الرئيسية > السؤال
السؤال
عاوزه اعرف تفاصيل مصاريف كلية الاعلام فالجامعه المفتوحه وازاى استعد للمقابله الشخصيه ممكن تفيدينى
الجامعات 1‏/1‏/2010 تم النشر بواسطة nona2010.
الإجابات
1 من 10
اذيك يا nona2010 يارب يوفقك يارب وتحققى كل امنياتك انا خريجة اعلام جامعة القاهرة دفعة 2007 تعليم مفتوح انا كنت باخد 5 مواد فى التيرم على مدار الأربع سنين كل ترم 5 مواد والدراسة فى كلية الأعلام التعليم المفتوح عامة يعنى انتى مالكيش تخصص محدد يعنى مثلا فى كلية الأعلام العادية الى مش تعليم مفتوح بيتخصصو من سنة ثالثة وعندهم قسم  اذاعة وتليفزيون وقسم علاقات عامة وقسم ثالث صحافة انتى بتدرسى الأقسام  دى كلها فى  الأ ربع سنين فى التعليم المفتوح يعنى انتى شعبة عامة وبالنسبة للدراسة اهم  حاجة انتى تكونى  بتحبى دراسة الأعلام يعنى انتى لما تكونى داخلة كلية انتى بتحبيها وكان طموحك انك تدخليها غير لما تكونى داخلة كلية عشان مكتب التنسيق   هى فيها مواد صعبة ومواد سهلة زى اى كلية بس  تعتبر المواد بتاعتها قليلة يعنى انتى بتاخدى 5 مواد فى التيرم الكليات التانية بياخدو 6 او 7 مواد فى التيرم وانا بسمع كمان ان فى 8 مواد فى بعض الكليات ومن وجة نظرى انا المواد الخاصة بالأذاعة والتليفزيون سهلة
والعلاقات العامة الصحافة فى مادة اسمها اخراج صحفى غلسة شوية
المقابلة الشخصية  الى بيعملوها دكاترة من الكلية نفسها بيسألوكى فى المعلومات العامة يعنى مثلا الفضائية المصرية اتفتحت سنة كام ؟ السؤال دة اتسأل للبنت الى كانت قبلى ممكن يقولك مين رئيسة تحرير مجلة حواء وبتعرفى النتيجة فى نفس اليوم بس دلوقتى ممكن تعرفيها من موقعهم على النت انا موقع النت دة على ايامى اتعمل وانا فى سنة ثانية  المصاريف انا كنت بدفع حوالى 600 جنية فى التيرم بس معرفش دلوقتى  دة الموقع بتاعهم حتستفيدى منة كتير
http://ou.cu.edu.eg
اتمنى انى اكون افدتك واسفة لو كنت طولت  ولو عايزة تسألى فى اى حاجة ابعتيلى رسالة
1‏/1‏/2010 تم النشر بواسطة marwa7.
2 من 10
هاي يا marwa7 انا مقدمة على اعلام في جامعة القاهرة للتعليم المفتوح و المقابلة الشخصية بعد يومين.... كنت عايزة اعرف الاسئلة حاتكون في المعلومات العامة الخاصة بمجال الاعلام؟؟؟ ولا حاتكون عن اخر الاخبار في مصر و العالم العربي؟؟؟؟؟ و بيكون كام سؤال؟؟؟ و في المجمل بيكون سهل ولا صعب؟؟؟ اي حد ممكن ينجح فيه؟؟ لو عندك اي معلومات ممكن تفيدني او نصائح تبقي مشكورة :)
19‏/3‏/2010 تم النشر بواسطة Bent Masreya.
3 من 10
(بدون تفاصيل الماده ١٧٠ ج كل فصل ٥ مواد )        (مفيش حاجه صعبه ومفيش حاجه سهلا ) ( المقابله  عادي بدون اي تحضير لاي اسئله)( http://ou.cu.edu.eg )‏
29‏/3‏/2010 تم النشر بواسطة gigo00.
4 من 10
ازاى بتكون الاسئلة عادية يعني
19‏/9‏/2010 تم النشر بواسطة بدون اسم.
5 من 10
أنا ممكن أجاوب
المقابلة الشخصية بكل بساطة عبارة عن معلومات عامة الدكتور أو الدكتورة بيشوف هل أنت مطلع على حال بلدك و العالم من خلال بعض الأسئلة البسيطة التى يطرحها عليك يعنى عبارة عن دردشة مفيهاش أى شئ يخوف .
هتلاقى الرابط بتاع موقع الجامعة المفتوحة موجود بالأسفل
17‏/4‏/2011 تم النشر بواسطة Ayman Mosaad.
6 من 10
طب يا شباب انا كمان هقدم الكل بالصلاة على نبى كدة يعترف بكل الاسئلة لان ذاكرتى ضيعفة

والمعلومات عندى ضعيفة شوية فعايز اركز على كام حاجة احفظهم

فيدونى افادكم الله يا بشر :D‏
15‏/7‏/2011 تم النشر بواسطة mohamed_hamdy (mohammed hamdy).
7 من 10
انا الحمد لله دخلت كليه الاعلام واحب اقول لكم المقابله سهله جدا ومحدش يخاف ومش محتاجه معلومات عامه المهم تبقى واثق من نفسك قدام الدكتور او الدكتوره وهو سؤال واحد اتسال للمجموعه بتاعتى انتم اختارتو كليه الاعلام ليه وبعد كدا بيسال على مكان سكنك وبتحب تقراء ايه وحاجات بسيطه جدا والحمد لله اتقبلت انا واللى معايا كلهم وبجد محدش يخاف اما بالنسبه لمصاريف كليه الاعلام السنه دى حوالى 800 جم مصرى  فى كل ترم الطالب بيدرس 5 مواد او على حس الاختيار يعنى ممكن تختار 3 مواد والباقى يترحلوا للسنوات القادمه لانه اسمه مفتوح يعنى اى عدد من السنين المهم تنجح فى عدد 40 ماده مقسمين على اربع سنوات
اى خدمه ولو فى اى اساله انا موجود
11‏/10‏/2011 تم النشر بواسطة بدون اسم.
8 من 10
لو سمحتوا انا كنت عايزة اسال على كلية اعلام تعليم مفتوح هى بتقبل ثانوية عامة بس ولا ممكن اى حاجة وهل لازم اعد بعد الثانوى خمس سنين ولا لا وفروعها فين علشان انا من اسكندرية وميرسى اوى
27‏/10‏/2011 تم النشر بواسطة بدون اسم.
9 من 10
لو سمحتم عاوز اعرف هى شهادة معتمدة ولا لا
2‏/3‏/2012 تم النشر بواسطة بدون اسم.
10 من 10
لو سمحتم طيب انا عاوز اعرف لما بتخرج ان شاء الله اية شروط التقديم في اي قناة يعني بشتغل ازاي انا رايح اولي ثانوي عام بس بجد عاوز احدد مستقبلي و انا رغاي جدا جدا ولقيت ان افضل شغلانة ليا لااعلام
1‏/9‏/2012 تم النشر بواسطة بدون اسم (ashraf ahmed).
قد يهمك أيضًا
مصاريف كليه الاداب جامعة المفتوحه اسكندريه 2011
ممكن ا عر ف الجامعه المفتوحه بالاسكندريه بتاخد دفعة كام السنه دى بالدبلوات
يعنى ايه معنى كلمه السمعه اللى ف الملف الشخصى ف جوجل وازاى تزيد او ازاى تقل ؟
لو بتحب انسان معاك فى العمل وعاوز يترك العمل ده مثلا فى مصنع تقوله ايه وازاى هتتصرف
القران الكريم ..كتير اوى منا(المسلمين)مهملين فيه لحد ما.. ليه ولامتى؟وازاى ما نهجرش كتاب الله الكريم
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة