الرئيسية > السؤال
السؤال
فنون جميلة - قسم ديكور , بياخد من ادبى فى جامعة الاسكندرية فعلا ؟
معلشى بعـد اذنك بس ,, انا عايز استفسر .. لأن انا حاليا فى 3 ثانوى وكنت علمى .. وحولت أدبى لأن مفيش كلـية هتكون محترمة بالنسبة ليا .. انا حاليا عندى 17 سنة ,, ودااخل على السنة الـ 8 ان شاء الله فى التصميم الـ ثرى دى .. انا شغال تصميمات داخلية وجرافكس ,, وبصراحة .. انا كان نفسى ادخل هندسة لأن هى افضل حاجة هتفيدنى .. لكـن حولت أدبى اما عرفت ان فنون جميلة فيها قسم عمارة وقسم ديكور .. فـ قولت الحمدلله وكل حاجة ,, المشكلة انى عرفت ان قسم عمارة دا من علمى بس ! ,, وقسم ديكور من علمى برضه لكـن سمعت ان جامعة اسكندرية بتاخد من ادبى وعلمى .. انا جايب فى تانية 84% علمى .. وان شاء الله هشد حيلى جاامد .. واجيب ع الاقل 96% فى ادبى فى تالتة ,, لأن انا الحمدلله معنديش جيلوجيا كل اللى عندى علم نفس وتاريخ واقتصاد واحصا والجو دا .. السؤال بقى بعد الرغى دا كله وانا اسف .. انا عايز اتأكد ان قسم ديكور بياخد من ادبى فى جامعة اسكندرية ,, عشان لو كدة .. مستعد اسافر واقعد هنااك اول سنة واجيب تقدير واحول فى السنة اللى بعدها لـ حلوان او حتى لو كملت بقية السنين هنااك .. المهم انا عاايز اتأكد من دا .. + قسم ديكور دا كويس للمجاال اللى انا فيه دا ؟؟ ولا قسم جرافيك ؟ - بصراحة انا نفسى ادخل قسم ديكور واخد كورسات جرافيك .. و الحمدلله عندى القدرة انى اخد كورساات واسافر برة اكمل كل دا .. ولو ربنا مكتبليش فنون جميلة قسم ديكور او جرافيك بعد كدة .. هدخل تجارة انجلش واخد كورسات جرافيك واحاول اعمل دراسات حرة فى هندسة او فنون حتى لو اكاديمية .. ومعلشى هكرر سؤالى عشان انا عاارف ان حضرتك لغبطتى من سؤالى ,, اولا قسم جرافيك ولا ديكور بالنسبة لمجالى دا .. انا الحمدلله بعرف اعمل كل حاجة ؟ وهل ديكور بتاخد من ادبى فى جامعة اسكندرية فعلا ؟ وهل اقدر احول بعد تانى سنة عاادى ؟ وايه نظام امتحانات القدرات ؟ وربنا يكرمك .. واسف جدا على ازعاجك ,هشـام
التعليم الثانوي | التعليم الجامعي | الجامعات | الكمبيوتر والإنترنت 9‏/11‏/2011 تم النشر بواسطة Vray3d.
الإجابات
1 من 2
ولايهمك يا هشام على الاطالة عادى .. ومتلغبطتش ولا حاجه لانى فاهمة الموضوع ده

بص .. اه فعلا فنون جميلة ديكور بتاخد من أدبى فأليكس .. بس خلى بالك بقت بتاخد من مجموع عالى جدا
يعنى قسم ديكور السنة دى أخد من 91.5% من مجموع السنتين على بعض

يعنى لازم تموت نفسك فالمذاكرة السنة دى عشان تجيب المجموع ده

3 سهلة بس بردو متستهترش بيها لانى استهترت جدا ب3 ثانوى ومكنتش بذاكر واعتمدت على مجموعى ومذدتش غير 2%
ووقفت معايا على قسم ديكور 1% بس هدخل تصوير وهعمل دبلومة سنة فديكور وكده هبقى شاملة الاقسام كلها

لو بعد الشر يعنى ملحقتش فنون عادى .. ممكن تدخل مفتوح ,, وهى هى وهيبقى متاح ليك قسم ديكور وجرافيك

وبالنسبة ان هل الديكور مجاله كويس ,, فا طبعا مجاله كويس جدا ومهنة مربحة جدا جدااا

وربنا يوفقنا ان شاء الله
9‏/11‏/2011 تم النشر بواسطة sara esmael.
2 من 2
Noway
19‏/11‏/2011 تم النشر بواسطة WO1F (Ahmed Hussein).
قد يهمك أيضًا
هل يوجد قسم ديكور في جامعه الملك عبد العزيز ؟؟
هل يوجد كليات هندسة ديكور للشباب في السعودية ؟ واين ؟
ابغي استفسرررر عن في جامعه عزوووز تخصص هندسه ديكور للبنات? ??
انا مهندس ديكور فلسطيني من نابلس , هل يمكن تسجيلي في نقابة مهندسين ديكور فلسطين , و كيف استطيع التسجيل و ما هي الشروط ؟
لى صديقه تريد دراسة التمريض فهل شهادة الثانويه العامه (ادبى) تفيد؟؟
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة