الرئيسية > السؤال
السؤال
ما طريقة عمل العيش البورى ؟
الطعام والشراب | وصفات الطعام 28‏/12‏/2010 تم النشر بواسطة نهي محمد.
الإجابات
1 من 1
عيش بوري

لازم صور

المقادير::

1 و 1/2 كوب دقيق
1 و 1/2 ملعقة صغيرة بيكنج باودر
(شييف اسامة ما استخدمهوش في وصفته بس انا لقيته بيهبط لما يخرج من الزيت و انا عايزاه يفضل منتفخ فترة اطول)
كوب لبن رايب
(مش هنستخدمها كلها)
علي فكرة معظم طرق البوري بيستخدموا ماية مش لبن رايب
بس انا بحترم أي وصفة فيها لبن او مشتقاته علشان القيمة الغذائية و صدقوني بتفرق في الطعم كتييير
نصف ملعقة صغيرة حبة البركة
نصف ملعقة صغيرة كمون ممكن حصي و ممكن مطحون
(علي حسب الرغبة)
رشة ملح
و زيت غزير للتحمير

الطريقة::
بنحط المقادير كلها علي بعض و نحط شوية من اللبن الرايب و نعجن كويس اوي و نزود لحد ما يكون عندنا عجينة ناعمة و طرية

و نسيب العجين يستريح 10 دقائق
(مش اكتر)

و بعدين نقسم العجين لكور صغيرة في حدود انش للكورة

و نفرد الكور ديه بالنشابة لسمك 2 مللي تقريبا علي شكل قرص او أي شكل تاني تحبيه
(رفيعة يعني بس مش اوي)

انا ساعات بعمله رفيع و ساعات بحب اتخنه شوي

و بعدين نحمرها في طاسة فيها زيت غزير

كل رغيف لوحده

ولما تطفو على الزيت نحط من الزيت السخن علييها من فوق علشان تعلى من الجنب التاني

و هو هينتفخ لوحده

و بمجرد ما يخرج من الزيت نحطه علي ورق ماص علشان الزيت

و في اقتراح صغنن

بمجرد ما يطلع من الزيت نحط عليه رشة دقة
طبعا كلنا عارفين الدقة ديه ايه
ملح و فلفل و كمون و شطة
و ممكن زعتر لبناني يغني عن الدقة ديه
او دقة المدينة
و يستحسن يتاكل اول بأول علشان لما بيبات بيكون طعمة مش حلو و بينشف و يهبط

فيستحسن يكون طاااازة

يالا بالهنا و الشفا
29‏/12‏/2010 تم النشر بواسطة صاحب شركة (الحـــــــــ ــــــــــــــزبن).
قد يهمك أيضًا
ما طريقة عمل العيش السن ؟
من يريد العيش ؟
ما دلالة الـ " عيش والحلاوة " للسجناء في مصر ؟؟
طريقه عمل العيش المكسيكي(التورتيا)؟
هل من الممكن ان تتغير الشخصية بين العيش وحيدا او مع العائلة؟
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة