الرئيسية > السؤال
السؤال
كيفيه الكتابه بطريقه الفرانكو؟؟
يعنى ايه الارقام المستخدمه لكل حرف
الهوايات 19‏/7‏/2011 تم النشر بواسطة snow white55.
الإجابات
1 من 3
2=همزة
3=عين
3ّّّ= غين
5=خ


هما دول اللى عرفاهم
صباح الفل عليكى وصبحيلى عاللى جنبك  " لولو حبيبتى"
19‏/7‏/2011 تم النشر بواسطة sara esmael.
2 من 3
لغة الفرانكو اراب او الفرانكو

هذه اللغة معروفة وانتشرت بطريقة كبيرة فى الشات والنت عموما والمنتديات والطلاب المغتربين
دايما تلاقى واحد بيكلمك بطريقة غريبة لا هيا انجليزى ولا هيا عربى وتحس انك بتفك شفرة

طيب حد سال نفسه شو هو الفرانكو ؟؟
طيب ايه اصل اللغة جائت من اين ؟؟


معظمنا او اللى بيتكلموا فرانكو مايعرفوش غير انها لغة منتشرة بين الشباب والبنات فى الشاتوعالم النت
بس الموضوع طلع اكبر من هيك ويمكن مفيش ناس كتير تعرفه
المهم انا هحاول اوضح الصورة لكل االناس اللى يعرفوا الفرانكو واللى ما يعرفوش

بيفكرنى بعادل الامام و( الفنكووووووش )

ما هو الفرانكو

هو بكل بساطة مكس بين العربى والانجليزى

هتسالنى يعنى ايه مكس ؟

هقولك يعنى بناخد الحروف الانجليزى والنطق من العربى ونعمل منهم الفرانكو
او بمعنى ابسط اننا بنكتب الكلمات العربى زى ما بننطقها بس بالحروف الانجليزى

زى كده مثلا
كلمة قلب بنكتبها كده ---> 2alb
كلمة عامل ايه بنكتبها كده ---> 3amel eih
هتقولى كويس بس ايه رقم 2 و 3 اللى فى الاول لايه
هقولك ده الجزء التانى معانا

فى عندنا حروف فى العربى مفيش ليها مقابل فى الانجليزى
هذه الحروف بنستبدلها بارقام
طيب ايه هيا الحروف

ق او الهمزة ---> 2
ع ---> 3
ح ---> 7
خ ---> 5
ط ---> 9 او 6

وساعات بيكتبوا
خ ---> 7'
غ ---> 3'



كده عرفنا ايه هيا الفرانكو اراب
طيب من اين اصلها ؟؟


تاريخ الفرانكو بيبدأ من زمان من ايام سقوط الاندلس في ايدي الفرنجه
وايام محاكم التفتيش الاوروبيه....طبعا كانت الاندلس مليانه مسلمين بعد ما احتلها الاسبان
هذا غير الناس اللذين هاجروا الى المغرب والى الاراضي العربيه....
بس كانوا بيتعاملوا بقسوه شديده جدا من قبل محاكم التفتيش...في البدايه اخدوا المصاحف ومنعوا الصلاه في المساجد وبعدين عملوا حاجه خطيره جدا.....

شو الحاجة اللى عملوها ؟؟

خلوا الناس تتكلم عربي عادي بس خلوهم يكتبوا اللغه العربيه بحروف لاتيني

اللى احنا عارفينه بالفرانكو اراب الان

وللاسف فضلو يضيقوا عليهم جدا لحد ما طلع منهم جيل ميعرفوش هما مسلمين ولا مش مسلمين

والناس دول كان اسمهم الموريسكيين او اختصارا" المور"



ظهر ناس كتير مؤييدين لهذه الفكرة ومن ابرزهم
القاضي الانجليزي "ويلمور" وهو مستشرق مشهور
وكانت له دعوه بجعل "لغه الخطاب هي لغه الكتاب" يعني العاميه تكون هي لغه الكتابه والعلم


وظهر فى القرن العشرين بعض المثقفين
قالوا ان الحرف اللاتيني اصلح من الحرف العربي شكلا وموضوعا وقالوا انه من الافضل اننا نبدل الحرف اللاتيني بدلا من الحرف العربي في كتابتنا


ومن ابرزهم الشاعر اللبنانى سعيد عقل
هذا الشاعر
كتب ديوان اسمه "يارا" بالفرانكو في بيروت
بس كيف هذا في حروف في العربيه ليس لها بديل في اللغه اللاتينيه!!

ايوه ...هو كتب في المقدمه الحروف التي سيستخدمها وضاف من عنده كام حرف كدا عشان يغطي قصور الحرف اللاتيني...والنتيجه ان ابجديته صار فيها اكثر من ثلاثين حرف...
بس الديوان فشل ولم يلاقى نجاح



ودلوقت هذه اللغة لغة الفرانكو اراب زاد انتشارها واستخدامها في مصر والدول العربية من خلال استخدام الانترنت خصوصا في المحادثة والايميلات المرسلة
وكمان العرب الموجودين فى البلاد الاجنبيه ومفيش عندهم كيبورد عربى

وادى انتشار هذه اللغة بين الشباب ان بعض الكتاب بدؤا يكتبوا بيها علشان يوصلوا بسرعة للشاب
منهم الكاتب الشاب عمر طاهر صاحب كتاب شكلها باظت
وكتاب كابتن مصر اللى استخدم فيه من الناحية الشكلية
كان بيستخدم في كتابة الفصول أسلوب الشباب في كتابة العربي بحروف إنجليزية، وهي المتعارف عليها بينهم باسم (الفرانكو آراب



كأن يكتب "إزاي تعرف إنك مراهق (Ezay t3raf Ennak Morahek)
وهي طريقة تبدو أنها تقربه من الفئة المستهدفة للكتاب، فئة المراهقين
19‏/7‏/2011 تم النشر بواسطة عائد الربيعي (الطالب المعلم).
3 من 3
ء=2
ع=3
غ='3
خ=5
ط=6
ظ='6
ح=7
ق=8
ص=9
ض='9
19‏/7‏/2011 تم النشر بواسطة hulk (Ангел Навсегда).
قد يهمك أيضًا
كيف يفهم الكمبيوتر امر الكتابه بطريقه 0 و 1 ؟
كيفيه تحليل السكر بدمك بطريقه سهله ؟
كيفيه الكتابه على بروفايل الاصدقاء في تويتر
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة