الرئيسية > السؤال
السؤال
كيف يصنع الكيك؟
وصفات الطعام 5‏/9‏/2009 تم النشر بواسطة إجابات.
الإجابات
1 من 2
المقادير
3 كوب الا ربع دقيق ابيض منخول مرتين
2 كوب سكر
كوب الا ربع زيت
5 بيضات
فانيليا
كيس بودر =معلقتين كبار بودر (ننخلهم على الدقيق)
السر بقى زجاجة فانتا او سبرايت
الطريقة
1_فى الخلاط او بالمضرب الكهربي نضرب البيض+السكر+الفانيليا كويس جدا حوالى 10 دقايق
2-نضيف الزيت على الخليط ونضربه لحد ما يختلطوا ببعض كويس
3-فى وعاء نصب الخليط ونضيف الدقيق كوباية كوباية مع التقليب بمعلقه فى اتجاه واحد وما ننساش نضيف البودر المنخول
4-نضيف الفانتا ونقلب لحد ما الخليط يتجانس
5 -ندهن صينية خفيف اوى بالسمن او الزيت ونرش فيها دقيق وبعدين نقلبها و نخبط عليها كده علشان الدقيق الزياده يقع
6- نصب فيها الخليط بحيث يبقى واصل نص الصينية او اعلى شوية صغيرين
7 -نولع الفرن من فوق ومن تحت شوية لحد ما يسخن وبعدين نهدى النار على اد ما نقدر وندخلها فى الوسط ونسيبها وما نفتحش عليها ابدا قبل نص ساعه
8-نختبر اذا كانت استوت ولا لا نغرس فيها سكينة او عود خشب ولو طلع فيه خليط يبقى لسه محتاجه تستوى نسيبها تكمل سوا ولو طلع نضيف يبقى خلاص تمام كده
9- نطفى الفرن ونسيبها جواه لحد ما تبرد علشان لو طلعناها من هوا سخن لهوا بارد بتهبط
10 -ممكن نقطعها وتتاكل كده وممكن نزوقها بكريمة او شوكولاته وفاكهه حسب ما نحب
11- اللى يحبها كيكة بالشوكولاته نفس الخطوات اللى فوق بالضبط ويشيل ربع كوبايه دقيق ويحط بدلهم ربع كوب شوكولاته بودرة منخوله
5‏/9‏/2009 تم النشر بواسطة om_omarr.
2 من 2
من الدقيق و البيض و اللبن
و السكر و الزيت او السمن
9‏/9‏/2009 تم النشر بواسطة ام الاولاد.
قد يهمك أيضًا
ما طريقة عمل الكيك؟
كيف اعمل الكيك الاسفنجي
شركات متخصصة بصناعة خلطات الكيك ومحسنات الخبز
ماهي أحسن كيكة عندك؟؟؟؟
طريقة تحضير الكب كيك
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة