الرئيسية > السؤال
السؤال
أريد وصفات لتوحيد لون بشرة الوجه
العناية بالبشرة 2‏/5‏/2012 تم النشر بواسطة alimaj.
الإجابات
1 من 2
الواصفات ديت من خبيرة التجميل اسمها رانيا

توحيد لون البشرة وتفتيح البقع الغامقة
أهم حاجة علشان نعالج المشاكل دي هي الاهتمام الشديد بالعناية والنظافة الشخصية؛ لأن دي من الحاجات اللي بتساعد إن مايتراكمش حاجات على الجلد أو بين ثنايا الجلد، واللي بتسبب البقع الغامقة.

لازم ناخد شاور مرتين يوميا ونستخدم الليفة المصرية العادية، ونستخدمها بشكل دائري في المناطق اللي فيها دهون زيادة، وده بيساعد في تنشيط الدورة الدموية وتنضيف البشرة، كمان الليفة المغربية نستخدمها مرة في الأسبوع أو ممكن مرتين بالكتير، ولو هنروح لأماكن فيها سونة وبخار يبقى هنعملها مرة واحدة في الشهر.
ودي شوية ماسكات ممكن نستخدمها لتفتيح وتوحيد لون البشرة
ماسك الترمس والردة
الماسك ده مفيد لتفتيح بشرة الوجه والجسم، وكمان بيروّق البشرة، وبيعمل على إزالة الخلايا الميتة من البشرة..
المقادير:

   ملعقة ترمس
   ملعقة ردة
   ملعقة عسل نحل
   1/ 4 أو 1/ 2 ملعقة زيت ورد

الطريقة:
هنخلط المكونات ولو هنستخدم زيت الورد يبقى هنخلطه بمية سخنة، أو لو مافيش زيت ورد يبقى هنخلط بمية الورد، ونحط من الماسك على الوجه والجسم.

حاجة كمان بتساعد على تفتيح البشرة؛ هي إننا ناخد شاور كل يوم، وندهن جسمنا بخليط الليمون والجليسرين، وتكون نسبة الليمون أكتر من الجليسرين، ونستمر عليه لمدة شهر، وده هيساعد جدا على تفتيح الجسم.

ماسك الفجل للبقع الغامقة
المقادير:

   1/ 2 كوب عصير فجل
   1/ 2 كوب عصير ليمون
   1/ 2 كوب شرش لبن زبادي (والشرش ده هو المية اللي بتطلع من الزبادي، خاصة الزبادي البلدي بعد ما نشيل طبقة القشطة ونسيبه شوية بره التلاجة).

الطريقة:
هنخلط مقادير متساوية ونحطّه في برطمان زجاج، ونسيبه في التلاجة لمدة 48 ساعة وبعدين نبدأ نستخدمه.
والماسك ده نقدر نستخدمه لبشرة الوش، وكمان لأي بقع غامقة في الجسم بس لو هنحطه على الوش بنسيبه لمدة 15 : 20 دقيقة، وبعدين نشطفه وندهن وشنا زيت لوز حلو، أما بالنسبة للجسم هنركِّز على المناطق اللي فيها بقع ونسيبه لمدة أكتر يعني ممكن نصف ساعة.

عايزة أقول لكم إننا لازم نفرّق بين المناطق الغامقة؛ زي الكوع والركبتين، وبين المناطق اللي فيها بقع، وكل حالة بيبقى ليها الماسكات الخاصة بها؛ يعني ماسك الفجل بنستخدمه للبقع فقط، كمان ماسك الخميرة مع العسل بيروّق البشرة وبيشيل الحبوب من الجسم.
4‏/5‏/2012 تم النشر بواسطة shosho.
2 من 2
لوز مطحون + حليب.

يوحد و يفتح لون البشرة اختي.

++
6‏/5‏/2012 تم النشر بواسطة مغربية و أفتخر (مغربية و أفتخر).
قد يهمك أيضًا
ما فوائد وضع ماء الورد على بشرة الوجه ؟؟ وهل هو صحي ؟؟ هل يفتح البشرة ؟؟
قشرة بشرة الوجه
ازاي اكتسب لون بشرة الوجة البيضاء والحمراء من الاكل
وصفة لتنقية بشرة الوجه [ العناية بالبشرة ]
ماافضل خلطه لتوحيد لون الوجة والجسم وتصفيته؟ للبنات فقط *
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة