الرئيسية > السؤال
السؤال
كيف تصطادين عريساً ؟
نصيحة لكل فتاة
كيف تصطادين عريساً
وتحافظي عليه
حتى كتب الكتاب.

بصوا يابنات:

*لو جالك عريس متقوليش لحد من صحباتك
الحاجات دي بتتنظر وأنتي عارفه البنات عينيها وحشة
*لو واحدة من صحباتك جبتلك عريس إوعي تشوفيه أو توافقي عليه
لوكان عدل كانت خدته هي!
*هتقولي طب لو متجوزة
أقولك هتبقي عاوزاكي تاخدي واحد أقل من المنيل جوزها

*متفضحيش الدنيا أما يجيلك عريس أصبري شوية لما تمسكيه كويس
هتسيّحي لنفسك ع الفاضي وتتحسب عليكي خطوبة

*في أول مقابله لو لاقيتيه بيبص ف ساعته
..قاعد مش على بعضه..
وشه إتخطف وبان عليه خيبة الأمل
إعرفي إنك معجبتيهوش ..
إسبقي إنتي وقولي إنك رافضاه
متخليش واحد زي ده يقول أنه مش عاوزك

*متزعليش عليه ولا على غيره.
الرجالة زي الأتوبيسات واحد عدّى التاني جاي وراه


*لو معجبتيش أكتر من واحد إوعي تحسي بالإحباط
بكرة هيجي سيد سيدهم لحد عندك
إلا ما كان واحد..فيهم عدل

*مهما كنتي وحشة متقلقيش فيه اللي أوحش منك وإتجوزوا
الحمد لله الخطوبة تمت على خير
لولولوىىىىىىى
نيجى للى بعدهـا
*بصي ..عذبيه..طلعى عينه..بالأختصار : دوخيه
الراجل يحب يلعب دور الصياد
(من ايام الكهف بعيد عنكم ما أتغيرش)
البنت السهلة يدوبك يفكر فيها يومين ويدور على غيرها

*إوعي تقوليله بحبك أو عينيك عجباني
الراجل ميحبش كده أبدا

*إوعي تروحي ميعاده قبله
حاولي تتلكعي تروحي بعده بربع ساعه أو نص ساعه
الراجل لو إستناكي هيتعلق بيكي أكتر

*لو سألك عرفتي حد قبلي قوليله لا
حتى لو كنت مصاحبة رجالة مصر القديمة والجديدة

*لو حاول يوقعك ويقولك بحب الصراحه وكده،
برضه خليكي ناصحه
أنت عمرك ما عرفتي راجل غير باباكي طبعا

*هيقولك هسامحك وده ماضي
متصدقيش برضه الرجاله قلبهم أسود
وهيمسكها لك ذله العمر كله

*إحترمي أهلك متغلطيش فيهم قدامه

حتى لو كانوا بيئة وربش وحووشّ كمان!
علشان ميتجرأشي عليكي وعليهم
هيقول إذا كان أهلها بتعمل معاهم كده
هتعمل معايا ايه؟
هيعملك فيها مصلح اجتماعي حضرتة ويعيش عليكى !

*بلاش زن ورنات تليفونات ورسايل حب وهيام دول عالم ....
مش هيقدّر الحاجات دي
هيتغّر ويفتكر نفسه أحمد عز
وهو زي ما إنتي شايفاه قومي بصي لصورته ع الموبايل

*خليكي زي فوزية إوعي يمسك إيديكي
هيطمع فيكي ويفتكرك واحدة من إياهم
يرضيكي واحد ملوش لازمة زي ده يفتكرك واحده من إياهم!
*هيضغط عليكي باسم الحب
بأسم العواطف
بأسم أنكم في حكم المتجوزين
بأسم انتى مش واثقة فيا!!
إنك تروحي الشقه معاه

روحي!!!!
بس المرة الجاية مش هيبقي لوحده هيجيب معاه أصحابه انتى حرة انا نبهتك

*سيبيه يرغي براحته
وعدي الفشر اللي هيفشره عن البنات اللي دايبين في دباديب سيادته
إعملي إنك مصدقاه
مع أنك عارفه إنك لولا خايفة لا تبقي عانس مكنتش قبلتي بواحد زيه

*خليكي دايما في أحسن صورة
هيقولك بحبك تكوني على طبيعتك
بحبك من غير ماكياج أوعى تعملى كده
لأنه بيتلاءم عليكي عاوز يعرف أنتي حلوة فعلا وإلا دي بويه ..
خليه على عماه
احنا ما صدقنا وقعناه!
******************************************
*******
لحد هنا وخلص الموضوع الأصلى
وانا بسألكم
ايه رأيكم فى الكلام دا؟
هل الزواج قسمة ونصيب فقط
ولا قسمة ونصيب وتخطيط ؟
الزواج | المرأة | المنتديات | الإسلام 20‏/1‏/2010 تم النشر بواسطة RAMY916.
الإجابات
1 من 64
وأيضاً التقوى والدين والإلتزام والخلق الحسن والحياء والعفة والزي المحتشم والصوت الخافت والهادىء
20‏/1‏/2010 تم النشر بواسطة مروان نبيل.
2 من 64
من وين هالنصائح العجيبة هاي؟؟
الزواج أرزاق وما هو شطارة من أحد ونحن مخيرين في القبول أوالرفض لنحاسب على هذا الإختيار والدعاء وطلب المعونة من الله عز وجل للتوفيق بين الزوجين والمخطوبين هو الأساس والله ولي التوفيق
وربنا يرزق كل فتاة وشاب الزوج والزوجة الصالحة آمين .
20‏/1‏/2010 تم النشر بواسطة شكيب غطاس (عابر سبيل).
3 من 64
مراقبته مع سبق الاصرار و الترصد ... بنية الزواج
21‏/1‏/2010 تم النشر بواسطة hasanalsheikh (حسـن الشيـخ).
4 من 64
والله كلامك عنب والكلام ده جامد بجد عشان الرجاله دلوقتى زى الاتبوسات واحد عدا التانى جاى وراه
12‏/8‏/2010 تم النشر بواسطة بدون اسم.
5 من 64
نصائح تافهة الرجالة زي الأتوبيسات صحيح لكن البنات زي الركاب دي يطلعها الأتوبيس و د] ينزلها هههههههههههههه
البنات أكثر بكثير من الأتوبيسات اللى تشتغل عشان العطلانة ما تتحسبش
الزواج نصيب قال رسول الله
يا معشر الشباب من استطاع منكم الباءة فليتزوج
فيا ريت البنات ما تتشرطش على الشكل والأ الفلوس و ترضى بالنصيب و ساعتها مش حالتلاقو عنوسة
27‏/8‏/2010 تم النشر بواسطة بدون اسم.
6 من 64
دمك زى السكر
5‏/9‏/2010 تم النشر بواسطة هداااا.
7 من 64
عندك حق والله ياختي الزواج فعلااااااااااااا قسمه ونصيب وتخطيط

ولو حد عارض على الكلام ده يبقى........... راجل عايز يلغي الحقيقه

بس فعلا ده حقيقه مش هزار والله ياختي

فيه ناس بتقول ان البنت ماتتشرطش عشان العنوسه

لا ... لا .......لا ........اوعي ماتتشرطيش ...لا اتشرطي زي مانتي عايزه عشان بعد كده صدقيني

هيقولوا عليكي انك معيوبه عشان كده اتساهلتي والله العظيم يا بنات هو ده اللي بيحصل وحصل معايا انا شخصيا وقالوا عليا كده مع اني مش معيوبه ولا حاجه

يا بنات الواحده كل ماغلي مهرها وشبكتها كل ماغلت قيمتها وكرامتها

للاسف انا صدقت الناس اللي قالوا ان البنت ماتتشرطش عشان العيشه غاليه واللازي منه

لكن للاسف هي دي اخرتها قالوا ان الواحده لما تتنازل عن حاجه او تتساهل في حاجه تبقى معيوبه
وهي بتتساهل عشان تتجوز وخلاص

اوعوا يابنات ترموا ودانكوا للكلام التافه السخيف اللي بيتقال

واهم شئ يبقى عندكم مبدا تمشوا عليه طول حياتكم بس اهم حاجه يكون صح ويكون بتفكير منطقي وسليم نابع من العقل واوعوا تحطوا القلب في التفكير الا لحاجه واحده بس

وهي انكم تكونوا مرتاحين للشخص المتقدم بس ماتتنازلوش عن حاجه

واهم مافي الموضوع كله   تحاليل الزواج    تحاليل الزواج   ثم تحاليل الزواج

ولو حد قالكم دي حاجات روتينيه ومالهاش لازمه اوعوا تسمعوا الكلام ده لا بيودي ولا بيجيب

انا نبهتكم .... اللهم قد بلغت اللهم فاشهد
17‏/9‏/2010 تم النشر بواسطة limonaa.
8 من 64
لا نصايحك جااااااااااااااااااااااااااااااامدة موت وكلها مظبوطة جدا جدا
والزواج بتخطيط او من غير هو فى الاخر قسمة ونصيب
19‏/9‏/2010 تم النشر بواسطة بدون اسم.
9 من 64
ياجماعه بدون تضيع للوقت والفلوس والقرف اللى بنشوفه من المصريات والصوت العالى والفرعنه والفلوس  اللى حتصرفها قبل وبعد الجواز وفى الاخر حتبقى على الحديده و محاكم وطلاق وطفل مالهوش ذنب و مصيره التشريد... ده غير انك ممكن تكون طافح الدم فى الشغل طول النهار علشان تجبلها تاكل وهيا بتخونك مع راجل تانى  ...اتجوز صينيه وريح دماغك او انشاله يابانيه ولا حتى روسيه مالهم البنات الاجانب اللى بيدرسوا فى الازهر زى الفل ومش عايزين حاجه الا راجل يحميهم وبيت يكونوا اسره مسلمه وبيحترموا اجوازهم احترام غير عادى لانهم الزوج عندهم مقدس ولاعايزين فلوس وعربيه ولا زفت وبيسمعوا كلام الرسول عليه الصلاه والسلام (لما كان السجود لله لآمرت المرأه ان تسجد لزوجها) وسلملى على المصريه اللى جبروتها 1000% (إن كيدهن عظيم) مصريه .....لا ....اياكم والمصريه فى هذا الزمان ....ولا فرق بين عربى عن اعجمى الا بالتقوى....وعليك وعلى بنات الازهر الاجانب ....جمال ودين وصبر وإخلاص بنسب متساويه وهو المطلوب لدى الشاب المصرى
21‏/9‏/2010 تم النشر بواسطة عبدالله حسن.
10 من 64
اي بنت دلوقتي لو ما مسكتش في العريس مش ههتجوز عشان النسبه دلوقتي بقت 6 الي 1 يعني كل راجل ليه ست بنات  انتو ما شفتوش مسلسل عايزه اتجوز ولا ايه
25‏/9‏/2010 تم النشر بواسطة بدون اسم.
11 من 64
الجواز اسم ونصيب وكل شيء قضاء وقدر ومكتوب من عند الله عز و جل
26‏/9‏/2010 تم النشر بواسطة imilita.
12 من 64
أعتقد أنه الزواج قسمة ونصيب في النهاية

شكراً لكم
27‏/9‏/2010 تم النشر بواسطة مهندس بشري (Ahmad Jodallah).
13 من 64
أعتقد أنه الزواج قسمة ونصيب في النهاية

شكراً لكم

http://www.sama7b.com‏
27‏/9‏/2010 تم النشر بواسطة مهندس بشري (Ahmad Jodallah).
14 من 64
انا عايزة نسخة من كتاب كيــف تصطادين عريسا ؟؟؟؟؟؟
1‏/10‏/2010 تم النشر بواسطة sossi.
15 من 64
قبل ما نتشرط احنا
انتو يا شباب لا تتفلسفون وتتشرطون تبون حورية مالت عليكم وعلى طوايفكم
ما شفتو انفسكم قبل لا تتشرطون
وان اخذتو جميلة تعذبونها
والمرأة عندكم زي الآلة
لبطنك وشهوتك
لا تشكرونها ولا تقدرونها وفوق هذا كله تعيبونها
مالت عليكم سبع طوف
15‏/10‏/2010 تم النشر بواسطة بدون اسم.
16 من 64
ايه الكلام دة بس دة كده اسمو خداع مش صيد وبالتأكيد بعد الجواز كل واحد حيبان على حقيقتو وحينتهى بيهم الحال للطلاق وفى الأخر هى حتتمنى ترجع تانى عانس زى ماكانت طبعاً .. الموضوع ارزاق ولو حد عمل بالكلام المكتوب دة يبقى بيتعب نفسو على الفاضى
20‏/10‏/2010 تم النشر بواسطة بدون اسم.
17 من 64
الأخ المحترم عبد الله حسن اللي واضح من كلامة عن الأجنبيات إن عنده عقدة نقص و شعور  بأنه ينتمي إلى جنسية أدنى من جنسياتهم و ده موجود في رجال مصريين كتير جدا إلا من رحم ربي و واضح انه نسي الرجل المصري و عيوبه الي متتعدش إلا من رحم ربي أما بالنسبة للخيانة فدي خصلة موجودة على حد سواء في الرجل أو المرأة من ذوي الوازع الديني المنعدم بصرف النظر عن جنسيته أو جنسيتها أيا كانت فمتجيش بكل ظلم و افتراء تلزق الخيانة في المرأة المصرية في كلمتين تكتبهملنا عالنت و تطلع تجري و الجبروت برضو سمعناه و عرفناه في رجال مصريين و غير مصريين كتير ضرب و إهانة و شتايم و تيتيم عيال و سرقة فلوس و نصب على أملاك الزوجة و شرب خمر و مخدرات و اصدقاء سوء و إهمال و تنصل من المسؤوليات و استيلاء على راتب الزوجة بالغصب (بالمناسبة دي أحب انوه على ان رجال مصريين كتير جدا بيشترطوا في الجواز ان العروسة تكون موظفة لأنه حاطط عينه على راتبها من قبل ما يشوف وشها و بصراحة مشفناش الشرط ده أبدا من أي عريس في الدنيا غير العريس المصري لإنه هو اللي ابتدع الموضوع ده و هو اللي اخترعه) و  يا ريت الأنسان ينتقد نفسه الأول قبل ما ينتقد الغير و اذا كنت يا سيدي اتجوزت واحدة اكتشفت بعد كده انها بجبروت و خاينة فده من اختيارك المدهول من الأول لأن واضح من كلامك انك مبتعرفش تختار و بعدين ايه علاقة حديث السجود بالمرأة المصرية (حاجة تضحك و الله) ده انت حتى مش حافظ الحديث و مش عارف تقوله من أساسه و عايز تتجوز واحدة من الأزهر يا شيخ روح و بعدين فرقت ايه الأجنبية اللي من الأزهر من المصرية اللي من الأزهر إلا إذا كان فيه فعلا عقدة نقص مش فاهمين حاجة عجيبة و الله ربنا يهدي.
27‏/10‏/2010 تم النشر بواسطة بدون اسم.
18 من 64
يمشي الاثنين بس بجد انتي زي العسل
30‏/10‏/2010 تم النشر بواسطة sweety949.
19 من 64
لا هو قسمة ونصيب وتخطيط عندك حق  فى كل كلمة
4‏/11‏/2010 تم النشر بواسطة بدون اسم.
20 من 64
ده تخطيط وتخطيط وتخطيط هههههههههههههههه بس يارب بس يجيب نتيجه
12‏/11‏/2010 تم النشر بواسطة بدون اسم.
21 من 64
هو مش تخطيط طبعا ممكن نسميها تعزيز  يعني لما الوحده تعزز نفسها ده كويس ليها لكن في بعض الرجاله مبيحبوش نوعية الاخت اللي كتبه الماقوله لان   المعاير في الزوجه الصالحه هيه مدي صلحها لزوجها  يعني زي ما قالت ستنا حواء لسيدنا ادم انا سكنك   والايه بردو وخلقنا لكم ازوجا من انفسكم لتسكنو اليهم وجعلنا بينكم مودة ورحمه والسكون هو الهدوء والاطمئنان  مش شعوطيه  وأتأخري عليه
12‏/11‏/2010 تم النشر بواسطة karim01.
22 من 64
عسل عسل عسل ايه الحلاوه دى 0000فيه واحده ذيها للرجاله ارجوك علشان شكلنا بقى وحش 000
20‏/11‏/2010 تم النشر بواسطة elbasha20003 (محمد احمد (مصرى جدا)).
23 من 64
كل واحد بيتكلم من وجهه نظره الشخصيه او بسبب تجربه خاضها لكن الاصح اننا نقول ان الزمن ده مفيش فيه حب لان الحب بقى للماده مش للشخص ومفيش حد بيختار بأسس سليمه علشان كده حالات الطلاق فى زياده لان كل طرف فاكر ان الزواج جنه بلا مسئوليه ولا مشاكل وكل واحد بيرمى المسئوليه على التانى
24‏/11‏/2010 تم النشر بواسطة بدون اسم.
24 من 64
علا عبد الصبور هه
27‏/11‏/2010 تم النشر بواسطة randahanah.
25 من 64
يا استاذ  عبدالله حسن انت عايز بنات الازهر الاجانب هما المصريات خاينين امال الرجالة تبقي ايه عالعموم شكرا علي غلطك في البنات المصريات وكل واحد يخليه في نفسه احسن
3‏/12‏/2010 تم النشر بواسطة بدون اسم.
26 من 64
أظن ان صاحبة المقالة وكل من يوافقها يبحثون عن شخص ليس عنده كرامة ولا أى مبدأ
يتركونه ينتظر بالنصف ساعة ويظنون انه سيحبها اكثر
ما هذا الهراء
أنا لو تعرضت لهذا الموقف فسوف أعيد النظر فيها على الفور فهى لا تحترمنى فى فترة الخطوبة فكيف ستحترمنى طوال العمر
وبالنسبة للمكياج فأطمئنى
فأنا شخصيا لا أفضل ان اتزوج واحدة بمكياج
وحتى لو نزعته من أجلى فلا اريدها
فهى من البداية لم تحترم دينها وتريد ان تتباهى أمام الشباب ببعض المكياج حتى يلتهمونها بعيونهم فكيف لى ان أجعل مثل هذه زوجة لى فهل انا اريد زوجة لى وحدى أم زوجة لتفرج عليها كل من هب ودب
وخليها تغالى فى نفسها وتستغل زوجها اذا كان حاله رقيق
خليها تخليه يشتغل ليل ونهار زى الأله علشان يوفى لها طلباته حتى تكون غالية عليه
خليه ياخد واحدة بتنظر له على انه أقل منها فهل هذا سيكون رجل شرقى له كرامة
لا حول ولا قوة الا بالله
جه الزمن اللى شفنا فيه الحريم عايزين يحكمو رجالهم
لا حول ولا قوة الا بالله
انتم عقابكم الوحيد ان تعنسو مثل ما قال الأخ عبد الله فأنا اؤيده فى كل كلمه قاللها
عقابكم الوحيد ان يتزوج الرجال من أجنبيات
وخليكم بتفكيركم المريض
3‏/12‏/2010 تم النشر بواسطة rayan84.
27 من 64
الزواج قسمة ونصيب
التقل كمان حلو على الرجال خاصة أول لقاء
بحب الرجال البنت القوية
3‏/12‏/2010 تم النشر بواسطة بدون اسم.
28 من 64
وتخطيط طبعا
4‏/12‏/2010 تم النشر بواسطة مصطفي ادم.
29 من 64
على فكرة حضرتك غلطانة والجواز الى يبتدى بالكدب اخرته طلاق (الكدب ملوش رجلين ) وده للاسف طبع البنات (الكدب زيك يا كدابة) وتعليقى على النقطة السخيفة دى
*لو سألك عرفتي حد قبلي قوليله لا
حتى لو كنت مصاحبة رجالة مصر القديمة والجديدة

*لو حاول يوقعك ويقولك بحب الصراحه وكده،
برضه خليكي ناصحه
أنت عمرك ما عرفتي راجل غير باباكي طبعا
5‏/12‏/2010 تم النشر بواسطة محمد هيكتور.
30 من 64
ههههههههههههههههههههههههههه مع انه الكلام مزبوططط بس والله والله انه بضحككك
11‏/12‏/2010 تم النشر بواسطة انا بدون اسمي.
31 من 64
مش المقصود بالضبط الكدب بس انك تريحي اللي قدامك يعني تجاوبي الإجابة اللي تريحه(عامل الناس بما تحب أن يعاملوك به)
11‏/12‏/2010 تم النشر بواسطة eng shimo.
32 من 64
قسمة ونصيب فقط
28‏/12‏/2010 تم النشر بواسطة بدون اسم.
33 من 64
قسمة و نصيب و تخطيط
31‏/12‏/2010 تم النشر بواسطة WO1F (Ahmed Hussein).
34 من 64
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
والله الموضوع ده عجيب لازم كل و اى بنت تتدخل وتشوف وتتعلم
اصل انا ماما الايام دى شغالة لى الخطوبة الناس
هتمى20 سنة اتخطبى قبل 20 شكلها حلو
حاجةزفت
على ايه اصل الولاد عملين كدة دول من غيرنا ولا حاجة
باى بقا لحسن اغلط فيهم ومش حدي خبط على الباب البيت
3‏/1‏/2011 تم النشر بواسطة romantic.. (romantic Gairl).
35 من 64
انا اعترض معاكى اختى فى كلامك
لازم الجواز يبنى على الصراحه والصدق لانك لازم تتأكدى ان كل انسان ملتزم بدينه وعارفه يقول الصدق منجى مهما كانت العواقب
لابد ان يكون بين الطرفين ضمير لدوام حياتهم سويا بشكل ينهض به المجتمع ولا عاجبك كده حال الاسر المصريه بيت مهدم وعدم ثقه واطفال معقده لو ده الجواز اللى بتحلمى بيه صدقينى العنوسه افضل
المشكله ان كل الشباب اصبح يعتقد ان جميع الفتيات غير صادقات لكن احب اوجه رساله للشباب مش كل الفتيات ممن تظنون منحرفات
كما هو الحال مثل الشباب تماما ليس كل الشبان منحرفين لكن اعلم اخى ان الجواز ما زال قسمه ونصيب فتخير ذات الدين
اما بالنسبه الاخ صاحب فكرة ان المصريه لا تجوز اقوله لو عممنا القاعده يبقى المصرى كمان لااااااااااا
لكن هذا الكلام لا يمكن تعميمه لان لكل قاعده شواز
شكرا للمتابعه وربنا يوفق الجميع
8‏/1‏/2011 تم النشر بواسطة بدون اسم.
36 من 64
اية محمد والله كلامك صح بس برده فى اساس هو الادب والاخلاق والسيرة الحسنة ولا ايه
18‏/1‏/2011 تم النشر بواسطة بدون اسم.
37 من 64
واللهى  كلام مش  منطقى كل  شئ قسمة ونصيب والصدق  والبسااطة  لازم الجواز بذات   يتبنى  عليهم  لانو  عشرة  عمر  وكمان  ربنا  هو  الى  بأيدو التوفيق  التوفق دة  من  عند  ربنا  مش  بالتخطيط
22‏/1‏/2011 تم النشر بواسطة koje.
38 من 64
لقد عشت حياة صعبة و أنتظر حياة أصعب رغم كل جهودى
أرى أن كان الجواز بالطريقة ده فليس لى أدنى أمل فى السعادة
أكيد وجهة نظرل غير صحيحة رغم وجود مؤايدبها
22‏/1‏/2011 تم النشر بواسطة بدون اسم.
39 من 64
والله يا جماعة اى كلام
الواحد سواء كانت بنت او ولد لاااااازم يكون على طبيعته جداااا علشان ياخد واحد/ة ماشية مع دماغه وكده
يعنى لازم الصراحة من الطرفين مهما كانت
لان الواحد لو عمل بالكلام الفاضى ده فى الخطوبة يشوف بعد الجواز ايه اللى هيحصل
كل حاجة هتبان على حقيقتها بجددد
وايه " احنا ما صدقنا وقعناه " دى
ههههه اكيد البنت اللى تقول كده اكيد تبقى معيوبة او فيها حاجة
حتى اللى يدخل الموضوع ده من البنات انا مش بحترمهم
انا كتبت فى جوجل كلمة " كيف " جالى " كيف تصطادين عريسا " كل ما فى الموضوع ان الجملة شدتنى شوية
يااااه والله حاجة تدايق
الله يكون فى عنكوا يا بنات مش لاقيين وبتهشوا وبتنشوا
اكيد طبعا ولازم البنات والصبيان الحلوين هيعملولى " like " على كلامى
ده غير بقى الـ.... اللى هيعملوا "dislike "
وانا متأكد ان فى بنات كتير حلوة
23‏/1‏/2011 تم النشر بواسطة d12.
40 من 64
هو عريس ولا سمكه حددي؟
28‏/1‏/2011 تم النشر بواسطة DanDona Eldlo3a.
41 من 64
لا اله الا الله
29‏/1‏/2011 تم النشر بواسطة بدون اسم.
42 من 64
والله أنا رأيي في كلامك إنك مفروض تغير جنسك فى خانة النوع فى بطاقتك لأن واضح كده إنك مش راجل أصلا .... إنتا لو راجل مكنتش تقول كلام زي ده وتعيب فى ولاد الناس بالمنظر ده ولا كنت هترضى إن الراجل المحترم إبن الناس واحدة واطية مش متربية تخدعه وتقوله إنها معرفتش رجالة قبليه عشان تستغفله.
مهما حصل النسوان أكتر من الرجالة بأضعاف مضاعفة ،، والراجل هو اللى من حقه يتشرط براحته واللى مش عاجبها تقعد جنب أمها ،، أما إنتا بقى يارب يرزقك بعريس كويس على مزاجك لأن واضح إنك مش عاوز عروسة يا رامــــي هانم.
17‏/3‏/2011 تم النشر بواسطة Mous6fa.
43 من 64
اسئلي هند صبري
19‏/3‏/2011 تم النشر بواسطة سيف نور.
44 من 64
بنات مصر بقو في منتهى السفالة عايزين نشوة وشوشهم بمية نار زي الشباب اللي شوهو البنات بتوع مدرسة البحيرة من حوالي شهرين
6‏/4‏/2011 تم النشر بواسطة مصطفى حسنين2011.
45 من 64
بنات مصر بقو في منتهى السفالة عايزين نشوة وشوشهم بمية نار زي الشباب اللي شوهو البنات بتوع مدرسة البحيرة من حوالي شهرين
6‏/4‏/2011 تم النشر بواسطة مصطفى حسنين2011.
46 من 64
على فكرة دى قلة ادب انك تتكلمى عن الراجل "اللى هو سيدك وسيد جنسك" بالطريقة دى ، وتقولى واحد زى دا وماتعبريهوش والكلام دا ، وبعدين معلوماتك غلط ، انا لو خطيبتى مش رومانسية وما بتمسكش اديا وبتعتلى ماسيدجات وتكلمنى ، ولو ما قالتليش عنيك حلوة ، هرميها زى الجزمة اللى قدمت واشوف واحدة بتعرف تتعامل ، كفايا جهل بقا
7‏/4‏/2011 تم النشر بواسطة Egypt king.
47 من 64
قسمة ونصيب
26‏/4‏/2011 تم النشر بواسطة بدون اسم.
48 من 64
ماهذا دستور خاص بلنساء ؟! هل تريدين ان تفكر النساء كلها بنفس تفكيرك ؟! ام هذا رايك الشخصي ؟    (   انا اؤمن ان الزواج قسمة و نصيب )
11‏/6‏/2011 تم النشر بواسطة لا بد ان نفكر.
49 من 64
والله يا أستاذ عبد الله حسن أكيد عندك عقدة من المصريات وأكيد ده كمان عشان مش قادر توصلها لأن المصرية مش بترضى بأى حد ( فهمت؟) وعمومًا كل المصريات بنات أو أمهات أخذن من حسناتك بسبب أتهامك لهن بالخيانة شكرًا على الحسنات أما بخصوص الجواز فهو قسمة ونصيب فقط
شكرًا على المتابعة
16‏/6‏/2011 تم النشر بواسطة ريماس2.
50 من 64
سواء البنت وحشة او حلوة او صغيرة او كبيرة الزواج قسمة ونصيب
كل واحد ربنا كاتبله مين نصيبه
الحمد لله انا راضية باللي كاتبه ربنا سواء اجا او لا الحمد لله على كل شي
1‏/8‏/2011 تم النشر بواسطة نووووورة (روعة الحياة).
51 من 64
هههههههههههههههههههههههه لا ناصح
17‏/8‏/2011 تم النشر بواسطة modykov.
52 من 64
قسمةونصيب وتخطيط
29‏/9‏/2011 تم النشر بواسطة بدون اسم.
53 من 64
قسمة ونصيب وتخطيط
5‏/10‏/2011 تم النشر بواسطة coco_ahmed.
54 من 64
انا رايى ان الواحد لازم يشوف الواحده بشكلها الطبيعي ومن حقه يعرف اخلاقها ومعاكى ان الواحده لازم تحافظ على نفسها بس لازمة كل حاجه تبقا بينهم مبنيه على الصراحه علشان مابنى على باطل فهو باطل حتى لو معجبوش الصراحه اكيد في حد تانى هيجى ويقدر الصراحه دى وفى الاخر كله بيرجع للقسمه والنصيب
6‏/10‏/2011 تم النشر بواسطة هنداوى هنداوى.
55 من 64
على فكرة بقي الموضوع موجود فى كل المنتديات المصرية على انه فكهاهة ..وهزار مش اكتر ...مش عارف ليه كل الانتقاد ده !!!
18‏/11‏/2011 تم النشر بواسطة Doctoralis.
56 من 64
ta5tiiiiiiiiiiiiiiiiiiiiiiiiiiiit looooooool
4‏/1‏/2012 تم النشر بواسطة بدون اسم.
57 من 64
الموضوع ده جميل بس انا بحب واحد وقالي انه يحبني وانا مش حاسة بده بس تصرفاته بتقول انه يحبني وكل صاحباتي بيقولو انه يحبني وانه يظل ينظر الي ويبتسم فانا عايزة اعرف هل هو يحبني فعلا ولا بيضحك علية
14‏/2‏/2012 تم النشر بواسطة بدون اسم.
58 من 64
نعم  قسمة ونصيب وتخطيط
18‏/2‏/2012 تم النشر بواسطة بدون اسم.
59 من 64
هههههههههههه و الله العظيم ما بطلت ضحك طول مانا بقرا الموضوع .و نزلت على التعليقات و يا ريتنى مانزلت ! فى ايه يا جماعة معقولة مابقيناش نعرف نضحك للدرجة دى ما بقيناش نعرف نفرق ما بين الجد و الهزار..الموضوع من اوله لآخرة هزار يعنى بغرض المتعة و الفرفشة حتى اللى كاتبه راجل  فمش مستاهلة كم الشتايم و الخناقات اللى انا شايفاها ..نيجى بقى للجد انا شايفة ان احسن حاجة ان الواحدة تبقى على طبيعتها و فى نفس الوقت تراقب ربها و ضميرها فى تصرفاتها يعنى يمسك ايديكى و يكلمك آخر الليل و الكلام الفارغ ده لأ ..اولا ربنا مش هيباركلكوا, ثانيا هتنزلى من نظره ان ماكانش دلوقتى هيبقى بعدين بعد الجواز .وزى ما احنا عارفين "الطيبون للطيبات " لو عايزة الطيب غيرى من نفسك بحيث تستحقى ان ربنا يرزقك بيه..و فى النهاية ربنا يرزق جميع شباب و فتيات المسلمين بالازواج الصالحين و بالذرية الصالحة
26‏/2‏/2012 تم النشر بواسطة Princess Amira (Amira Ibraheem).
60 من 64
علي فكره يا جماعه دا مش اسلوب للحوار الموضوع مجرد دردشه مش حقيقه يعني ع الهجوم ده وبعدين الجواز قسمه ونصيب اولا وثانيا واخيرا مكنش له لزمه الغلط والكلام ده احنا كلنا فالاول والاخر اخوات ويا ريت المحترم المهذب اللي بيغلط فجنس البنات يعرف ان والدته برده اصلا من الجنس ده  يعني هو كدا ملوش خير فيها عشان يبقا له خير فغيرها  كل راجل فالدنيا مينساش فضل الجنس التاني عليه سواء كان والدته ولا اخته ولا مراته ولا جدته .......إلخ فياريت بلاش أي نوع من الغلط احنا اكيد احسن من كده وربنا يصلحالنا كلنا
24‏/3‏/2012 تم النشر بواسطة بدون اسم.
61 من 64
قصدك تقول ان اللى قاله الرسول جهل و كمان البنت اللى هتعمل كده معاك تعرف منين انها معملتش كده مع حد قبلك ازاى ترضاها لنفسك فكر قبل ما تقول حاجة زى كده ماشى وياريت تعرف دينك ولو ده جهل محدش مسكك ممكن تغير دينك لو عايز
15‏/6‏/2012 تم النشر بواسطة بدون اسم.
62 من 64
علا فكرة الجواز اكيد اسمة ونصيب بس برضو اكيد البنت هتغير لما تلاقى اختها الاصغر منها بيتجوز وهيا لا او صحبتها معلومة هاااااااااااامة مفبش بنت بيتخرج من غير ميقب اوكريم وبرفان     اوك بااااااااااااى
21‏/8‏/2012 تم النشر بواسطة بدون اسم.
63 من 64
هههههههههههههههههههههههههه
26‏/10‏/2012 تم النشر بواسطة Јυѕт ѕмιℓε (Abdelwahab El-kahoche).
64 من 64
انا ضد كل اللي نقدو المقال وع كاتبه المقال لاني بجد فهمت اللي هي قصدها توصلو
17‏/1‏/2013 تم النشر بواسطة بدون اسم.
قد يهمك أيضًا
لماذا هناك طالب ذكي و طالب غبي ؟
تصبحو على خير
الى اللقاء اعضاء جوجل, اتمنى لكم التوفيق ^^.^^
ممكن تروحي وتنامي
كاسكيسباس\
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة