صدفة بعدها لقيته بعت مسج و ممكن ميكلمنيش الا لما يشوفنى بالصدفة بعدها بيتصل عليا....المميزات: انه ف كل مكالمة بيقعد يقولى كلام انى جميلة اووووى وانى كلاسى اوى و انه مبسوط انه بيكلمنى و انى حاجة مميزة اووووى بالنسباله و انى بالنسباله ١٠٠% و بقى يقولى وحشتينى و كمان بيقول كلام غريب اللى هو عايز لما اشوفك ابص فى عنيكى جامدلمدة ٨ ثوانى...(مش عارفة ليه ٨ ثوانى)....و كل شوية يقولى انتى طيبة وملكيش خبرة و انا مش عايزك تتجرحى و انتى بيور اوووى و قلبك طيب اووووى ...و انا بفضل ساكتة مش برد بعدين لما قلى انتى حاجة مميزة بالنسبالى قلتله مممممممم طيب هصدقك قام قالى لااا متصدقيش اقوال الرجال صدقى الافعال بس....فأنا دلوقتى مش فاهمة حاجة... هو مفهمنى اننا اصدقاء لكن بيقول كلام مينفعش يكون بين اصدقاء...بس انا نفسى هو كمان يحبنى و يجى يتقدملى عشان مش هقبل بالوضع دة كتير...مش عارفة اعمل ايه...انا قررت اتقل عليه... هو من كام يوم اتصل بس انا مردتش عليه بس هو متصلش من ساعتها...و انا مش عارفة اعمل ايه؟؟ هل اكلمه ولا اتقل احسن؟؟؟ و ازاى اخليه يحبنى؟؟ اكيد فى طريقة تعامل تخلى الولد يحب البنت....و ارجوكوا يا جماعة انا زى اختكوا بلاش تجريح انا عارفة انى غلطت لما كلمته...عمرى ماكنت اتخيل ان اخلاقى تسمحلى اعمل حاجة زى كدة... انا فضلت كام يوم منهارة انى كلمته و مش مصدقة انه عرف انا مين... بس خلاص اللى حصل حصل و دة حب بقاله ٦ سنين فى قلبى... تخيلوا واحد قدامى على طول و كمان لما بروح اى مكان بشوفه بالصدفة لا وكمان بحلم انه بيكلمنى او بيتقدملى....فكنت خلاص وصلت لمرحلة اكتئاب ...يا ريت مكنش طولت عليكوا...ميرسى
الأسرة والطفل | العلاقات الإنسانية | الزواج | المشاكل الاجتماعية | الصداقة 17‏/1‏/2011 تم النشر بواسطة dr.dody1.
الإجابات
1 من 5
مع احترامي لكي بس البنت لما بتكون سهله بترخص قيمتها
لو كان عايز يتقدم يطلب ايدك كان تقدم لكي من زمان و خاف عليكي من كلام الناس
17‏/1‏/2011 تم النشر بواسطة سوزان 1.
2 من 5
اسالي نفسك وقولي الا متى كلميه في الموضع انه ناس كثير يتقدمون لك يعني بطريقة حتى يحس انه اذا ما لحق عليك راح تروحي منه برضه قولي له يجيك من الباب يعني يخطبك او يتزوجك بدل ماتجلسوا تعلبوا كذا بلا فائدة
17‏/1‏/2011 تم النشر بواسطة kingskull.
3 من 5
نصيحتي بامانه قولي لنفسك امام المراه هوه مش بيحبني وانا غلط غلطه كبيره بس الفات مات المهم ال جي و لو حسيتي انك عاوزه تبكي ابكي برحتك اوووووي وخدي رحتك و بعدها اغسلي وشك وقولي لنفسك انك غاليه و خساره دموعك و قومي امسحي رقم تليفونه و لو معاكي اميله امسحيه و سيبيه خااااااااااااااااااااالص و انسيه ولو حاول يكلم معاكي ابعدي و امسكي نفسك و قولي لنفسك هوه مش بيحبني هوه مش بيحبني وده الحقيقه بجد كلامي ده صدقيني عن تجربه وامسحيه من حياتك والله جه اتقدم ليك خلاص عريس ليكي الاختيار يا الرفض يا القبول و بصي للامام معلشي الحياه مش سهله عوزاكي تجمدي ارجوكي و بلاش تضحكي على نفسك واوعي تضيعي فرصة عريس كويس الحب في اغلب الاحوال وهم صدقيني الرجاله كتير خدي وقتك بس افتكري هوه مش بيحبك الاهم انتي انتي انتي
17‏/1‏/2011 تم النشر بواسطة gogo 2011 (بــدون تعــديل).
4 من 5
اهم حاجة في الحب ان اللي انتي بتحبية يكون بيحبك ويخاف ربنا فيكي هو ده الحب الحب ما هوش كلام الحب افعال
11‏/8‏/2013 تم النشر بواسطة بدون اسم.
5 من 5
انا من رأى احب اقولك اتقلى وملكيش دعوه بيه انا ولد ومن شخصيه الاولاد البت لما تتقل اكتر الواحد بيبقا نفسه يكلمها حنى لو انتى كنت بتكلميه لما يبقا شايفه انك بتتقلى ومش حطا ف دماغك وهو هيكون يموت ويجى ويكلمك واحيانا مش كل الولاد على ما اذن وربنا معاكى ☺
8‏/4‏/2014 تم النشر بواسطة بدون اسم.
قد يهمك أيضًا
ماذا افعل اذا حبيت اخت صاحبى؟
ليه انا مش عارفه انا عاوزه ايه على طول؟
انا اللاب هنج وعاوزة اخرج البطارية مش عارفة خالص
هو انا جيت في وقت مش مناسب ولا ايه ؟
بجد انا في مشكلة ملهاش حل ساعدوني
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة