الرئيسية > السؤال
السؤال
كيف تكتب كلمات أغنية
ماهي اخطوات المرجو تبعها  
كيف يتم كتبتها
كيف استخرج ما عندي من موهب
♥ موسيقى اراب : Rap : ♥‏
موسيقى | rap | الأغاني 9‏/3‏/2012 تم النشر بواسطة tarikbouchab (مــحــتــرف عاطــفــياً).
الإجابات
1 من 3
إسم الله عليك
9‏/3‏/2012 تم النشر بواسطة أنا العبقري (#).
2 من 3
اول حاجه هي
القافيه

وهي الكلمه اللي بينتهي بيها البيت الشعري في شعر الفصحي
ولكن الأغنيه العاميه تختلف طبعا عن شعر الفصحى لانها لا بتتكون من بيوت ولا من شبابيك لا هي بتتكون من شطرات كل شطره بتنتهي بقافيه

والقافيه ممكن تكون متشابهه في حرف زي (قلبي,جرحي,همشي)
او متشابهه في حرفين زي (ربي,حبي,قلبي,ذنبي)
او تلت حروف زي (عيد,بعيد,سعيد)
او اربع حروف زي (راسي,حراسي,نبراسي) وهكذا....

وطبعا كل مازادت عدد الحروف المتشابهه في القافيه كل ماكان اصعب في انك تلاقي كلمات بنفس القافيه

تاني حاجه هي
الشطره او الشطر

في الشعر الفصحى هي تعتبر نص (نصف) البيت الشعري ولكن زي متفقنا ان الاغنيه العاميه مبتتكونش من بيوت
يبقه نقدر نعرف الشطره في الشعر العامي بانها
هي كلمات متناسقه مع بعضها تكون جمله مفيده موزونه ذات معنى مفهوم تنتهي بقافيه موزونه (تعريفي الشخصي وقابل للتعديل طبعا)

تالت حاجه معانا هو
الوزن

الوزن في الاغنيه العاميه هو وزن للشطرات عموما ووزن للقافيات

اول حاجه وزن الشطرات ان يكون الشطرات المتوازيه اللي بقافيه واحده تكون موزونه
يعني لما تقراها تحس انهم ماشيين مع بعض وتحس بنغمه كدا وانت بتقراهم
تاني حاجه وهي وزن القافيه يعني كل الشطرات اللي بقافيه واحده لازم تكون القفيات دي كلها متشابهه في حروف او على وزن واحد

وحكايه الوزن دي هنشرحها اكتر وبالتفصيل في الاخر خليكو معايه بس


ندي مثال للكلام اللي فات دا

اغنيه حبيبه قلبي اصاله (أوقات)

أوقات بخاف فيها وانا لوحدي . وحاجات تجيب فخيالي وتودي

هنا زي ماحنا شايفين في جملتين بينهم نقطه كل جمله من دول تعتبر شطره
وكل شطره بتنتهي بقافيه موزونه وهم الكلمتين اللي تحتهم خط (لوحدي , وتودي)
والقافيه هنا زي ماحنا شايفين مشتركه في حرفين (د , ي)


نيجي بقه للب الموضوع وهو ايه هي مكونات او العناصر الاساسيه للاغنيه ؟!!

بص ياسيدي وركز معايه
الاغنيه بتتكون من (3) عناصر اساسيه


1-المذهب

2-السينيو

3-الكوبليه


1- المذهب : بيتكون من عدد من الشطرات وهو بكل بساطه الكلمات اللي بتبتدي بيها الاغنيه فدا طبعاااااا يعتبر اهم جزء في الاغنيه لان هو دا اللي اول ماهتسمعه هتقرر اذا كنت هتكمل سماع الاغنيه ولا هتقول ياعم فكك منها وشوف غيرها !!!
يعني لازم تكون كلمات المذهب كلمات تشد المستمع ولازم تكون بتحكي على الاقل نص (قصه او فكره او موضوع) الاغنيه
وفي اغاني ممكن نلاقيها من غير مذهب يعني نلاقيها بتبدا بالسينيو على طول زي مثلا اغنيه تامر (اعتزري) هنلاقيها بدات بالسينيو على طول من غير مذهب وهنا بيكون السينيو هو المذهب

2- السينيو : هو اللي غالبا بيجي بعد المذهب وهو الجزء اللي فكل الاغاني تقريبا بيتعاد كذا مره بعد كل كوبليه والجزء دا اللي غالبا بيعلق مع ودن المستمع للاغنيه لانه بيتعاد كذا مره

3- الكوبليه : بيعتبر هو قلب وعصب الأغنيه لانه بيعتبر هو اللي بيشمل على معظم قصه او فكره الاغنيه والأغنيه ممكن تحتوي على كذا كوبليه

نجيب مثال نوضح فيه كل جزء من دول
اغنيه تامر حسني (قرب كمان)


وانا جنبك حبيبي بجد مش عارف اقولك ايه . معاك الوقت بيعدي محسش بيه
واي كلام هيوصف ايه فلحظه بعيشها وانا وياك . كفايه عليا تبقى فحضني وابقى معاك

قرب كمان من حضني وحس باللي بحس بيه . دانا من زمان مستني اعيش وياك اللحظه دي
ياحبيبي قول بحبك وانا اقولها معاك

حبيبي يفوت سنين وايام على حبك في قلبي يزيد . كاني بعيش من الاول فحب جديد
بعدت كتير وحضنك عنه مهما بعدت برجع ليه . وقلبي يدوب فاحساسه اللي عايش فيه

قرب كمان من حضني وحس باللي بحس بيه . دانا من زمان مستني اعيش وياك اللحظه دي
ياحبيبي قول بحبك وانا اقولها معاك

زي ماحنا شايفين اول جزء اللي باللون الاخضر دا هو المذهب
وتاني جزء اللي باللون الاحمر دا السينيو اللي بيتعاد كذا مره في الاغنيه
والجزء التالت اللي باللون الازرق دا الكوبليه
وبيجي بعده السينيو وبعده الكوبليه التاني وهكذا .... لحد اخر الاغنيه اللي غالبا ما بتنتهي بالسينيو


لحد هنا خلص الكلام عن مكونات الاغنيه نيجي بقه للجزء التاني في موضوعنا وهو خاص اكتر بالناس اللي عندها موهبه كتابه الاغنيه
ودا اللي هنشوفه مع بعض باذن الله

تابعونااااااااا بعد الفاااااااااصل




موهوب كتابه الاغنيه عايز تعرف





للموهوبين فقط


طبعا زي ماعرفنا ان الاغنيه بتتكون من مذهب وسينيو وكوبليه
طب ازاي بقه بتتكتب الحاجات دي
بص ياسيدي كل جزء من اجزاء الاغنيه سواء كان المذهب او السينيو او الكوبليه بيتكتب بنظام معين زي القوالب (تعبيري الشخصي) هتقولي ازاي هقولك يعني مثلا لما بيجو يصنعو الطوب ازاي بيطلعوه في شكله دا بيحطوه في قوالب وهي اللي بطلعه فشكله دا هتقولي ايه اللي دخل الطوب في الاغنيه دلوقتي (وشكلي هتحدف بالطوب في الاخر موهوب كتابه الاغنيه عايز تعرف)
هقولك الاغنيه كمان ليها قوالب بنحط فيها كلمانا علشان يطلع منسق وموزون بس طبعا قوالب الاغنيه مش قانون لازم نمشي عليه ومش قالب ولا اتنين ولا عشره لا دول كتير جدااااااااااااا وكل شويه بتظهر قوالب جديده

بس علشان احنا لسه موصلناش لدرجه اننا نخترع قوالب جديده فهنا هحطلكو بعض القوالب اللي ممكن نعمل زيها او نمشي عليها مع تغيير الكلمات والمعنى طبعا هي مجرد قوالب هتصب فيها كلامك علشان يطلع بشكل منسق وحلو ممكن يتسمى اغنيه
يلا رغيت كتير انا عارف ندخل بقه على بعض انواع القوالب دي , طبعا مش هقدر اقولها كلها لانها زي ماقولنا كتير جدااااااااااااااااااااااا


اول نوع معانا وهو النوع التقليدي والغالب في كتابه المذهب
وهو بيتكون من (4) شطرات بتكون الشطره (الاولى و التالته) بقافيه واحده
والشطره (التانيه و الرابعه) بقافيه اخرى

زي مثلا اغنيه ايساف (فضلتك)

فضلتلك على كل الناس . وياما تعبت واستنيت
حلفت اثبت لكل الناس . اني هلاقي لو ضحيت

زي ماحنا شايفين ان الشطره الاولى والشطره التالته اللي باللون الازرق بقافيه واحده وهي (ناس)
والشطره التانيه والرابعه اللي باللون الاحمر بقافيه على وزن واحد وهي (استنيت , ضحيت)

وده رسم توضيحي معانا علشان نوضح اكتر الكلام اللي فوق

_______ , _______
_______ , _______

اللي بالازرق دا الشطر الاول والتالت اللي بقافيه واحده
واللي بالاحمر الشطر التاني والرابع اللي بقافيه اخرى

او مثال تاني زي اغنيه يارا (انت مني)

انا سبتك وانت مني . ندمانه للنهرده
لو حتى غصب عني . مكنش لازم ارضى

_______ , _______
_______ , _______


وممكن النوع دا يزيد شطرتين او اكتر او ينقص شطرتين

يعني مثلا ممكن يزيد شطرتين يعني يبقه (6) شطرات وبكدا هيكون الشطره (الاولى , التالته , الخامسه) قافيتهم متشابهه
والشطره (التانيه , الرابعه , السادسه) قافيتهم متشابهه

وده مثلا زي اغنيه رامي جمال (تعرف)

تعرف بس تجرح قلبي . وتعذبني بيه
انما يوم تحس بجرحي . داللي ملكش فيه
مش هخاف مالبعد همشي . يعني هيجرى ايه

_______ , _______
_______ , _______
_______ , _______


او ممكن زي ماقولنا انه ينقص شطرتين وبكدا هيكون شطرتين بس والشطرتين ليهم نفس القافيه ودا غالبا .. غالبا بيتكتب بيه المذهب


ودا مثلا زي اغنيه تامر حسني الروعه (افتكرلي)

افتكرلي اي حاجه كانت حلوه مني
مش هجرح تاني قلبك حبيبي خلاص سامحني


او فيه نوع كمان شايع جدا برضه
وهو بيتكون من (6) شطرات الشطره (الاولى و التانيه)و(الرابعه و الخامسه) بقافيه واحده (او بقافيه مختلفه) والشطره (التالته و السادسه) بقافيه تانيه

نوضح اكتر بمثال

زي مثلا اغنيه تامر حسني (عرفت اللي فيها)

عرفت اللي فيها , عينيه بان عليها
ياقلبي انه محبنيش
حاجات عيشنا فيها . وعشمني بيها
واخرتها ايه طلعت مفيش

_______ , _______
_______
_______ , _______
_______


او ممكن قافيه الشطره (الاولى و التانيه)و(الرابعه و الخامسه) يكونو بقافيه مختلفه ودا مثلا زي

اغنيه عامر منيب (اوصف ايه)

انا قلبي وروحي ملك ايديك . وعمري بعيشه ليك
لو حتى عني بعيد
ومنايا دايما اكون معاك . دا يوم عن يوم هواك
جوايه عمال بيزيد

_______ , _______
_______
_______ , _______
_______



فيه بقه نوع ودا مختلف شويه وجديد وانا عن نفسي بحبه جدا لان الاغاني اللي اتعملت بيه كلها نجحت جدا لحد دلوقتي وعجبت الناس كلها
النوع دا انا بسميه (sandwich) السندويتش (تعبيري الشخصي)
وهو بيتكون من (4) شطرات بتكون الشطره (الاولى و الرابعه) بقافيه واحده وبينهم الشطره (التانيه و التالته) بقافيه تانيه
زي السندويتش يعني

زي مثلا اغنيه حماقي (مش كنت تتكلم)

مش كنت تتكلم . شايفني بسيب ايديك وبضيع . ناديني وقولي ليه بتبيع . لو غلطه هتعلم
ازاي كدا هنرجع . هوانا معدش زي زمان . وفين يجمعنا تاني مكان . الفرقه دي بتوجع

_______ , _______ , _______ , _______

_______ , _______ , _______ , _______

زي ماشوفنا هو عمل اسلوب السندويتش بس مرتين ورا بعض وممكن الاكتفاء بمره واحده

زي اغنيه اصاله (انا بس بدايق)


انا بس بدايق , علشان بشوف فعنيك , نظره صعبانه عليك , وعليك دا مش لايق


فيه بقه حاجات شواذ زي مثلا وجود شطرتين او اكثر مختلفين وكل شطره من الشطرات يقابلها شطره بنفس قفيتها

زي اغنيه هيثم شاكر (بفكر فيك)

لو كنت حقيقي ناوي . تبعد وتعيش لوحدك . طب كان قلبك يقولي . انك بايع هواك
لو تبعد مين يداوي . كل اللي قسيته منك . وياريت قلبك يقولي . ضيعني ليه معاك

_______ , _______ , _______ , _______

_______ , _______ , _______ , _______

هنا زي ما شوفنا اربع شطرات بقافيات مختلفه بيقابلهم اربع شطرات تانيين كل شطره منهم بتقابل شطره من الشطرات اللي فوق وبتكون بنفس قفيتها


ودي قوالب تانيه مع الامثله والرسم التوضيحي


وبحبك وحشتيني . بحبك وانتي نور عيني . دا وانتي مطلعه عيني
بحبك موت
لفيت قد ايه لفيت . ما لقيت غير فحضنك بيت . وبقولك انا حنيت
بعلو صوت

_______ , _______ , _______
_______
_______ , _______ , _______
_______


قالو ياما ان القمر عالي وبعيد . والملايكه مستحيل تلمسها ايد
وانا الليله ديا . كل دا فاديا . يمكن في الدنيادي اكون انا الوحيد

_______ , _______
___ , ___ , _______


وانا جنبك حبيبي بجد مش عارف اقولك ايه . معاك الوقت بيعدي محسش بيه
واي كلام هيوصف ايه فلحظه بعيشها وانا وياك . كفايه تبقى فحضني وابقى معاك

_______ , _______
_______ , _______


داليوم بيعدي فبعدك عني بالف سنه . بقه خوفي عليك اكتر من خوفي عليا انا
من امته شوف من قد ايه وانا مش انا

_______ , _______ , _______


اخترنا ليه اصعب طريق ومشينا فيه . ليه مدناش انا وانت فرصه لبعض ليه
دلوقتي جي بتقولي نرجع للكان . واحنا اللي كان علشان نصونه عملنا ايه

_______ , _______
_______ , _______



مش هطول عليكو اكتر من كدا في اشكال القوالب لانها كتير جداااااااا زي ماقولنا وكل شويه طبعا بيطلع جديد والدور عليك انت بقه دلوقتي شغل مجموعه اغاني وشوف القوالب بتاعتها وضفها عندك واعمل عليها

ودلوقتي هنبتدي نقول شويه ملاحظات مهمه جدا ياريت ناخد بالنا منها واحنا بنكتب
تابعوناااااا



1- طبعا مهم جدا ان تكون عدد كلمات كل شطره نفس عدد الشطره اللي بنفس قفيتها تقريبا او قريب من العدد علشان تكون موزونه
طبعا برضه هرجع اقول دا مش قانون لان فيه كلمات بتركب على لحن معين ودا طبعا ممكن يزود او ينقص الكلمات على حسب اللحن (دا مثلا يعني)
وممكن يكون الشطرات مش نفس عدد الكلمات بس لما نقراها نحس انها ماشيه مع بعضها ومفيهاش اي كسور


2- في حاجه اسمها كسور في الشعر عموما سواء عامي او فصحى وفي الاغنيه برضه , ايه هي الكسور دي الكسور هي انك تكون كاتب كلام حلو وممكن يكون نفس عدد الكلمات بس تحس انه مش ماشي مع بعضه ومش موزون وانت ممكن تعرف الاغنيه اللي انت كاتبها دي فيها كسور ولا لا عن طريق انك مثلا لو هتشوف الكسور دي في شطرتين ورا بعض هتكتب الشطرتين تحت بعض لازم يكون مقاسهم واحد في الكتابه تقريبا او نفس عدد الكلمات تقريبا برضه بعد ماتكتبهم ابدا اقرا بقه اللي انت كتبته لو حسيت انك بتقراهم عادي والكلام ماشي مع بعضه يبقه مفيش كسور لكن لو حسيت انها تقيله او حسيت ان في كلام بيقف معاك في النص كدا يبقه مش موزونه ومحتاجه تعديل تاني لحد ماتظبط معاك وتحس بنغمه كدا وانت بتقراهم والحكايه دي طبعا بتيجي بالممارسه


3- من المستحب ان الاغنيه تتكتب كلها بقافيات على نفس الوزن يعني تكون قافيه المذهب وقافيه السينيو وقافيه الكوبليهات على وزن واحد
زي مثلا اغنيه تامر (مكنتش مبين) شغلها كدا

هتلاقي دي كلمات القافيه في الاغنيه كلها
قافيه المذهب (تمثيل,سنين)
وقافيه السينيو (كتير)
وقافيه الكوبليهات (كبير,فيه,مكفيه,فيه)

هتلاقي القافيه فكل الاغنيه في المذهب والسينيو والكوبليه مش متطابقه بس على نفس الوزن ودا من المستحب لكن مش شرط


4- لازم ولابد ميكونش المذهب والسينيو والكوبليه مكتوبين بقالب واحد لا لازم التغيير في الاغنيه يعني مثلا نكتب المذهب بقالب ونكتب السينيو بقالب تاني وكذلك الكوبليه بقالب تالت وبكدا يكون في تنويع في الاغنيه

بكدا اكون انتهيت من الشرح



وفي النهايه ارجو تكون الناس كلها استفادت من الموضوع
وسامحوني لو غلط فاي حاجه
مستني تعليقاتكو واللي شايف اي اخطاء في الموضوع أو عنده اي اضافات ياريت يقولها طبعا علشان نستفاد كلنا
9‏/3‏/2012 تم النشر بواسطة kasper_963.
3 من 3
مُساهمةموضوع: تعلم كيفية كتابة الاغانى وكيفية التلحين   الخميس ديسمبر 11, 2008 8:40 pm
طريقة عمل الحان ....

طريقة الغناء .....

ونصائح !!

اخواني لاحظة في الاونه الاخيره كثرة الأسئلة عن طريقة عمل اللحان او طريقة التسجيل

او مالاجهزه المطلوبه عند التسجيل بالاجهزه او اساله كثيييييره


بهذا الموضوع بحاول اجاوب تقريبا عن كل اسالتكم انشاءالله


والسؤال الاول :هو كيف تنسق الكلمات بمعنى كيف توازن الكلمات


نبدا :

عند كتابة كلمات الاغنيه يجب عليك انت تكون بمكان هادى وخالي من الضجيج يعني مافيه اصوات عاليه وجي
لازم يكون عقلك بالموضوع الي تبا تكتبه بالاغينه وعندك فكره عن شو الي تبا تكبته يعني عن الموضوع

و تدش باعماق الموضوع وتفكر بقدر استطاعتك ولاتستعيل عند كتابة اي كلمه او لاتستعيل بالانتهاء من الاغنيه
خذ وقتك شهر شهرين ثلاث شهور سنه قرن المهم تكون الاغنيه على مستوى رفيع

وحاول ان تكون كلماتك متوازنه قدر الاستطاعه وكلام يدش الراس مب كلام هبل

وترا عادي اول اغنيه شي طبيعي بتكون هب حلوه الثانيه احلى والثالثه احلى بوااايد واستويت تطور
وهكذا .



2طريقة عمل اللحان:

واكثر الاعضاء يسالون كيف اللحان > الجواب

تقدر تسوي اللحن بطريقتين

تقدر بالكمبيوتر او بالاجهزه

الكمبيوتر: يوم تلحن بالبرامج شي هب سهل ويباله شوي جهد وتعديل وشغله ولازم لها خبره
ولازم تعليم بسيط اذا انت تريد تتعلم من صدقك

التلحين بالاجهزه في عندكم جهازين يلحنون الاورج و الدي جي خلنا بالاورج اول شي الاورج كلكم تعرفونه من

اشهر الات الموسيقى بالعالم والاورج يستعملونه بالتلحين بالاستديوهات وبكل مكان تقريبا

لانه في انواع دقات مثل الطبول وجي ودقات وااايده وكثييييره

يعني بختصار تقدر تعزف بالاورج اللحان ديرتي درهم او هيل وار او دي ام كيه والباقيين

بس على حسب نوع الاورج في اورج 400 دينار تقريبا كل الدقات يسويها

وفي عندك الارخص بس مب نفس الغالي ترا الغالي يكون يسوي دقات وااايده والي يستعملونه الفنانيين

ويوم تشتري اورج خذ وياه وصله عشان تمد الوصله من الاورج للكمبيوتر ودق تسجيل باي برنامج تسجيل

مثل الجولد ويف و المكس ماستر على سبيل المثال


كلنا نعرف الدي جي ومغنيين الراب على الدي جي

معدات اضافيه وفي من الدي جي يقدر يلحن ويسوي ريمكسات ويلعب بالاغاني ويسرع الصوت ويبطى

ويسوي حركات واايده.





3الاجهزه الذي تحتاج لها اذا تريد تسجل اغانيك باجهزه


طبعا هذي النقطه سويتها لمن يريد يغني راب وبالاجهزه او غير الراب

الجهاز الاول المطلوب دي جي وعلى حسب يعني في دي جي شركات بس احسن شركه نو مارك بوجهة نظري كوني مجرب

وكل مايكون الدي جي مطور واغلى سعره اعرف انه تكون فيه اشياء احلى مثل في دي جي يسوي اللحان و ري مكسات و يلعب بالاغاني واشيااء كثييره وصدى وتسريع الصوت ويبطى الصوت ويغير الصوت واشياااء كثيييره



4 المكسر الجهاز الثاني المطلوب بالتسجيل ايضا:



والجهاز الثاني الي لازم تستخدمه والاهم في التسجيل المكسر



وفي مكسرات حق الاستديوهات بس يكون سعرها حوالي 3000 آلاف او 2500 دينار


واي واحد من الاخوان يشتري مكسر انصحه ياخذ مكسر عليه صدى يعني تروم تسوي صدى

ترا المكسر الصغير فيه يمكن فوق 100 صوت صدى مختلف وبعضهم مافي وفي مكسرات تكون ويا سماعه يعني مكسر بسماعه

اثنين بواحد ويا بعض لاكن على حسب الي بيغنون وياك يعني بيغي وياك عشره خذ مكسر يركب
عليه عشر مايكات او خذ 14 بس طبعا بيرتفع سعره بس انت زود اثنين او ثلاثه لو حد دش قروبكم

والمكسر يستوي تركب منه وصل من الكيتار لين السماعه وتدق يطلع الصوت من السماعه قوي

وتروم بالمكسر تسوي صدى وصح احسن لو تلحن وياك مكسر يكون شغلك ممتاز .


5 هذي الخطوه الخامسه

وهي كيف تغني البعض يقول عندك لحن وكلمات ومايك وبرنامج تسجيل شو تتريا

بس انا اي واحد يقول جي ماوفقه الرآي

لانه لازم تكون عندك خبره حتى يوم تغني بصوتك

تغني بمكان هادي مافيه اصوات يعني بحجره ومسكر الباب

يوم تغني لاتحرك عمرك او تحرك المايك يعني لاتزخ المايك بايدك وتحركه يمين يسار تقول بمسرح

تسمع الدقه يعني اللحن بسماعة الاذن وتغني بالمايك وانصح كل واحد يشتري المايك الي يكون وااقف
بو دينار.

حاول يوم تغني تمشي ويا الدقه لاتبطي وبعدين تسرع خلك بسرعه وحده ويا الدقه بالظبط

ولا تسكت عن اي غلطه بالاغنيه وحاول توضح نطقك وكلامتك وباسلوب يستطيع المستمع فهمك بسهوله


يوم تسجل وبعدين يوم تلعب بالجولد ويف سرع اللحن بهذا المقطع الي تبي تسرع فيه صوتك يعني تسوي حركه



6 المؤثرات الصويته بالاغنيه:

اظن كل واحد فينا يعرف شو المؤثرات الي هي اصوات طلقات رصاص وانفجارات وجي

المؤثرات يوم تغني مطلوبه لانه تسوي لك شكل حلو بالاغنيه وفي منهم من يستعمل المؤثرات الصوتيه

بالاغاني كاسلؤب اجرامي يعني يغني وصوت دورييه وطلقات رصاص وقلاصات تتكسر هذا الاسلؤب الاجرامي

واي واحد يضحك ضحكه بالاغنيه لازم يسوي لها صدى او يغير الصوت يعني يسرع وبرعه يبطي جي مب ضحكه بصوت طبيعي

ترا كل العالم جي يسوي وشوفو كيف كله ضحكات عجيييبه


وطلقات ومؤثرات رهييييبه

يعني هذا كله ببرامج المؤثرات وسهل مره استخدامه


ومن مييزات البرنامج الجميل:

يعطي عشرات الخيارات لكل نوع من المؤثرات الصويته

ويعطي المؤثر حقه الزمني الكافي لاشباع الحاجه عند المستخدم

يمكنك من انشاء نغمات والمؤثرات الصوتيه حسب الحاجه

يعطي فرصة اللتعديل و التطوير على المؤثر المختار حسب الحاجه

يمتاز بسرعة وسهولة بعرض المؤثر والمراد تجربته فورا

يمكنك انشاء النوتات الموسيقيه وتطويرها


يحاتجه المتخصصون واصحاب الاستديوهات وعامة الناس





نصائح:

تبا تكون مغني تكسب الجمهور غني ولاتمدح عمرك واايد بالاغاني وبدون سب

تبا شغلك يكون 100%انصحك بالاجهزه

غني اول اغنيه وثاني اغنيه وكم من اغاني وبعدين نزل اللبوم

حاول تخلي كل اللحان اللحانك

وسوي كل الكلام الي قلت لك ياه

وجوف احسن اللحن راكب على كلماتك واغنيتك

وجوف موضوع حلو يعني مثل غني عن اي سياره يحبونها الناس او تحبها

ترا تشتهر اغاني السيارات وااايد

غني باسلؤب مفهوم يعني سرييييع مره ولا بطي عادي ويكون عجييب
9‏/3‏/2012 تم النشر بواسطة kasper_963.
قد يهمك أيضًا
ما معانى كلمات أغنية محمد منير؟
كلمات أغنية أنا بحبك يا بلدى الأصلية من فيلم العمر لحظة
أريدُ أغنية شاطر جحشاطر لنانسي عجرم ولكن بدون موسيقى؟
ماهي اكثر أغنية تفضلينها لعمرو دياب ؟
ما اول اغنيه لجاستن بيبر ؟
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة