الرئيسية > السؤال
السؤال
أنا مصرى وأول مرة أعرف ان هناك لغة مصرية تختلف عن اللغة العربية وهى صعبة جدا ؟؟؟؟
موضوع مهم جدا
****************

المَصري (اللغة المصرية الحديثة) هى اللغة اللي المصريين بيتكلّموها في مصر,[1] ابتدا تاريخها في دلتا النيل حوالين بلادها الحضرية زي القاهرة وإسكندرية.[1] النهارده اللغة المصرى هي اللغه السايدة في مصر و بيتكلّمها معظم سكّانها. اللغه المصريه الحديثه هى لغه معترف بيها. كود اللغة بالنسبة لقانون المنظمه الدولية للتوحيد القياسى (ايزو 639), هو arz.

المصرى لغه ماخدتش نصيبها من الكتابة, بس ساعات بيتكتب بيها في الروايات, و المسرحيات, و القصايد (الثقافة "العامية") و كمان في مجلات ورسوم الكاركاتير و الاعلانات, و شوية جرانيل، وأخيراً في كتب إنكتبت بـ اللغة المصري الحديثة[2]. أكتريـّة طرُق الإعلام المكتوبة و أخبار التليڤيزيون بتبقى بـ العربي الكلاسيكي بعد تطويرهُ و تعديلهُ. دلوقتي بقى فيه شويِّة قنوات بتستعمل "المصري" بدل "العربي في الاخبار, زي قناة "او تي ڤي". ‏المصرى دلوقتي كمان ببتكتب بيه شعارات الحزب الوطنى الديمقراطى فى مصر [3].

اللغة المصرية الحديثة هى اللغة الأُم لـ 76 مليون مصرى و هى في الحقيقة لغة مستقله من أصل «حامي» (افريقي) وهى إمتداد لـ حروف اللغات المصرية القديمة و ليها قواعد مختلفة عن قواعد اللغة العربي, في تركيب الجمل, وتصريف الكلمات [4] و أخدت مفردات كتير من اللغة العربي و كمان من لغات تانية زي اللغة القبطى (لغة المصريين قبل حكم العرب لمصر)[5] و التركى و الانجليزى و الفرنساوى. اللغة المصري الحديثة بيتكلمها اكتر من 76 مليون واحد [1] في مصر و بيفهمها كويس سكان البلاد اللي حوالين مصر. بسبب إنتشار المسلسلات و الأفلام و الأغاني المصرية. و المصري لغة ليها لهجات و من أكبر اللهجات دي البحيري و الصعيدي و كل واحدة فيهم ممكن تتقسم لـ لهجات فرعية تانية و فيه مجهودات علشان يبقا للمصرى قاموس[6]. اللغة المصرية بتتكتب بالابجدية العربية في أغلب الأوقات, بس كمان فيه دعوات من وقت للتانى لـ كتابتها بـ الحروف اللاتيني او بالحروف القبطى.

المحتويات [تخبية]
1 التوزيع الجغرافى
2 التاريخ
3 الحالة الرسمية
4 "لهجة" ولا "لغة"؟
5 تأثير لغات تانية
5.1 اللغة المصرية القديمة
5.2 الإيطالي
5.3 التركي
5.4 الفارسى
5.5 الفرنساوي
6 كتابة اللغة المصري
7 من قواعد اللغه المصري
8 الحروف الأبجديّة اللي بينطقها المصريين بـ طريقة مختلفة
9 شوية مصطلحات مصرية
10 شعرا
11 مراجع
12 لينكات ليها علاقه


العالم العربى | جوجل | مصر 5‏/3‏/2010 تم النشر بواسطة بدون اسم.
الإجابات
1 من 9
بعشق لهجتنا المصريه بعتز بيها
5‏/3‏/2010 تم النشر بواسطة بدون اسم.
2 من 9
ولاء انتي اخر واحده تتكلمي عن اللغة العربية
انا عندما وجدت قناة  otv تتحدث بالعامية في نشراتها وبرامجها
قمت بمسحها من قنوات جهاز استقبالي
ايعقل ان نمتلك اللغة العربية ونقوم بتبديلها بسهولة
5‏/3‏/2010 تم النشر بواسطة بدون اسم.
3 من 9
اللغة العربية غير اللغة المصرية
دي لغة ودي لغة تانية
ولكل لغة أدبها وتاريخها
وكل لغة لازم تاخد حقها من العناية والتدوين والدراسة
ليه كل حاجة لازم تبقي صراع ؟؟
5‏/3‏/2010 تم النشر بواسطة بدون اسم.
4 من 9
ما فيش احسن من اللغة الفصحى اللهجة دى بتاعة الجهلة
5‏/3‏/2010 تم النشر بواسطة بدون اسم.
5 من 9
ماتخديش فـ بالك احنا كدا بنتكلم عربي ... زي كل الوطن العربي ... كل دولة ليها لهجة مختلفة ... و في النهاية كلهم بيتكلمو عربي ... ههههههههه جت علينا ؟!
5‏/3‏/2010 تم النشر بواسطة rouge.m177 (roses dew).
6 من 9
بعد قراءة كامل الموضوع ..
ههههههههههههههه والله صح .. معاكى حق .. دي اصعب من الفرنساوي والالمانى و الاسبانى حتى !
5‏/3‏/2010 تم النشر بواسطة rouge.m177 (roses dew).
7 من 9
ايه معنا
فرنجخانه
عندكم
6‏/3‏/2010 تم النشر بواسطة mohammad200909 (muhamad almutiry).
8 من 9
يا دعات تقسيم الصفوف العربي أكثر فأكثر ألا تعقلون .

كل منطقة عربية لها لهجة و كل دولة عربية لها لهجة و كل مدينة عربية لها لهجة و كل بيت عربي له لهجة .

بل كل شخص في العالم له طريقة خاصة في الكلام و ترتيبات معينة في إنتقاء الكلمات .

فما رأيك بأن نعمل 300 مليون لغة لن يعترف بها أحد في العالم ؟

أنظر للاتحاد الأوروبي كل دولة بلغة لكن لا فرق .

و قد يختلف العرب في كلمات و لك هذه الكلمات تكون مفهومة للسامع إلا في بعض اللهجات المغاربية .

مثل أهل الخليج يقولون : أيش تبغى , و أصلها أي شأن مبغاك

و أهل الشام يقولون : أيش بدك أو شو بدك و أصلها أي شأن توده

و أهل مصر يقولون : أيه عايز و أصلها أي هي حاجتك

كما نرى تحريف كبير في الكلمات الفصحى و لكنها تعود لأصل عربي " مختصر " .
7‏/3‏/2010 تم النشر بواسطة بدون اسم.
9 من 9
احسن لغة العربية لغتنا الحبييبة ولله انا احب لغة العربية كثير واتمنا لها كل خير وتطوي
7‏/3‏/2010 تم النشر بواسطة مسلم وفقط (ابو عبد لله حذيفة).
قد يهمك أيضًا
هل اللغة أو اللهجة لها علاقة بالإبداع والإبتكار ؟ وماذا بخصوص اللهجة المصرية ؟
ماهي اللغه الاشوريه؟؟!!
اللهجة التي تفضلهـآ..
ما هي اللغة التي تتكلم بكل اللغات؟!!
اللغة العربية تسمى لغة : ........
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة