الرئيسية > السؤال
السؤال
هل الغيرة فقط على الجمال ؟
بتغار؟ كمشتني و قالت علي بتغار?
                        على شو يا ترى ؟ عليها بدي بغار؟
على عيون سحرها كبير و جبار ؟
                        وللا شعرها اللي شلال هادر وانهار؟
مخصّل من خيوط من الشمس اوتار
                       وانفها ؟ يا ستار ! بونبوني ورقها طار
على شو دخلك بدي جن و غار؟
                         ع خدود ؟ متل ورق الورد والأزهار ؟
وللا ع رموش بينكتب فيها اشعار
                         وللا شفاف العسلها مخبى بجرار ؟
شو انا اعمى؟مابشوف شوصار؟
                         بشعة؟وبسمتها استدعاء بلا انذار
وللا جبين وضاح منه الفجر بيغار
                         ودقن متل الحرير نسيج متله ما صار
على شو دخلك بدي جن وغار؟
                         ع صوت طروب و تغريد عصفور و كنار
وللا فكر ناضج واعي كلمتو بيختار
                         وللا دلال بلا ابتذال بيولّع بالقلب النار
بس تطل؟ بتكهرب الكل بشرار
                        بشخصية آسرة وانوثة طاغية وأعطار
بتسأليني إذا كنت عليكي بغار؟
                        بيقول المثل :ال ما بيغار بيكون حمار

Google إجابات | العلاقات الإنسانية | الحب | الغيرة 12‏/8‏/2011 تم النشر بواسطة alsharqalu (اسد الشرق).
الإجابات
1 من 15
بتسأليني إذا كنت عليكي بغار؟
                       بيقول المثل :ال ما بيغار بيكون حمار

اجبت انت بدرجة امتياز يا ابي :))
على الجمال ..
12‏/8‏/2011 تم النشر بواسطة ♣ Alanbryx ♣.
2 من 15
نعم وبعد على النجاح !!
12‏/8‏/2011 تم النشر بواسطة XxKhaledxX.
3 من 15
كل قلب إذا حب إله أسرار  
              وكل حب بلا غيرة لطيفة بينهار
بتغار ؟ على غزالك إنتبه واحذار
                الغيرة دليل محبة مش عيب ولا عار
كمشتك ؟متلبس ؟ وأنت عليها بتغار
                  فرحت بغيرتك وتراها عرفت تختار
اختارت عاشق كتبلها الغزل أشعار
                    اتطمن : وهي عليك بتغار ومابينفع الإنكار




مسا الخير شاعرنا مسا معطر بورد جوري وأزهار
مسا الحب وغرام بيكشف عن القلب أسرار
وبيرفع بنوره كل حجب وستار
12‏/8‏/2011 تم النشر بواسطة قصيدة حب منسية (شهد مراد).
4 من 15
ما شاء الله عليك أسلوبك بيشبه اغاني وائل كفوري.
12‏/8‏/2011 تم النشر بواسطة تم حذف الإجابة.
5 من 15
لاااا   الغيرة مش عالجمال ..
12‏/8‏/2011 تم النشر بواسطة المشرشف.
6 من 15
اسلوب راااائع ... عنجد شغله .. بتخلي الواحد اللي ما بيحب
.. يحب !.. يحب
12‏/8‏/2011 تم النشر بواسطة lumina SS (hussein shaker).
7 من 15
لك وبعدين معك؟
زهقتنا حب؟
شو الظاهر ما  ...ما..ما ؟ لحتى مفقوع قلبك؟
وينك يانوري
تشوف هالوهم كيف عمبيكبر ويعشش بمخيخهم
بس بقى بس
قال غيرة على شو دخليك ؟؟؟!!!!!!
متلها امتال وعلى قفا مين يشيل
هيهم عندي ناطرين بالفسحة
12‏/8‏/2011 تم النشر بواسطة one1derfull (Mike Pittar).
8 من 15
بدك تطول بالك شوي معلم واندر ....
بس عدم المؤاخذه وين عنوان الفسحه بالضبط ؟؟
12‏/8‏/2011 تم النشر بواسطة lumina SS (hussein shaker).
9 من 15
لا
على ما نعتقد لنا فقط ونرفض المشاركه فيه
13‏/8‏/2011 تم النشر بواسطة ماخليتو اسم.
10 من 15
يغار الرجل على امرأة تحبه
حتى لو لم يكن يحبها ..
وتغار المرأة على رجل يحبها حتى لو لم تكن تحبه !

أجمل أنواع الغيرة .....

غيرة الحب ..
وأسوأ أنواع الغيرة
غيرة الحقد .

من بوادر الغيرة .....

اشتعال المرأة
وانطفاء الرجل !
تسعد المرأة
بغيرة الرجل الذي تحبه
وتختنق ..
بغيرة الرجل الذي يحبها ولا تحبه!

نحن ..

نغار على الذين نحبهم
لأننا نحبهم
ونغار على الذين يحبوننا
لأننا نحب أنفسنا !
لا تعبر عن حبك لهم
بالغيرة ..
13‏/8‏/2011 تم النشر بواسطة عاشقة السكون.
11 من 15
قصيدة نااااااااااار ودماااااااااااار يا عمي والله الحب بدمر
13‏/8‏/2011 تم النشر بواسطة ام السوس وبس.
12 من 15
ليس دائما فكل واحد يرى في من يحب اجملهم حتى لو كانت قرد في نظر بعظهم
13‏/8‏/2011 تم النشر بواسطة saad59.
13 من 15
والشعراء يتبعهم الغاوون الا ترى انهم في كل واد يهيمون ويقولون مالا يفعلون
لو كان في الشعر خير لكان محمد اشعر الناس
واذا قيل لهم اتق الله اخذته العزة بالاثم
13‏/8‏/2011 تم النشر بواسطة ALSENED ALSE7E7.
14 من 15
من جهتي انا بغار على عرضي و شرفي و على الدين و الإيمان و الأخلاق و العلم الغيرة في الأشياء النافعة ممتازة
16‏/8‏/2011 تم النشر بواسطة ..IBRAHIM.X12...
15 من 15
على شو دخلك بدي جن وغار؟ *** بدك تغار و لازم تغار
على قلب كبير بحمله *** كفاية هالقلب قبرته بحبك الجبار
16‏/8‏/2011 تم النشر بواسطة بدون اسم.
قد يهمك أيضًا
علماني يعني بتعرف ( تعلم) اكتر من غيرك وللا شووووو هيدااا هيدااا؟
بتحبو تشربو شاي وللا لاأ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كاش وللا ماكاش؟ = شاكو ماكو؟ ...كيف تقولها بلهجتك؟
بتفكر فى أيه!!!
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة