الرئيسية > السؤال
السؤال
للجزائريين فقط كل واحد يكتب بوقلاة يحبها ......................
الجزائر 20‏/11‏/2010 تم النشر بواسطة dalila.
الإجابات
1 من 8
ممكن انا ؟
20‏/11‏/2010 تم النشر بواسطة mostafa111.
2 من 8
منعرفش بوقالات
نعرف نعقد برك هه ونسمع
20‏/11‏/2010 تم النشر بواسطة أختكم ياسمين25.
3 من 8
بسم الله بديت و على النبي صليت-عليه الصلاة و السلام-
ادا انت بحر..... انا موجه فيك
و ادا جنينه ......انا ورده فيك
و ادا انت تحبني ... انا نموت عليك.
و اني حالفه يمين... غير انت لي نديك
20‏/11‏/2010 تم النشر بواسطة سميرةdz.
4 من 8
حبيبك حبو والسر لي بيناتكم اخفيه اذا حبك حبو اكثر واذا نساك لا تسال عليه
2_طلعت للسطح تقرقبوا للواح النس قاع بحبيبهم وانا حبيبي راح
3_يا لي طالع العقبة وتعوج في رجليك انا انا مانيش نحوس عليك
4_ طلعت العازبة تنشر وطلع العازب يفطر العين وقعت في العين والقلب تكسر
5_ لي جرح القلب ودناه وش من عين تلقاه
6_ مولاة هذالبوقالة كي شجرة العرعار من برا خضرة ومن داخل نار
7_ راني كالحمام مبني على صد نارو من برا مابان دخان ومن داخل طابو حجارو
20‏/11‏/2010 تم النشر بواسطة انا داهيا (بكرا بيخلص هالكابوس وبدل الشمس بتضوي شموس).
5 من 8
باسم الله بديت ..و على النبي صليت
خرجت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة
20‏/11‏/2010 تم النشر بواسطة manou10.
6 من 8
نسيتهم كامل
مليح هذا السؤال على الاقل نذكرو شوية
ميرسي على السؤال
20‏/11‏/2010 تم النشر بواسطة رينيدا.
7 من 8
بوقالاتي ^*^

01 - كان صندوق من ذهب تودرولي مفتاحو كل مانتفكر يرفدوني رياحو
02 - خرجت فـي نصـاف الـيالـي وطلـبت معبودي قلت يـاربـي اجمع شملي مع شمل محبوبي
03 - عيني عين لحبيب ولسانـي حـاشـم تمنيت ندير الحنة ونزيد الخاتم
04 - نوضو يانايمين بنات السلطان جايـيـن فيهـم واحـدة زينـة الزيين تعشق الحواحب والعيــن
05 - خارجة من الحمام وخدودهـا يحمـاروا اللـي وريلـي دارها يعمرولوا داروا
06 - نمت والله والمنام رؤيـة من عندي ربـي حمامـة بيضاء جات حطت عليا
07 - عينيك تـوت وحواجـبك يـاقـوت أنـا نديـك واللـي يبغـي يموت يموت  
08 - بنتي سومتها غالية بنت العز و الدلال وما يديها غير راجل فحل و ولد حلال
09 - هبطت لقاع البحر وحنيت يديا وقلت ربي كملي متراني متمنية
10 - المنجل عمرو مايسوى القلب مايحب غير اللي يهوى
11 - غـالـي غالـي والـغـالـي ربـي مهمـا أتروح وتغيـب معزتـك فـي قلبـي
12 - السمرة ياسمرة يالـي حلـوة كــي الـتمـرة عـيونـك شهلـة ولسانك جمرة
13 - قاعدين في الجنان بين الفل والياسمين قالي أنا نويتك حلال ليا يا لبنية قاتلوا اذا كان هكذا روح شوف خاوتي و والديا .
14 - كـي تلقـا المليح مع المليح يتوادو البنينة وكـي تلاقا المليح مع الدوني يشبعو الغبينة وكي تلاقا الدوني مع الدوني يغرقوا السفينـة
15 - احمد يا احمد ياللي عايروني بيك انت وردة فالكاس وغير انا اللي نديك
16 - نطلب من ربي الفتاح يعطيني المفتاح ونحل البيبان ونشوف الهنا ونرتاح
17 - علي يا علي يا الي سومك غالي من صابك اتجي لعندي انفرشلك مطرح حرير وانغطيك بازاري
18 - يالي جايا من العين وبيدك مليت السلة سبحان من اعطاك ازين وزاد في بهاك ديك الحلة
19 - جايز على باب دارنا ، لابس تلمساني ، قتلو يا شيخ بالاك تنساني ، قاللها والله ما ننساك ، ونصيبك على ربي جاهي و سلطاني.
20 - يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .




رقم 12 عجبتني ^_^
20‏/11‏/2010 تم النشر بواسطة mostafa111.
8 من 8
ليحيطيست تيبوقلو ههههههههههههههههههههههههههه
21‏/11‏/2010 تم النشر بواسطة احمد شهاب الدين (Othmane Amine).
قد يهمك أيضًا
عاجل للجزائريين فقط ........
للجزائريين فقط
للجزائريين وكل من يحب الجزائر فقط
للجزائريين فقط للجزائريين فقط للجزائريين فقط للجزائريين فقط للجزائريين فقط
للجزائريين فقط
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة