الرئيسية > السؤال
السؤال
ما الفرق بين ماجستير معهد الدراسات والبحوث الإحصائية و ماجستير كليات حاسبات و معلومات ؟
سلام عليكم ,

أنا خريج مودرن أكاديمي في مصر قسم حاسبات و معلومات و كنت عايز أحضر ماجستير و سألت في جامعة القاهرة في كلية حاسبات و معلومات لكن للأسف هما مش بيقبلوا غير خريجي الكلية و الوافدين فقط بغض النظر عن مجموع أو أعتماد خريجي الجامعات الخاصة.

دلوقتي الحل أني أحضر ماجستير في معهد الأحصاء بالقاهرة لكن للأسف لازم أخد الأول دبلومة لمدسة سنتين و بعدين أدخل الماجستير أو الحل التاني أني أحضر في كلية حاسبات و معلومات في جامعة عين شمس أو حلوان.

أنا كنت عايز أعرف أيه الفرق بين شهادة الماجستير من معهد الأحصاء و شهادة الماجستير من كلية حاسبات في جامعة عين شمس أو حلوان ,  و أيهما أفضل عشان أن شاء الله ناوي أسافر و أكمل الدكتوراة بعد ما أخلص الماجستير في مصر.

يعني معهد الأحصاء أفضل علي أساس أن هو تبع جامعة القاهرة و طبعا جامعة القاهرة ليها أعلي ترتيب في جامعات مصر علي مستوي الترتيب العالمي ولا حاسبات و معلومات عين شمس مثلا علي أساس أن هي كلية و ليست معهد.

أخيرا و للعلم بالشئ أنا عارف أني ممكن أحضر في الجامعة الأمريكية أو الأكاديمية البحرية بس للأسف دول مصاريفهم غالية جدا و علي حسب ما سمعت تقريبا الماجستير هيكلف 100 ألف جنية .

شكرا جزيلا و في أنتظار ردودكم.
ماجستير | دراسة | جامعات | تعليم | دراسات عليا 27‏/7‏/2010 تم النشر بواسطة بدون اسم.
الإجابات
1 من 4
ياعم ايه علاقة الاحصاء بالحاسبات الاليه وان اجتمعت الادوات.
27‏/7‏/2010 تم النشر بواسطة السيدموسولينى (السيد النادى).
2 من 4
معهد الاحصاء من اول الامكان التى تقوم بتدريس علوم الحاسب الالى فى مصر و بالطبع الاحصاء على علاقة وثيقة بعلوم الحاسب الالى فتلك العلوم مشتقة من علم الاحصاء دون ادنى شك اعتقد ان المعهد له سمعة طيبة جداً انا حالياً فى الدبلومة الخاصة به و لازم تجيب تقدير لو عايز تكمل للماجيستير و المعهد معترف بيه فى الدول الاوروبية و ده هيفيدك لو هتحضر الدكتوراة بالخارج هناك تشديد على الحضور و الدراسة بالمعهد صعبة جداً و لكن انصحك بالدخول به لأنك ببساطة هتتعلم كتير , و نصيحة فى مصر الماجيستير من الجامعات الخاصة بيتساوى بأى جامعة حكومية فا انتا بتدور على انك تقدر تاخد الماستر فى اقل فترة ممكنة و بأقل تكاليف و بالتوفيق ان شاء الله
28‏/8‏/2010 تم النشر بواسطة ahmed_N.
3 من 4
حضرتك تروح تسأل فى الاكاديميه هى تابعه لجامعه ايه  

زى ما انا  عملت انا  خريج اكاديميه مصر للحاسبات علوم حاسب  ولما جيت اعمل الماجستير سألت قالوا احنا تبع جامعه المنصورة  ...وشكرا
22‏/8‏/2011 تم النشر بواسطة MohamedHigazy.
4 من 4
علاقه بعيده اوى عن الاحصاء احنا فى حاسبات علوم حاسب اى هندسه برمجيات بندرس هندسه برمجيات وهندسه علوم الحاسب من رياضيه واحصاء لاننا كليه بددرس مواد هندسه واحصاء قليله وبنتخرج نبقى مهندسين مش احصاء وكدا .. بس يا بشمهندس انت ممكن تحضر فى معهد الاحصاء او عين شمس  ... بس المعهد دا كويس وفى ناس كتيير حضرت فيه بالتوفيق ان شاء الله
1‏/9‏/2012 تم النشر بواسطة MohamedHigazy.
قد يهمك أيضًا
هل يشترط التوفل لدراسة الماجستير في حاسبات ومعلومات عين شمس ؟
ما هو الماجستير وكيف تكون ؟؟
هل سبق وان درست ماجستير عن بعد ؟
ما هى كليه حاسبات ومعلومات وهل هى كليه هندسه بطلع منها مهندس ولا ايه بظبط عايز كل حاجه عنها لو سمحتم
تنصحوني اكمل ماجستير ولا لا ؟؟
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة