الرئيسية > السؤال
السؤال
الحجر الصحى سفارة الكويت
الحجر الصحى لسفارة الكويت
انا قررت اكتب موضوع كامل عن الكشف والأجراءات المتبعة للسفر للكويت لأنى ملقتش حاجة حديثة وكل الكلام اللى اكتب جابلى اكتئاب وياريت اكون شامل فى موضوعى
العنوان 23 شارع السد العالى - الدقى  يعنى ممكن تنزل محطة مترو الدقى بس هتمشى يجى 10 دقايق  وهو اصلا قريب جدا من فندق شيراتون اسأل اى حد اروح هناك ازاى وهتلاقى شارع السد العالى متفرع من شارع بولس حنا
لازم وانت رايح يبقى معاك مش  اقل 850 جنية

690  جنية رسوم الكشف بتدفعها فى الحجر الصحى
ويبقى معاك وانت رايح الحجر الصحى الباسبور و 690 جنية و وثمة الدخول
وبعد كدة لما تدفع تروح على مستشفى بدرواى وانا قبل ما اروح بحثت على النت  بس لقيت بلاوى بس الحقيقة انى لقيت كلام عكسى خالص الناس هناك محترمين جدا جدا
عنوان مستشفى بدرواى بيبقى مكتوب فى العنوان اللى عندك فى الورقة اللى حجز بيها فى الحجر بس هو عنوان رخم شوية انا ركبت اتوبيس بيروح المهندسين من قدام الشيراتون ونزلت عند جامع مصطفى محمود بس مشيت يجى 10 دقايق ابقوا اسألو بقى هى  فى شارع دمشق
وانت رايحين على مستشفى بدرواى اتصلوا بمعامل التحاليل وزارة الصحة اللى هتحلولو فيها الفيرس على الرقم دة: 16082
كل الكلام دة هتخلصوا فى يوم واحد بإذن الله بس لما تتصل بيهم احجز بدرى ميعاد قبل ما تروح عادى ولما تروح قولة انا كنت حاجز فى التليفون وكان ميعادى كذا هيدور فى الكشوفات وهيطلعك
واياك تحجز على ميعادك بالظبط احجز قبلها ب 3 ساعات
وانت رايح مستشفى بدراوى بيبقى معاك 6 صور ضرورى علشان فية واحد استغلنى واخد 20 جنية على 8 صور
6 صور والباسبور والوصل اللى اخدتة من الحجر الصحى ومبتدفعش فلوس هناك
وبتعمل تحاليل بول ودم بس بيأخدوا دم كتييييير حبتين يجى 5 انابيب واكيد هتروح ايدك مزرقة زى حالاتى واشعة على الصدر ورمد وباطنة وبس
وتحوالو تجمع 3 او 4 وتأخدوا تاكسى لمعامل وزارة الصحة كل واحد بخمسة جنية
والكشف على طول فى المعامل مبيخدش 5 دقايق
وبعد كدة كلة تمام كمان 15 يوم تتصل بالحجر تسأل نتيجة الكشف وصلت ولا لأ علشان متروحش على الفاضى
اسألكم خالص الدعاء لى والتوفيق فى اول تجربة لى للسفر للخارج
---------------------------------------------------------------------------------------------
دى كلمات دليلية علشان الناس لما تبحث تعرف توصل
الأجراءات المتبعة للسفر للكويت
الحجر الصحى للكويت
عنوان الحجر الصحى
اين يتم الكشف الطبى للسفر للكويت
الكشف الطبى لسفارة الكويت
مستشفى الكشف الطبى لسفارة الكويت
الكويت 21‏/4‏/2011 تم النشر بواسطة بدون اسم.
الإجابات
1 من 31
♥♥♥حصريا بدأ أول مسابقة في منتديات ليون هارت العالمية!♥♥♥
   بقي 9 ساعات فقط على البدء التسجيل بدأ في المسابقة
   كل ماعليك فعله هو التسجيل في المنتدى ثم تسجيل إسمك
   عن طريق الموضوع المثبت والإنتظار 8 ساعات لبدأها
   ستجد العد التنازلي في أعلى الصفحة الرئيسية يجب على
   جهازكأن يكون مظبوطا بالتقويم الهجري ستكون المسابقة
   عبارة عن لعبة عربية مكونة من ألغاز وأول من يحلها
   ستظهر له كلمة المرور التي سيقوم بإرسالها مباشرة إلى
        المدير وبالتالي كسب نقطة للتفاصيل
           الدقيقة إذهب إلى المنتدى
              www.xlionx.com
  مع ملاحظة أن اللعبة ستكون ثلاثية الأبعاد وباللغة العربية
 ولموضوع المسابقات ادخل قسم المسابقات المقامة من قبل المدير
         ♥♥♥نتطلع لزيارتكم♥♥♥
21‏/4‏/2011 تم النشر بواسطة بدون اسم.
2 من 31
جزاك الله كل خير
18‏/7‏/2011 تم النشر بواسطة بدون اسم.
3 من 31
الله يعطيك الف عافيه على المعلومات الدقيقه دى
26‏/11‏/2011 تم النشر بواسطة BOCCY.
4 من 31
ربنا يجازيك خير يارب ويكتبلك اللي فيه الخير
15‏/12‏/2011 تم النشر بواسطة بدون اسم.
5 من 31
شكرا
4‏/1‏/2012 تم النشر بواسطة بدون اسم.
6 من 31
كلامك تمام ومظبوط يا حبيب قلبى بس الى انت قرأته بعناوين غلط هى فى الاصل عناوين قديمة يعنى انا مثلا سافرت الكويت من فترة 2006 وكان عنوان الحجر الصحى فى شارع شهاب بس طبعا حاليا اتغير زى ما حضرتك ذكرت وبقى العنوان :الدقى - شارع السد العالى وجزاك الله خير وربنا يرزقك من فضله فى الكويت ويرزقنا ويوسع علينا برزقه
والى حابب يسال عن اى حاجة فى الكويت يامرنى بس وده رقم تليفونى
أخوكم فى الله : أشرف الحبشى
01276607777     01098090112
21‏/4‏/2012 تم النشر بواسطة بدون اسم.
7 من 31
هههه 850 ج دى كان ذمان دلوقتى اصبح 990 فى الحجر الصحى و 120 فى المعامل المركية انا ليس عامل التحاليل الاسبوع السابقا
ويارب التحاليل تكون سليم
4‏/6‏/2012 تم النشر بواسطة nana mo.
8 من 31
بسم الله الرحمن الرحيم
اجراءات السفر للكويت بتاريخ  1/10/2012
- - الاجراءات قبل الذهاب الي الحجر الطبي
  1-  فيش وتشبيه كمبيوتر موثق من الخارجيه بس تعمله بعد لما سمه الدخول توصلك موجه لسفاره الكويت (ثمنه : 15جنيه  وبيكون مدته 3 شهور )
  2- توثيق عقد العمل من  اي خارجيه مصريه (الافضل توثقها من اقرب وزاره خارجيه في مدينتك) او لو كنت في القاهره (وزاره الخارجيه شارع احمد عرابي) ثمن التوثيق 11 جنيه
  - ملحوظه لابد توثيق عقد العمل من وزاره الخارجيه حتي لو كان موثق من القنصليه المصريه بالكويت
 3- توثيق عقد العمل من اداره الخبره  ( العنوان  :مجمع التحرير الدور الثالث )
ثمن التوثيق : 5 جنيهات معونه شتاء + 1.5 دمغه
****
بعد ذلك
1- الذهاب الي الحجر الطبي مباشره وليس السفاره الكويتيه لان الحجر الطبي عباره عن شركه خدمات حلول متكامله وسيط بينك وبين السفاره (السفاره هي التي توكلها بعمل هذه الخدمات لراغبي السفر الي الكويت )
-- لو انت في رمسيس هتركب المترو اتجاه الجيزه وهتنزل محطه الدقي هتمشي حوال من 7 الي عشره دقايق لما توصل الي الحجر الطبي هو مبني لونه طوبي
عنوان الحجر الطبي : 17 شارع بوليس يوحنا - متفرع من شارع السد العالي - الدقي - الجيزه تليفون 02/37481018 - 01004492087
2- في الحجر الطبي هيراجع ورقك ولازم يكون موثق من الخارجيه واداره الخبره  زي ماقولنا قبل كده ويعطوك رقم للانتظار ( وقت قليل مش تقلق )
3- شويه وهينده علي رقمك وتكون محضر مبلغ 1040 جنيه هيخدوا ورقك جوه وهيعطوك خمس ايصالات
*ايصال استلام معامله - سمه دخول عمل اهلي ( ده ايصال يثبت انهم اخدوا سمه الدخول منك )
** إيصالان سند قبض انهم استلام مبلغ 1040
* ايصال موجه للمستشفي اللي هتعمل فيها الكشف الطبي مستشفي من ثلاثه مستشفيات بتعملوا معاهم ( مركز المختبر او مستشفي القاهره التلاته مش عارفها مش تقلقوا مش مستشفي بدراوي لانهم منعوا التعامل معاهم ) انا روحت مركز المختبر هقول عنوانه فيما بعد
**بالنسبه اللي هيرحوا مستشفي القاهره (العنوان مستشفي القاهره التخصصي مصر الجديده ميدان روكسي)
*ايصال موجه لمعامل وزاره الصحه عشان تحليل الفيرس وبتدفع هناك مبلغ 120جنيه
بعد كده
*******
- أود التنبيه على ما يلي قبل أن تتوجه للمعامل المركزية بالقاهرة لاجراء كشف الفيروس يجب أن تتصل بالرقم 16082 وتقوم بحجز موعد  وعند رد الموظف يطلب منك اسمك رباعي ورقم الجواز والرقم القومي ورقم الموبايل ليحدد لك موعد لليوم التالي ولما تروح هتقوم بدفع ال 120 جنيه ( العنوان : 14 شارع الشيح ريحان - عابدين ) ولازم يكومن معاك صورتين خلفيه بيضه او لبني
- بعد كده علي طول تخرج تروح علي المشتشفي بالنسبه ليا كانت معامل المختبر العنوان 64 شارع جامعه الدول العربيه المهندسين ويكون معاك 6 صور خلفيه بيضه او لبني مختبر جميل ومعامله جميله هتعمل ايه هناك
1- تحليل دم
2- تحليل بول وبراز
3- كشف نظر وصدر
4- اشعه صدر
الموضوع في المختبر مش هياخد اكتر من 1.5 ال ساعتين
مبروك كده خلصت وهتستني النتيجه
***نتيجه المعامل الصحه بتظهر في خلال يومين تلاته علي الانترنت برقم الجواز http://www.healthlabs.net/Default.aspx?uc=./UI/Certificates/ViewCertificate2
-- اما النتيجه النهائيه بتستلمها من الحجر الطبي  هما بيعطوك ميعاد بعد 45 يوم لكن انت اتصل بيهم واستعلم في خلال من 20 الي 25 يوم علي رقم تليفون 02/37481018 - 01004492087
*** لو عايز توثق الشهادات الجامعيه من السفاره الكويتيه اولا لازم تكون موثقه من الخارجيه اولا
عنوان السفاره الكويتيه  ( 9 شارع السد العالي -الدقي ** ثمن التوثيق 150 جنيه ** التليفون : 02/37602661 - ساعات العمل من 9 الي 12 ظهرا )
معلومات عامه : التأشيره تسمي سمه دخول وبتكون حوالي 3 اشهر + شهرين لعمل الاقامه هناك
ارجو الدعاء لي ولوالدي شكرا
2‏/10‏/2012 تم النشر بواسطة Hossam Saafan.
9 من 31
السلام عليكم
ياجماعة انا قريت الموضوع هنا قبل ما اروح
وحبيت اضيف حاجة مهمة علشان مش يحصل معاكم الي حصلي برضه
بصراحة الناس الي كتبت هنا كتر الف خيرها وقامو بالواجب كله والله وشرحو كل حاجة بالتفصيل
لكن انا وقعت في غلطتين خلوني ارجع يوم تاني ومشواير طول اليوم
اول حاجة انه لازم عقد العمل يتختم من مجمع التحرير الدور التالت
وحاجة كمان لازم تتاكد منها انه يكون عملت الفيش بعد ماالتاشيرة جت علشان انا عملت الفيش الاول وخلاني اروح اعمل فيش تاني وضيع يوم كامل في القاهرة بسبب الفيش وتوثيقه من الخارجية
الحاجتين دول لابد التاكد منهم علشان ربنا يسهل لكم من اول مرة ومش ترجع تاني
انا حبيت اضيفها علشان محدش يشوف الي انا شفته
وبالتوفيق للجميع يارب
11‏/12‏/2012 تم النشر بواسطة egyptian_m8.
10 من 31
استاذ حسام:
انا رحت امبارح الحجر الصحي و قالولي ان النتيجة بعد 45 يوم و انا تذكرة الطيران المفروض قبل 45 يوم و الكشف بتاعي يوم الاحد 13 يناير و تذكرتي يوم 10 فبراير .. اسيب الحجز زي ماهو و لا اغيره بحيث يكون بعد 45 يوم؟؟ و هل ممكن اخد النتيجة قبل 45 يوم؟؟؟
11‏/1‏/2013 تم النشر بواسطة بدون اسم.
11 من 31
شكرا شكرا شكرا
جزاك الله كل خير الموضوع دة فادنى جدا جدا والاجراءات بعد التعديل زى ما قال الاستاذ حسام سعفان مظبوطة  بتاريخ 28/2/2012
2‏/3‏/2013 تم النشر بواسطة بدون اسم.
12 من 31
احب اضيف انه يتم منع المصابين بعمي الالوان من السفر لو المهنه ف عقد العمل اللي مسافر بي سائق
5‏/3‏/2013 تم النشر بواسطة بدون اسم.
13 من 31
ربنا يكرمك على الاجابه بس تليفونات المكتب الصحى مشغول بكلمهم من 10 ايام دايما مشغول حد يعرف ارقام تانيه ليهم
18‏/3‏/2013 تم النشر بواسطة بدون اسم.
14 من 31
انا كل ما اكلمهم يقولوا لى معادك يكون 2/4  ،، واسألهم عن نتيجة الفحص الطبى بيقولوا ممنوع
18‏/3‏/2013 تم النشر بواسطة بدون اسم.
15 من 31
انا كشفت فى القاهرة التخصصي ،، حد كشف فيها قبل كدا
18‏/3‏/2013 تم النشر بواسطة بدون اسم.
16 من 31
هو ضعف النظر بيمنع السفر للسائقين فقط ولا للكل
18‏/3‏/2013 تم النشر بواسطة بدون اسم.
17 من 31
30‏/3‏/2013 تم النشر بواسطة بدون اسم.
18 من 31
الاجراءات كلها مظبوطة(Hossam Saafan‏) فعلا والعناوين انا مشيت عليها هوضح كام حاجة بسيطة للافادة:
بس ال 1040جنيه في الحجر الطبي بقو 1050 غير ال120 بتوع المعامل المركزية
ومدة استلام الورق بقت 35 يوم بدل 45 يوم من الحجر الطبي الكويتي
بيبقى فاضلك بعد الاستلام عشان مترجعش من المطار تعمل تصريح عمل بحوالي 140ج من مكتب العمل بالدراسة جنب دار الافتاء
واذن السفر من التجنيد....... واحجز واتكل على الله
وبالتوفيق للجميع   10/3/2013
1‏/4‏/2013 تم النشر بواسطة fouad hasan (Fu'ad Hassan).
19 من 31
السلام عليكم ورحمة الله وبركاته
أحبتي في الله
جزا الله خيراً كل من ساهم بحرف في هذه الصفحة فا والله قد ساهمت كثيراً وساعدت اُناس كثيرون ومنهم العبد لله
وأجمل ما فيها أن أي شخص يقوم بخطوة تعتبر جديدة يُخبر عنها
فا من منطلق خير الناس أنفعم للناس
أنا فعلت كل الإجراء السابقة بداية من 1050 إلي التحاليل وأخذت ميعاد 5/5 للتسليم
ولكن جأتني رسالة تُخبرني بالتوجه لمحتب الحجر الصحي للإستلام
توقعت إستلام الأوراق
ولكن كان عكس ذالك
قاموا بإعطائي الأوراق و350 اللي دفعنها في الأول
وقالوا إنه حدثت مشاكل في السفارة نتيجة تظاهرات وكلام غريب وكده فا حبو يكدروا الناس فاأصبح السفارة تنهي الإجراءات الخاصة بها فقط
ويقصد بذالك أن المسافر يقوم بإستخراج التأشيرة بنفسه من وزارة القوى العاملة والهجرة فرع التأشيرات
قاموا بإعطائي الأوراق و350 على أن أتوجه للسفارة القديمة وكان بعض الناس يذهبون للجديد أمام حديقة الحيوان ولكن عندما ذهبت لم يطلبوا مني شيئ إلا أن أتوجه إلي البنك الوطني على بعد شارعين بالضبط من السفارة القديمة
وأدفع 350 ج تقوم بإستلام وصل + شيك
وتهب إلي مجمع التحرير وزارة القوى العاملة فرع التأشيرات
تقوم بتسليمهم الأوراق وتأخذ إيصال ويتبقى خطوة واحدة وهيا تصريح العمل والله المستعان
للعلم هذا الكلام كان على كل من تقدم بأوراقه من شهر 4
والله أعلم
نسألكم الدُعاء
22‏/4‏/2013 تم النشر بواسطة آبا الخطّاب.
20 من 31
سلام وعليكم  ... دلوقتي انا عملت كل التحاليل  يوم 23/4/2013  ومعاد الاستللام تقريبا يوم 15/5/2013 ودخلت علي موقع الحجر  وشوفت النتيجه برقم الجواز وطلعتي شهادة النتيجة ... دلوقتي انا اروح فين واعمل ايه باقي الاجراءت
30‏/4‏/2013 تم النشر بواسطة بدون اسم (Joj Koko).
21 من 31
ياريت كل الناس بتاعة شهر ابريل ومايو 2013 يقولولنا ايه اللى حصل معاهم؟؟؟
6‏/5‏/2013 تم النشر بواسطة بدون اسم.
22 من 31
يا جماعة لو سمحتو انا مسافر الكويت ولسه معملتش ورقى

انا عملت الفيش وووثقته مالخارجية , والعقد كمان , وشهادات التخرج كمان وثقتها ..
اروح الحجر الصحى طوالى ؟
ولا لازم اروح اختم الورق من ادارة الخبرة فى التحرير الاول ..
7‏/6‏/2013 تم النشر بواسطة بدون اسم.
23 من 31
انا  لسة  معملتش حاجة بس انا فى واحد هيعملى عقد العمل من الكويت  وهبعتلو صور الجواز والمؤهل والورق  ايه اللى هيتم بعد  كدة ضرورى جدا  جدا  من فضلكو الانى تايه
12‏/6‏/2013 تم النشر بواسطة بدون اسم.
24 من 31
الاوراق المطلوبة فى اول يوم هى سمة الدخول والجواز والبطاقة فقط بالاضافة ل6 صور ويفضل خلفية بيضاء وسيتم دفع 700 جنية فى الحجر الصحى وهيعطيك 2 ايصال واحد للكشف والتانى للتحاليل والنتيجة بعد 15 يوم . الكشف والتحاليل فى نفس اليوم بشرط الذهاب مبكرا
عند استلام النتيجة من الحجر الذهاب الى سفارى الكويت بالكشوفات ونفس الاوراق الاولى بالاضافة لفيش وتشبية كمبيوتر موجة لسفارة الكويت ويكون موثق من الخارجية ويكون تاريخ البداية للفيش بعد استخراج سمة الدخول من الكويت ضرورى وعند تقديمها فى السفارة ودفع مبلغ 300 جنية هيقولك راجعنا بعد 7 ايام لاستلام التاشيرة وهذة هى الخلاصة الاكيدة
14‏/6‏/2013 تم النشر بواسطة بدون اسم.
25 من 31
معلومات كاملة بالصور يا جماعة لمن يريد السفر الى الكويت
http://www.al3malka.com/vb/t50035.htm‏
14‏/6‏/2013 تم النشر بواسطة بدون اسم.
26 من 31
السلام عليكم ورحمة الله وبركاته ممكن حد يفيدني مجمع التحرير هيتقفل يوم 30\6\2013 ولا إ اللي هيتم عشان انهاء اجراءات السفر الي الكويت باذن الله ....... وفقتا الله واياكم .وشكرا
20‏/6‏/2013 تم النشر بواسطة بدون اسم.
27 من 31
ما هو عنوان السفارة الجديدة امام حديقة الحيوان اركب ايه بالظبط من مكان الحجر الصحي بالدقي؟؟
6‏/7‏/2013 تم النشر بواسطة eng.hesham.
28 من 31
جزاكم الله خيرا وأسأل الله العظيم أن يكتب لكم الاجر والثواب فالله في عون العبد ماكان العبد في عون اخيه وربنا ييسر الخير للجميع
3‏/2‏/2014 تم النشر بواسطة أبو أحمد وعمر.
29 من 31
الرسوم التى  تحصل فى  الحجر  الصحى   لدولة  الكويت  قد  تم  زيادتها الى900جنيها حتى  الان 3/1/2014 الرسوم  بتزيد  وايضا  ملاحظة  سوف  يتم  توزيعك   على احدى   هذة المستفشيات وانتى  وحظك روكسى(مصر الجديدة) او المختبر او  الحياة   وانتى   وبختك والتوزيع   مكتوب  فى  احدى   الثلاثة  ورقات   الذين  سوف  تاخذهم وخلى   بالكم  من   النصبين     وبالتوفيق
25‏/2‏/2014 تم النشر بواسطة بدون اسم.
30 من 31
اجراءات السفر الي الكويت   محدثة  في 1/3/2014
بصوا يا جماعة هو في شوية حاجات ثابتنن مش بيتغيروا وهم
لازم يكون معاك سمة الدخول- عقد عمل موثق من القوي العاملة بمجمع التحرير-جواز سفر
بتورح زي ما كل الناس عارفه علي الحجر الصحي اللي موجود في ش السد العالي بالدقي وتدفع
900 جنيها- انا دفعت 900 ج وده في 14/2/2014
وتاجد ايصال لمعمل المختبر الي موجود بالمهندسين ش جامعة الدول العربية امام قدورة وايصال تاني للمعامل المركزية بس لاحظ انك هتدفع 120 ج تاني عند المعامل يعني جملعة ما يتم دفعه من مصروفات خاصة بالتحاليل 1020 ج وتروح تاخد الورق بتاعك من الحجر الصحي هم هيقولوك بعد 20 يوم انا اخدتهم بعد 10 ايام بس وتورح تدفع ايصال في البنك العربي ب 350 ج وتاخد ورقك اللي هو _( نتيجة الكشوفات والتحاليل+سمة الدخول+اصال البنك+ فيشة وتشبيه موثق) علي القوي العاملة بالتحرير واحد هنا انا وقفت هم قالولك بعد 15 يوم انا هروح بدري واشوف وربنا يسهل
20‏/3‏/2014 تم النشر بواسطة بدون اسم.
31 من 31
شكرا جدا ... ليكم وفعلا انا استفادة من كل اللى اتكتب
20‏/4‏/2014 تم النشر بواسطة بدون اسم.
قد يهمك أيضًا
ما هى الامراض التى تلقب بانها(امراض الحجر الصحى)؟
ماهى المستشفيات المتعاقدةمعها امانة للتامين الصحى فى المملكة
ماهى السلبيات بالتأمين الصحى بمصر
هل ظهرت نتيجة إختبارات الكيميائين فى شركة مياه الشرب والصرف الصحى بالجيزة وأين ستعلن النتيجة ؟
إلى أين تذهب مياه الصرف الصحي?
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة