الرئيسية > السؤال
السؤال
ما مدى مصداقية شركة أجنحة العرب لإلحاق العمالة المصرية بالخارج؟
ارجو من كل شخص لديه معلومات عن شركة اجنحة العرب للالحاق العمالة المصرية بالخارج - ترخيص 437شركات - الموجودة فى ش رضوان من ش خلوصى بالمنيل او تعامل معها او لديه صديق سافر عن طريقها  أن يقوم بافادتى بخصوص الاستفسار عن هذه الشركة وجزاكم الله كل الخير.
تأشيرات الزيارة والهجرة | Google إجابات | التجارة | المواقع والبرامج | المنتديات 24‏/1‏/2012 تم النشر بواسطة nahrel7ob2010.
الإجابات
1 من 45
انا قريبى كان مقدم فيها وجابتلو فيزا بس بعد فترة وبيعمل الاجراءات دلوقت بس انصح اى حد يتعامل مع اى مكتب ميعرفهوش يكون حزر
22‏/4‏/2012 تم النشر بواسطة بدون اسم.
2 من 45
علي فكرة ياباشا انا مقدم على نفس الشركة بس دافع بعدك واتصلت بيهم من كام يوم قالوا اول شهر2 بس انا مش مستريح لهم خصوصا اني سمعت كلام مش كويس عليهم يريت تتواصل معايا ابعتلي ايميلك
15‏/1‏/2013 تم النشر بواسطة بدون اسم.
3 من 45
يا جماعه دى شركه نصابه ومش عندهم اى شغل انا كنت مقدم معاهم من قبل رمضان الى فات على مهنه محاسب فى وزاره الصحه براتب 300 دينار وقالو التاشيره هتيجى بعد شهرين ونص وبعد ما خصلو واتصلت بيهم بيقولو حجج و نفس حكايه الشؤن دى برضو وحجزو الجواز والورق عندهم 7 شهور وكل اسبوع يقولو الاسبوع الى جاى او بعد 15 يوم
وفى ناس كتير اوى حصل معاهم نفس الكلام دول شركه نصااااااااااااااااااااابه ولا عندهم شغل ولا اى حاجه وبيخدو الفلوس يشغلوها المده دى فا نصيحه منى محدش يتعامل مع الشركة النصابه دى الى صاحبها اسمه زين ومراته احلام نصاابين ارجو محدش يعلق امل للسفر عن طريق شركة اجنحه النصب دى وشكرا
25‏/1‏/2013 تم النشر بواسطة بدون اسم.
4 من 45
السلاموا عليكم انا اللى معلق فى التعليق رقم 3 انا روحت سحبت فلوسى من الشركه لانى لقيتهم عملين اعلان عن طباخين وسواقين وويرت وهما مجبوش التاشيرات للناس القديمه وروحت حتى يوم المقابله نفسها ودخلت للحج زين قولتلوا نفس الكلام وسالتوا انتوا ازاى عاملين اعلان وانتوا مسفرتوش الناس القدام قالى احنا مش بنتعامل مع الشركه بتاعتكوا بس احنا بنتعامل مع شركات كتير  المهم وانا خارج من عندوا كان فى واحد داخل يعمل انتر فيو
فكان الباب مفتوح  فشوفت الاسستاذ اللى عمل معايا المقابله من 7 شهور تقريبا راجل مصرى ابض شويه وقمور كده ولابس بدله المهم على حسب اعتقد انا على قد فهمى مش هقول ان هما نصبين بس هقول ان هما ليهم مكتب قى الكويت اللى بيعمل مع الناس المقابله راجل من المكتب اللى هناك وبياخد سور جوازاتنا وسى فى هاتنا ويبدا يدورلنا على شغل لو لقى بخلى الشركه تبدا تعمل التاشيره ملاقاش بيقول للناس التاشيره اتخاخرت وده فى اصلوا نصب لانوا بياخد كده كده الفلوس اقل ما فيها يحطها فى البنك وبكده هو كسبان كسبان والسلاموا عليكم انا كتبت الكلام ده لمن يهمه الامر
16‏/2‏/2013 تم النشر بواسطة بدون اسم.
5 من 45
السلام عليكم انا كنت عاملت مقابله من شهر 11-2012  وتانى يوم اتصلوا بى ورحت قالوا هات الجواز و2000 جنيه والتاشيرة هتيجى بعد 30 الى 45 يوم  ودفعت الفلوس وبعد كدا المدة زادت من 45 الى 5 شهور  ورحت ليهم كل فترة بس مفيش جديد ورحت امبارح 13-3-2013 سحبت الفلوس بتاعتى منهم  الفكرة انهم بياخدوا الفلوس يشغلوها لحسابهم ولما رحت امبارح فى جهاز كمبيوتر فى الغرفه الى جنب الى عملت فيها المقابله اخدو البطاقه بتاعتى بيعمل انهم بيشوفوا التاشيرة الى باسمى وهى اصلا مفيش تاشيرة خالص وبيطبع ليك ورقه عليها بياناتك الى فى البطاقه الى هما وخدنها منى ويقولك ان التاشيرة جت ويديك الورقه الى هما لسه طبعنها من اول مادتهم البطاقه بس والله نصابين وبيشغلوا الفلوس ليهم   ولو انت تعرف حد هيروح هناك بلغه انه ميروحش خالص دول نصابين    اللهم انى بلغت اللهم فاشهد على انى بلغتك وانت تبلغ غيرك لو فى حد دافع فلوس يروح ياخد فلوسه منهم ..........
14‏/3‏/2013 تم النشر بواسطة بدون اسم.
6 من 45
المشكله انهم بيعملوا الاعلانات بتاعتهم فى الاهرام   علشان الناس تصدق ان فى سفر والحقيقه ان مفيش سفر ولا حاجه ودول نصابين وبياخدوا الفلوس يشغلوها وخلاص نهايه الكلام  محدش يروح ليهم خالص ولو اعرف حد رايح ودفع فلوس هعرفه انهم نصابين
14‏/3‏/2013 تم النشر بواسطة بدون اسم.
7 من 45
انا اخويا قدم في الشركة بتاعت اجنحة العرب وجابتلوا تاشيرة وسافر تبع المكتب ده بس التاشيرة اتاخرت ٥ شهور
وانا دلوقت مقدم فى المكتب ده وفي انتظار التاشيرة
23‏/3‏/2013 تم النشر بواسطة بدون اسم.
8 من 45
انا موجودفي الكويت الحين يا ريت في الشركه الكويتيه الامريكيه للاغزيه
kafco العماله ال بتجلنا جات من الخالديه والمرتبات للعمال 100 دينار مع وجبه والمواصلات والسكن انما 250 دا للمديرين بس والسائق 125 للسايكل والسياره و
110
16‏/4‏/2013 تم النشر بواسطة بدون اسم.
9 من 45
شركة نصابة نصبوا على اخويا وكانوا عايزيين ينصبوا علي
17‏/4‏/2013 تم النشر بواسطة بدون اسم.
10 من 45
هو اللي واضح ان في ناس مسفرتش لكن في ناس سافرت لكن انا مافضلش اني استخدم اسم نصب انا ممكن اقول انه نصيب انا لسه مقدم لكن سالت كويس اوي ومكتفتش بكلام النت لان متزعلوش مني الشعب المصري فيه حته التهويل ووروني تاشيرات ناس مصدقتهمش وروحت القوي العامله ولاقيت انهم فعلاً موثقين (أو أياً كان اسمها) تاشيرات واعداد قد تكون كبيره بالنسبه ليا كفرد وتوكلت علي الله وشكرا للرجاله اللي مساهمه بقلبها من غير اي فعل ، والسلام عليكم .
22‏/4‏/2013 تم النشر بواسطة بدون اسم.
11 من 45
علي فكره الكلام اللي مكتوب ده انا مش فاهموا لان لو الشركه نصابه كانت قفلت من زمان ، وتاني حاجه لو هما نصابين بيصرفوا علي المكتب والمرتبات والكلام ده كله منين مع العلم ان اقل مكتب فالمنطقه ده (المنيل) مع المرتبات يعني تقريبا يدخل علي 15000 جنيه ده غير لو في ناس جايه تعمل مقابلات من الكويت هيبقي في حجز فندق وتذاكر طيران ومواااااااااااااااااااااااال كبييييير ، ما هو النصب اللي يوفر فالشهر حوالي 20000 جنيه مصاريف ده غير مكسب صاحب المكتب او لو ليه شركاء ، برجاء حد يفهمني عشان انا مش فاهم ، مع العلم اني كنت هناك باستلم تاشيره مع اخويه وكان هو ضمن مجموعه حوالي 36 او 38 واحد بيستلموا التاشيرات من حوالي اسبوع ونص علي مجموعه مطاعم ، برجاء توضيح ليه هما نصابين بالضبط عشان انا مش فاهم وشكراً
25‏/4‏/2013 تم النشر بواسطة بدون اسم.
12 من 45
واللهي مش عارفه اقول لحضرتك ايه غير انها شركه مصدقيتها 100في100 وانا اخويا سافر عن طريق شركه اجنحه العرب توكلي علي الله وده اللي اقدر اقولهولك
29‏/4‏/2013 تم النشر بواسطة بدون اسم.
13 من 45
واللهي مش عارفه اقول لحضرتك ايه غير انها شركه مصدقيتها 100في100 وانا اخويا سافر عن طريق شركه اجنحه العرب توكلي علي الله وده اللي اقدر اقولهولك
29‏/4‏/2013 تم النشر بواسطة بدون اسم.
14 من 45
حضرتك كلامك مش صحيح ياريت بلاش تشوه سمعه الشركه لانها فعلا مش نصابه انا اخويا  سافر عن طريقها والحمددله وصل بالسلامه
29‏/4‏/2013 تم النشر بواسطة بدون اسم.
15 من 45
شركة زبالة وموظفين قمة قلة الادب وهناك واحد بلطجي اسمة مسعد كنت هضربة وانا بجيب فلوسي وحسبي الله ونعم الوكيل في المكتب دة وفعلا الراجل الى بيعمل المقابلات دة ثابت مش بيتغير شكلة شغال معاهم
29‏/4‏/2013 تم النشر بواسطة بدون اسم.
16 من 45
الصراحه حلوه مفيش كلام
بص يامعلم انا واحد من الناس روحت هناك واللى حصل كالاتى قالى انت هتشتغل مدخل بيانات فى شركه بيبسى الكويت مرتب 200 دينار انا اول لما سمعت المرتب اتجننت كنت ساعتها هاين عليا اسافر ساعتها المهم ياباشا قالى تجيب معاك 2000 جنيه رسوم تذاكر وتاشيره تمام وتستنى معانا شهرين وبعدي الشهرين الفيزا هتجيلك بعقد العمل ( بعد شهرين ) الكلام ده كان من شهر 11 2012 لحد وقتنا هذا لسه مفيش اى حاجه وصلت لا تاشيره ولا فيزا ولا حتى تصريح اتصلت بيهم اخر مره قالولى يافندم التصريح وصل بس التاشيره الاصليه لسه فى الطريق انا اول مره فى حياتى اسمع ان التاشيره تيجى من غير مايكون جواز السفر هناك فى السفاره واخد بالك الجواز عندهم مش فى السفاره المهم لما طال الوقت اتصلت بيهم وهوه هوه نفس الرد لسه يافندم التاشيره مش وصلت لسه يافندم لما خلاص بقى اتخنقت روحت سحبت الفلوس انا وصديق ليا كان مقدم معايا وبرضه اتخنق شوف بقى يامعلم لما روحت هناك المديره قالتلى طب انت مش تستنى شويه لحد يوم الخميس كان ساعتها موافق يوم 20 على ماعتقد ويوم الخميس ده كان هيوافق 25 يعنى المفروض الخمس ايام دول يكون المفروض جواز السفر هناك فى السفاره علشان التاشيره الاصليه تيجى عليه روحنا يامعلم سحبنا الفلوس بالباسبور والباسبور يامعلم من كتر مكان مركون كان مرطب اكتشفت بقى انهم بيوظفوا الفلوس ديه لحسابهم بالبنوك شوف بقى كام واحد مقدم لما ياخدوا من كل واحد 2000 جنيه شوف بقى الارباح هتبقى قد ايه ..... اقسم بالله العظيم واقسم بالله العظيم ويمين احاسب عليه كمان مره ده اللى حصل معايا ومع كل اللى راحوا قدموا ومنهم اللى قعد اكتر من 7 شهور يستنى وبرضه راحب سحب الفلوس ... يعنى الخلاصه ان المكتب ده اولى مكاتب النصب فى مصر ... حسبى الله ونعم الوكيل
30‏/4‏/2013 تم النشر بواسطة بدون اسم.
17 من 45
انا نفس الكلام ده حصل معايا بس انا الفرق بيني وبينك ان انا جاتلي الفيزا وسافرت
30‏/4‏/2013 تم النشر بواسطة بدون اسم.
18 من 45
السلام عليكم حضرتك انا اخويا كان مسافر عن طريق شركه اجنحه العرب اخدوا منه 2000 جنيه وبعد شهرين كان مسافر ومعاه التاشيره
2‏/5‏/2013 تم النشر بواسطة بدون اسم.
19 من 45
يا جماعه لازم نتجمع ونقفل المكتب ده انا محامى هنجمع كم واحد ونعمل بلاغ وناخده لوزارة القوى العامله ونقفل المكتب بيدمرو مستقبل ناس الى موافق ms_200982 ياهو
2‏/5‏/2013 تم النشر بواسطة بدون اسم.
20 من 45
يا جماعه لازم نتجمع ونقفل المكتب ده انا محامى هنجمع كم واحد ونعمل بلاغ وناخده لوزارة القوى العامله ونقفل المكتب بيدمرو مستقبل ناس الى موافق ms_200982 ياهو
2‏/5‏/2013 تم النشر بواسطة بدون اسم.
21 من 45
خلوا بالكوا يا جماعة علشان انا ليا تجربة مش حلوة مع شركة اجنحة العرب دية   عملوا اعلان كالعادة فى جريدة الاهرام رحت ومليت طلب وعملت مقابلة مع راجل ببدلة لونها بنى فاتح راجل ابيضانى شوية وفى منتهى الزوق والاحترام بس المقابلة دية مكنتش فى شركة اجنحة العرب اول لما رحت ادونى كارت وعملت المقابلة فى شركة اسمها شركة الخليج العالمية بعدهم بشوية كدة ادى اول تكة وقالوا هنتصل بيك فى خلال 5 ايام اتصلوا بيا فعلا ورحت انا وزميل ليا كان بيقدم معايا قعدت مع الست هانم مدام احلام  اتكلمت فى كل حاجة كان العقد محاسب على   350دينار    فى مجمع مدارس الكلام دة بتاريخ4/5/2013 وطلبت منى كالعادة 2000 جنية والباسبور طبعا احنا ناس متعلمين وعندنا عقل نفكر بية سالتها قلتلها يا فندم مكان الشغل فين هناك فى الكويت واية نوع العمل بالظبط والسكن بعيد عن الشغل ولة اية طيب هل فية زيادة سنوية فى المرتب طيب مجمع المدارس دة فى انهى محافظة طيب المدارس دية اسمها اية طيب فين العقد اللى انا هروح علية وكان الرد لما التاشيرة تيجى هتعرف !هات ال2000جنية والجواز واستنى التاشيرة فى شهر 7 فقلتلها طيب واية اللى يضمن حقى عندوكو قالت لى فى وصل هتخدو فقلتلها انا رحت شركة توظيف تانية وكانت مسجلة وخدوا منى 3000جنية ونصبوا عليا رحت عمل محضر بالوصل قالوا لى بلة واشرب ميتة لازم يكون فى ضمانات قانونية حقيقية تضمن حقى عندوكوا زى وصل امانة يكون ممضى وعلية الرقم القومى بتاع مدير الشركةوابصمة كمان لو لزم الامر  وكمان لوجت التاشيرة والعقد طلع عقد عبودية وغير الكلام اللى اولتوا علية سعتها تباوا ربطونى بال2000جنية وسعتها لو العقدمش كويس تروح عليا ال2000 جنية كان هاين عليها تقوم تموتنى وحسيت من كلامها انها مش بتشتغل بما يرضى الله فقلت انا بحرص لان ولاد الحرام مخلوش لولاد الحلال حاجة ولو كلامى دة زعلك يباة على راسك بطحة خلى بالكوا يا جماعة من شركات التوظيف لا معظمها دلوقتى شركات نصب واسالوا فى كل حاجة لان الاسالة الكتير بتبين اللى شغال صح من اللى شغال غلط ومحدش يتكسف كلمة اخير لكل شركات التوظيف النصابة وَاتَّقُوا اللَّهَ إِنَّ اللَّهَ شَدِيدُ الْعِقَابِ
19‏/5‏/2013 تم النشر بواسطة بدون اسم.
22 من 45
الشركات المحترمة مابتاخدش فلوس مقدم الا مبلغ التأمين 500 جنيه وده بتدفعه بعد ما تمضى العقد ورايح تعمل الكشف الطبى وباقى الفلوس بتدفعها بعد ماتاخد الفيزا غير كده يبقى نصب
19‏/5‏/2013 تم النشر بواسطة بدون اسم.
23 من 45
شركه نصابه انا الجوازي بتاعي غندهم من شهر 9 سنة 2011 ولحد دلوقتي اليوم 16/6/20133 لم تاتي تاشيرت الكويت تصدقو واللهي العظيم دا حاصل معي وعيز حد اي كان يرد عليه ويوجهني وانا علي استعداد للمواجها  اسمي هلال حتي جوازي انتها وكل ما اتصل عليهم يقولو لسه الممنعه مجتش لما تجي هنتصل عليك
17‏/6‏/2013 تم النشر بواسطة بدون اسم.
24 من 45
بسم اللة  \ انا اسمى حسام حمدى من طنطا   انا رحت الشركة سالت الحاج زين عن السفر ل قطر اولا انا مبيض محارة قال انت عشان مبيض محارة مش عايزين منك ورق تجيب جواز السفر ومعه 2000 جنية و2000 قبل استلام التاشيرة و3000 لما توصل وتشتغل يتقسطو بعد 3 شهور من العمل قلت لة انا مش معايا المبلغ بس هتسرف ازاىانت بتقول  الشركات المحترمة مابتاخدش فلوس مقدم الا مبلغ التأمين 500 جنيه وده بتدفعه بعد ما تمضى العقد ورايح تعمل الكشف الطبى وباقى الفلوس بتدفعها بعد ماتاخد الفيزا  (لية الحاج زين عايز 4000 منى عشان اسافر ؟)       ملحوظة لو الشركة حبت تعرفنى  انا ممكن اقول على اسمى الرباعى وبيناتى  عشان دة مش كلام دة اكيد %100      
                     اي حد متتضرر من الشركة لازم ياخد حقة                      
لو ركب الانسان الريح هروبا من الرزق       لركب الرزق الرعد لاحقا بة
20‏/6‏/2013 تم النشر بواسطة بدون اسم.
25 من 45
http://www1.youm7.com/News.asp?NewsID=37854&SecID=24&IssueID=57
انا كمان اتصلوا بيه ولكن بحثت عن مناقشات حول هذه الشركة وجدت ان 90 فى الميه من الاراء بيقول انها شركة نصابه
بتجمع فلوس وترجعها بعد شهور
ودا لينك تحقيق صحفى حول الشركة من جريدة اليوم السابع
http://www1.youm7.com/News.asp?NewsID=37854&SecID=24&IssueID=57‏
8‏/7‏/2013 تم النشر بواسطة بدون اسم.
26 من 45
انا كمان اتصلوا بيه ولكن بحثت عن مناقشات حول هذه الشركة وجدت ان 90 فى الميه من الاراء بيقول انها شركة نصابه
بتجمع فلوس وترجعها بعد شهور
ودا لينك تحقيق صحفى حول الشركة من جريدة اليوم السابع
http://www1.youm7.com/News.asp?NewsID=37854&SecID=24&IssueID=57‏
8‏/7‏/2013 تم النشر بواسطة بدون اسم.
27 من 45
انا مش عارفة ليه الناس قلقانة وبتكتب كلام زي ده يعني هيا القوي العاملة لو الشركة ديه بتشتغل غلط طب هيا فين من كل ده وبعدين انا ليه اخ سافر عن طريق الشركة ديه هوا  وخطيبي ويريت وكل سنة وانتم طيبيين
17‏/7‏/2013 تم النشر بواسطة بدون اسم.
28 من 45
www.masress.com/soutelomma/13428
22‏/7‏/2013 تم النشر بواسطة بدون اسم.
29 من 45
حسبى الله ونعم الوكيل فى الناس اللى بتعمل كده فى المكاتب وعلى فكرة مكتب اجنحة العرب مكتب محترم جدا لانى فعلا قدمت فى المكتب ده وفعلا التأشيرة وصلت فى اقل من شهر وانا اسمى بوسى بشتغل مدرسة رياضيات ومسفرة الكويت عن طريق المكتب ده فى ناس كتييييييييييييييير قالولى عنه كلام كتيييييييير بشع وفعلا كنت هسحب ورقى منه ولكن مديرة المكتب مدام احلام ربنا يارب يجازيها خير على اللى عملته معايا اتحملتنى كتييييييييير على الكلام اللى سمعته منى ويارب تسامحنى كل الكلام اللى مكتوب على الشات عنهم كدب لانى حالة قدمت معاهم وفعلا مسافره عن طريقهم وكل الكدابين اعداء النجاح بقولهم ارحموا الناس وسيبوهم فى حالهم واى حد بيكدبنى ياريت يكلمنى على الرقم ده 01063908558 وكل واحد منه لله ربنا يحسبه على اعماله وتعبه لاعصاب الناس ونفسيتهم وانا سوف انشر لكم التأشيرة لكى تتأكدوا من كلامى وكل واحد عنده كلمه يبلها ويشرب ميتها وحسبى الله ونعم الوكيل
22‏/8‏/2013 تم النشر بواسطة بدون اسم.
30 من 45
انا برجو من كل واحد بيقول كلام عن شركة اجنحة العرب انها نصابة انا بقولهم حرام عليكم انتوا اللى نصابين وكدابين وعندى الدليل
22‏/8‏/2013 تم النشر بواسطة بدون اسم.
31 من 45
واللهي العظيم شركة نصابه انا جواز السفر عندهم من شهر9/2011 لحد وقتنا هزا لم تصل الممانعه واسالي النصاب الكبير سيد اليوم  27/8/2013
28‏/8‏/2013 تم النشر بواسطة بدون اسم.
32 من 45
على فكره كل الناس اللى بتقول عنهم نصابين دى ناس مش بتعرف حاجه فى دينهم ؟ليه بقى انا هعرفك يا استاذ ياللى بتقول انك قدمت ومفيش حاجة جات شوف ياأستاذ انت قدمت بناءا عن اعلان او حد معرفة وصلك ليهم تمام اوك والمدام المحترمه احلام استقبلتك فى مكتبها وشجعتك انك تستمر تمام ده لانها ست بتشوف شغلها بتبعت اوراقك للبلد <الكويت> لازم عدم الممانعة تيجى وبعدين بتمم اجراءات سفرك وانت هتستفيد وكمان المكتب هيستفيد قسمتك ونصيبك هى اللى بتحكم انت قدمت ومفيش حاجه جاتلك نصيبك كده انت تقدر تقول لربنا ليه انا وليه مش انا هل الناس دى مش عاوزه تشتغل فين بقى النصب اى مكتب سفريات فى اى مكان فيه ناس بتسافر وناس لأ قسمه ونصيب هل بقى كل المكاتب نصابين ليه احنا بنعلق أخطأنا على غيرنا وانا والله العظيم ناس كتيييييييييير كلمتنى على رقمى اللى موجود فى الحوار السابق <مدام بوسى> وفعلا تأشيرتى معايا واجراءات سفرى تقريبا خلصت وان شاء الله مسافره قريبا وعلى فكره الكلام بيأذىى اى حد بيدخل على الموقع ويقرأه انا واحده من الناس دى اعصابى ادمرت وانهرت وفكرت اسحب اوراقى بس مدام احلام اقنعتنى اصبر ومصدقش حد وفعلا ربنا وفقنى ومسفره ان شاء الله هل انا لو كنت سمعت كلام الناس وصدقتهم كان ايه هيبقى حالى دلوقتى ارحموا الناس الغلابه اللى عوزه تشتغل وكل واحد شايف نفسه فاضى انه يوجهه لاى حد تهمه يروح يشوف لنفسه شغلانه بدل ماهو قاعد يأذى فى ده وده ارحمواااااااااااااااااااا يا أعداء النجاح سيبوا الناس فى حالها
30‏/8‏/2013 تم النشر بواسطة بدون اسم.
33 من 45
ياريت الناس اللى بتقول ان المكتب ده نصاب يرحموا نفسهم بقى ويتقوا الله وده هو الدليل يامفتريينhttps://mail-attachment.googleusercontent.com/attachment/?saduie=AG9B_P_yO4ck2ugCrQrCzYW85GRy&attid=0.1&disp=emb&view=att&th=140a60d40bc3c568‏
2‏/9‏/2013 تم النشر بواسطة بدون اسم.
34 من 45
يا جماعه انا واحده قدمت فى مكتب اجنحه العرب مدرسه رياضيات فى الكويت وفى خلال شهر التاشيره بتاعتى جت وهناك فى المكتب ناس محترمين جدا والحمد الله هسافر ان شاء الله الاسبوع الا جاى
8‏/9‏/2013 تم النشر بواسطة بدون اسم.
35 من 45
والناس الا بتقول ان الشركه دى نصابه هما الا نصابين وحقديين من نجاح الشركه لان الشركه دى شركه محترمه وليها وضعها والا عاوز اى استفسارات دى نمرتى 01003598352 ع فكره انا مسافره الاسبوع الا جاى مدرسه رياضيات فى الكويت عن طريق الشركه دى يا جماعه اطمنوا الشركه دى شركه مش نصابه الشركه دى شركه محترمه
8‏/9‏/2013 تم النشر بواسطة بدون اسم.
36 من 45
اجنحة  العرب شركة  نصابة   جداً   يا  جماعة  وعن  تجربة   هما بيعملوا فعلا  اعلان في الاهرام  ومكتوب في الاعلان  رقم  موافقة القوي العاملة  مع رقم الترخيص    لازم تروح  تستعلم في  مجمع التحرير  الدور الثالث  مديرية القوي العاملة   قسم  شركات  الحاق العمالة  عن رقم الموافقه   المشكله  ان رقم الموافقة ده  مجرد  اثبات  من السفارة  الكويتيه  وعن طريق  شركة الكفيل  لشركة  اجنحة العرب انهم  يستقدموا  ناس عن طريقهم  انما  مش محدد العدد   وهنا  اللعبة  والنصب   يعني مثلا  اعلان  مدرسين  عاوزين  10  مدرسين   تلاقي في المقابلة  رايح  الف  واحد  يقوموا  يتصلوا  باغلب الناس اللي راحت وعملت المقابلة  انهم  قبلوا  وهات  جواز السفر  والفين او 3 الاف  تحت الحساب  ههههههههههههههههههههههه  طبعا بيلموا  ملايين  وبتتحط فيالبنك  بنظام الفائدة اليومي  او  بيلعبوا بالفلوس في استثمار  ويقعدوا  يماطلوا  معاك  بعد هرين  المهلة  يقولك  اصبر  وشوف  تأشيرات  زمايلك  جت  اهوه  ههههههههههههههه  فعلا  حقيقي  جت  انما  ده العدد المطلوب  واللي اختارة الكفيل  او ممثل الشركة  انما  هما  نصابين  بيتصلوا  بكل الناس ويقولوا  لهم  انتم قبلتم   فهمتم  النص ازاي   يا  جماعة   وتقعد تتمشور عالطرق  لغاية  ما  تاخد  فلوسك  وجوازك   ويكونوا  ضيعوا  عليك  6 شهور  يكونوا  استفادوا  بالفلوس الي جمعوها   شغل  نصب  بس باحتراف  عالي  قريب كانوا عاملين  اعلان  ممرضين  قال ايه  مسعد  وده  موظف بالمكتب  واسلوبة    مقزز  وبلطجي في الرد عالناس    بيقول عاوزين  400  ممرض وممرضه  هههههههههههههههههههههه  فيه  مستشفي  عاوزة العدد  ده   ده اخره   10  تأشيرات  انما  طبعا  هيتصلوا  بالكل  ولذلك  اي حد يروح يعمل مقابلة هناك  خد ارقام  موبايلات   زملائك  وفعلا   هتلاقي اغلبهم  تم الاتصال  بهم  انهم  تم  قبولهم  !!!!!  شيء عجيب فعلا  كل  اللي يعمل المقابلة  يتقبل  هههههههههههههههههه   المهم يا جماعه  روحوا  مباحث الاموال  العامة  او  مديرية القوي العاملة بمجمع التحرير  وقدموا  شكوي  ساعتها  سيتم  ايقاف التصديق علي  عقود الشركة  وغصبا  عنه  هيرجعلك الفلوس وجواز السفر
12‏/9‏/2013 تم النشر بواسطة بدون اسم.
37 من 45
الناس الي بتطلع وعماله تقول ان الشركة ديه نصابة هما الي نصابين ومن اعداء النجاح واي حد عايز يستفسر يروح المجمع ويسال عن اي مكتب انا كنت مقدمة تبع المكتب وجاتلي فيزا الكويت مدرسة ومسافرة النهاردة 14/9/2013 ويريت الناس الي بتغلط في الناس تتلم وتتبع القانون
14‏/9‏/2013 تم النشر بواسطة بدون اسم.
38 من 45
وكل سنة وانتوا طييبين
14‏/9‏/2013 تم النشر بواسطة بدون اسم.
39 من 45
شركة نصابة والله العظيم ومتأصلة فى النصب خدو الرابط ده وانتوا تشوفوا العجب

http://forums.fatakat.com/showthread.php?p=118683830#post118683830‏
15‏/11‏/2013 تم النشر بواسطة بدون اسم.
40 من 45
الشركة دي لعبتها عبارة عن :
1- اعلان في جريدة الاهرام ودا طبعا من خلال تقديم فيزتين الي القوي العاملة
وطبعا اعداد رهيبة بيجوا ليهم وخصوصا السفر الي الكويت حلم كل المصريين وطبعا الاعلان دا عن المدرسين والعمالة المختلفة وعن المحاسبين وعن الممرضات ...الخ , وبعد كدا من كتر الاعدا الرهيبة دي بتدي شوية لمصداقية الشركة ( مش معقولة كل الاعداد دي وتبقي نصابة ) المهم الكل بيدفع تامين بيتراوح من 2000 الي 3000 الاف جنية , ويقدموا طبعا كل اصول اوراقهم وانتظر معانا اصل فيز الكويت بتتاخر شوية , والناس تنتظر علي امل تيجي فيزة الكويت وطبعا تكون الشركة لمت ملايين من الاعدا دي تقوم هي تشغلهم في مشاريع وتربح منها ولما يجي واحد او اتنين يطالبوا بالفلوس بيدهلهم ( من الاخر بتلم الفلوس من الناس تعمل بيها مشاريع لنفسها وبعد كاااااام شهر ممكن ترجع الفلوس وتعيش الناس في اوهام ) ومن كتر لم الفلوس طبعا فتحوا شركة تانية عشان يلموا فلوس اكتر
, حسبي الله ونعم الوكيل
12‏/1‏/2014 تم النشر بواسطة بدون اسم.
41 من 45
وانا كمان ياجماعه رايح للشركه دي بكره لوظيفه مندوب مبيعات ادويه للكويت / مشعارف عنهم حاجه اروح ولا لا
29‏/1‏/2014 تم النشر بواسطة بدون اسم.
42 من 45
انا اتعاملت مع الشركه دى من سنه الاعلان كان فى الاهرام كانوا طالبييين صيادله للسفر للكويت وانا وحوالى 100 صيدلى تانى اتقدموا وعملوا امتحان ليينا المهم انهم كالعاده قالوا انى معاهم وقالوا هات 3000 الاف جنيه وانت جاى والجواز وقالو بعد 15 يوم الفيزه المهم انى قعدت سنه وشهرييين مستنى اخر عمليه النصب دى ايه المجموعه اللى هناك كلهم عارفيين بيعملوا ايه دى عصابه والله وفيه مره لبوه اسمها احلام بتقول انها مرات الحاج زين رئيس العصابه دى
وكنت مش واخد عليهم ايصال واللى حصل انهم بعد سنه عاملييين تانى اعلان فى الاهرام يطلبوا بقى اطباء وصيادله
وانا لسه ما فيش فيزه جاتلى ساعتها اتاكدت انهم نصابييين وش هما بياخدوا الفلوس ويشغلوها ويبداوا يدوروا على عمل للناس دى منها اللى بيجى ومنها اللى ما بيجيش ويقعدوا يماطلوا فى سداد الفلوس ويدوا الامانى للناس لحد ما يكسبوا اكتر وقت منه وفى الاخر انا اخدت الفلوس بعد عذاب انا روحتلهم وكان عندهم ناس كتييير ومقابلات وحظى كانوا اطباء وفيهم صيادله عملت معاهم خناقه وقولت يا اخدت الفلوس ياموت واتشاكلت مع الحاج زين تحت وصيحت ليهم الناس اتجمعت عليا والصيادله وهو حاول يمد ايده عليا ويخنقنى من رقبتى ربنا وقفلى واحد شكله بلطجى هو اللى ازحه عنى وجبت الفلوس والناس معظمهم فهم انهم حراميه من الاخر كده اللى عاوز يسافر ما يدفعش فلوس قبل ما يستلم اتاشيره ودى عن تجربه فعليه ليا وحسبى الله ونعم الوكيل
1‏/2‏/2014 تم النشر بواسطة بدون اسم.
43 من 45
والله انااسمى على مقدم على تمريض الكويت من شهر8/2013ودافع2000جنيه ولسه لحد الان  مفيش اى حاجه ومبيردوش على التليفونات الا بعد تعب ويقولو   لسه شويه ومش عارف اعمل ايه لوحد مقدم يسبلى رقمه ونتواصل مع بعض وده رقمى01146357410
14‏/2‏/2014 تم النشر بواسطة alaa salhe.
44 من 45
انااسمى على مقدم على تمريض الكويت من شهر8/2013ودافع2000جنيه ولسه لحد الان  مفيش اى حاجه ومبيردوش على التليفونات الا بعد تعب ويقولو   لسه شويه ومش عارف اعمل ايه لوحد مقدم يسبلى رقمه ونتواصل مع بعض وده رقمى01146357410
14‏/2‏/2014 تم النشر بواسطة alaa salhe.
45 من 45
والله انااسمى على مقدم على تمريض الكويت من شهر8/2013ودافع2000جنيه ولسه لحد الان  مفيش اى حاجه ومبيردوش على التليفونات الا بعد تعب ويقولو   لسه شويه ومش عارف اعمل ايه لوحد مقدم يسبلى رقمه ونتواصل مع بعض وده رقمى01146357410
14‏/2‏/2014 تم النشر بواسطة alaa salhe.
قد يهمك أيضًا
مكاتب الحاق العمالة المصرية بالخارج
شركة الهلال لالحاق العمالة بالخارج !!!
ماهي الاساليب التى تتبعها مصر لزىادة العمالة بالخارج
ما هى الشركات المرخصة لالحاق العمالة المصرية
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة