الرئيسية > السؤال
السؤال
ماهى اجراءات استخراج جواز سفر بحرى
تأشيرات الزيارة والهجرة 31‏/5‏/2010 تم النشر بواسطة اكرم جاهين.
الإجابات
1 من 3
روح اسئل ناس في خفر سواحل
ههههههههههههههههههههه
8‏/6‏/2010 تم النشر بواسطة بدون اسم.
2 من 3
اولا الاوراق المطلوبه
1_المؤهل الدراسى + صوره
2_شهاده ميلاد + صوره
3_شهاده الجيش +صوره
4_فيش جنائى باسم التفتيش البحرى
5_عدد 7 صوره شخصيه


ثانيا مكان الاستخراج
مكان استخراج الجواز ف الاسكندريه ف منطقه بحرى باب 1 الخاص بالميناء
وهناك تعمل تصريح دخول يومى من امام باب 1


ثالثا التكاليف
1_تكلفه تصريح الدخول 10 جنيه تقريبا
2_عند التقدم لعمل البسبور تدفع 27 جنيه ف باب 1
3_مصاريف الكشف الطبى 328 جنيه
4_الدوسيه 5 جنيه


طريقه الاستخراج
اولا بعد ما تقوم باستخراج تصريح الدخول تدخل عادى بالتصريح والبطاقه
وبعدين تجمع اوراقك ف دوسيه من جوه هتلاقى ناس بتبيعه لو مكنش اشتريه من بتاع التصوير بره
وبعد كده تعمل ورقه السلامه الملاحيه وتضعها ف الاوراق
وبعدين هتاخد ورقه تانيه من جوه تملئ فيها بياناتك وتقدم ورقك وتنتظر دورك
هيجبلك ورقه تدفعا ف الخزينه حوالى 27 جنيه وهتاخد وصلين واحد احمر خليه معاك واحتفظ به جيدا اخد بالك لانك مش هتستلم البسبور الا من الوصل ده
ولو ضاع منك مشكله تانيه وبعد ماتسلمه الايصال
هينادى عليك ويجبلك 3 ورقات عليهم صورتك
هتبصم على الورقه والصوره بصمه واحده لكل ورقه
وكده انت خلصت كل حاجه ف باب 1
تاخد نفسك بعد كده على المستشفى البحرى
والكشف بيكون ايام الاحد والثلاثاء والخميس
فقط وانا انصحك تخلى الكشف ف يوم غير اليوم اللى بتعل فيه الورق علشان لازم تكون موجود
ف المستشفى س7 الصبح لان الاعداد ممكن تبقى كبيره فتتاجل ليوم تانى
فانصحك تعمل الورق وليكن السبت وتجهز نفسك للكش الاحد
او تعمل الورق الاثنين وتجهز نفسك للكشف الثلاثاء وكده
هناك بقى ف المستشفى هتدفع 328 ومتقلقش
هتلاقى معاك واحده هتكون معاك من اول ماتدخل المستشفى لحد ماتعمل كل الكشوفات وتخلص
وكده تكون انت تمام
تتصل بقى بالرقم ده بعد الكشف ب 10 ايام علشان تعرف ان كنت نجحت ف الكشف الطبى ولا لا
وهو هيقولك لو نجحت تيجى تستلم البسبور امتى
وده الرقم
034802031

وربنا يوفقكم يارب

نسيت اقولكم حاجه عند استلام البسبور لاتنسى استخراج شهاده صحيه علشان مترجعش تانى ليها
واستلام البسبور بيكون من باب 1

منقول /* الكاتب : هشام احمد غريب
28‏/11‏/2010 تم النشر بواسطة Ezzat144.
3 من 3
اضافه على كلام الاخ عزت

يجب ان تكون حاصل على شهاده من الاكاديميه العربيه للعلوم والتكنولوجيا والكائنه فى محطه طوسون - أبو قير

تفيد بأنك حصلت على دوره فى الاسعافات الاوليه والحريق

او يمكنك ان تسأل عن هذه الشهاده فى المقر الاخر للاكاديميه بشارع جمال عبد الناصر
30‏/12‏/2010 تم النشر بواسطة xhack111 (Adham X).
قد يهمك أيضًا
هل يلزم استخراج جواز سفر الانتقال الداخلى داخل مصر؟
اريد استخراج جواز سفر هل من الضروري ان تكون لدي بطاقة هوية وطنية علما بانني من جدة؟
ما هى اجراءات السفر من مصر الى ليبيا؟
كيفية اجراءات وتكاليف استخراج رخصة قيادة لاول مرة بالمملكة؟
ما هى اجراءات استخراج رخصة القيادة فى مصر
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة