الرئيسية > السؤال
السؤال
عفواً حبيب قلبي..............
انا قلبى شان ينساك دايرلو تانى زمن
عفوا حبيب قلبى ما انت لى وطن
***
انا قلبى ذنبه شنو عودته انت عليك
علمته يبكى ينوح يوم ما يشوف عينيك
وكتين ملكته خلاص فريتها لجنحيك
خاطبته باستبداد قلت ليه آه كان ليك
***
هو الصابر المسكين راجى اليالى تروق
لا كلّ لا ملّ لا عاتب المعشوق
كل القدر قالو ياناس كتلنى الشوق
والضقته فى دنياى ما ضاقو قط مخلوق
***
انا يا خلائق آه ضقت العذاب اصناف
شلت الليالى سقد تشهد تبارك وقاف
جربت صبر ايوب كانت نهايته كفاك
والصابنى يالمريود بالعين محال ينشاف
***
لو دار تعرف البى ارجوك مرة تعال
اقعد وعاين بس ما تسال اى سؤال
انا يا حليلى انا اصبح يمينى شمال
جوايا عشرة اشياء خلت حياتى محال
حظى التعيس الشوم الغيرة والعزال
ليل الضياع والخوف والحيرة والاهمال
انك تملى معاى و بيناتنا كم اميال
احساسى انى بسيط واحلامى واقفه جبال
صبر اً صبرتو عليك ذكرنى سيدنا بلال
حتى ان سكتّ انا تتكلم الاطلال
وآخر المطاف بالليل سافرت باستعجال
لا طلت بلح الشام لا ضقت راحة البال
***
برضك تقول لى اصبر اتحمل المكتوب
واتعوض الله خلاص انسانى يالمحبوب
خلتنى ذى عصفور هبت عليه هبوب
فنتلو عشو شمال شالت صغاره جنوب
Google إجابات 30‏/9‏/2012 تم النشر بواسطة كرستي رونالدو (طبيب المواعدة).
الإجابات
1 من 4
السؤال طويل ياريت لو تخفف

▬سؤالي الاخير ينتظر زيارتك▬
30‏/9‏/2012 تم النشر بواسطة ضل القناص (سأقاتل ببندقيتي حتى اخر طلقه).
2 من 4
جميييييييييييل

الله يسعدك اخوي
30‏/9‏/2012 تم النشر بواسطة _الفارس الابيض_ (حصاني صديقي).
3 من 4
عندما يصبح الحبيب وطننا ..نعشقه نرتاح فيه  ^_*
ونشعر  بالانسجام العاطفي والتناغم الفكري وارتياح النفس
إلى النفس حتى ينحصر الكون كله بكمالياته وجمالياته في هذا
الحبيب ولا يمكن أن تستمر الحياة بدونه ،(قلوب أهلنا واحبابنا ذلك الوطن  الوطن )
وعموما  ذكرى الوطن تهيجت في النفسي عدة مشاعر ،ومعاني جميلة ..
ترابه ونيله وإنسانه الرائع :)

من إجابات ود وشوق .
7‏/10‏/2012 تم النشر بواسطة عنايات الماحي (عنايات الماحي).
4 من 4
المزيد من التقدم والتوفيق
8‏/10‏/2012 تم النشر بواسطة عبدالله مرسى (abdalla morsi).
قد يهمك أيضًا
هل تحب جورج وسوف حبيب قلبي انا من محبيييييييييييييييييه كتيييييييييييييير
لست قلبى ..........يالها من كلمات
شكرا ليك حبيب قلبى افتدتنى كتير والله الف شكر
وهل يحيي قلبى من جديد .............................؟
لا تخاف حبيب قلبي ولا واحد بعملها الا غيرك/حضرتك
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة