الرئيسية > السؤال
السؤال
اريد طريقة لتنعيم الشعر المجعد والمتقصف طبيعيا؟
مستحضرات التجميل | العناية بالشعر 11‏/5‏/2011 تم النشر بواسطة um tanaaa.
الإجابات
1 من 6
السلام عليكم ورحمه الله وبركاته
طرق طبيعية لفرد الشعر أولاً لازم تعرفي إن فرد الشعر ماينفعش في حالات كتير زي:
1- لو عندك حساسية.
2- لو في فروة الرأس أي التهابات أو جروح.
3- الحمل في أول 3 شهور وآخر شهرين وياريت تاخدي احتياطك وتمنعيه أثناء الحمل خالص لأن المواد الكيميائية دي ممكن تتسرب من جلدك للجنين.
4- أثناء الدورة الشهرية وده نتيجة لتغير الهرمونات في الوقت ده ومابتخديش النتيجة اللي إنت عاوزاها.

وصفات لفرد الشعر
الوصفة دي طبيعية مية في المية وعن طريقها تتفادي الآثار الضارة لفرد الشعر، كمان هتقدري تعمليها في أي وقت سواء كان عندك حساسية أو حتى حامل لأن كلها عبارة عن مواد طبيعية مفيدة للشعر والجسم كمان.
المكونات:
زيت القرنفل
زيت زيتون
الطريقة:
اخلطي زيت الزيتون والقرنفل مع بعض في زجاجة بكميات متساوية ورجي الزجاجة كويس جدا وحطيها في الشمس لمدة 15 يوم وكل يوم رجي المكونات وبعد الـ15 يوم ما يمروا استعملي الزيت على شعرك.

وصفة إنما إيه .. المكونات:
زبدة غير مملحة
زيت زيتون أخضر غامق
مايونيز بالليمون
زبادي خالي الدسم
عصير ليمونة
الطريقة:
اخلطي المكونات كلها مع بعض وحطيها في برطمان واقفليه كويس وحطيها في التلاجة.
الاستعمال:
بص يا ستي لو شعرك متقصف قوي وخشن شويتين يبقى تستعملي الوصفة دي مرتين في الأسبوع لأنها كمان بتنعم الشعر وبتحافظ عليه من التقصف. أما لو شعرك عادي وإنتِ عاوزة تنعميه زيادة يبقى تستعملي الخلطة دي مرة في الأسبوع. وهتلاقي نتيجة هايلة.

احنا طبعا عارفين إن الوصفات دي لأنها طبيعية ممكن تاخد وقت أطول ومابتدومش زي الوصفات الكيميائية لكن صدقيني إنتِ الكسبانة في الآخر. واحنا برضه عاملين في حسابنا إنكم ممكن ماتقتنعوش بالكلام ده وتفضلوا برضه تستخدموا كريمات الفرد وعلشان كده هنقول لكم على طريقة سهلة ومضمونة لمعالجة آثار الفرد لأن شعرك بيحتاج لمرطبات بعد عملية الفرد.

وصفة البيض.. المكونات:
صفار بيضة واحدة.
نصف ملعقة زيت زيتون.
كوب إلا ربع من الماء الفاتر.

الطريقة:
اضربي صفار البيضة، يعني شيلي البياض منها لغاية ما يبقى سميك ولونه يفتح، وبعدين ضيفي نص معلقة زيت الزيتون بالقطارة تدريجيا مع التقليب المستمر، وبعد كده ضيفي المية تدريجيا، واستمري في الخفق وبعدين حطي الخليط ده في زجاجة، وبعد غسل شعرك بالشامبو المناسب لنوع شعرك دلكي شعرك بالملطف ده وسيبيه على شعرك شوية دقايق قبل ما تشطفي شعرك.

اتمنى ان اكون قد افدتك , لاتنسى افضل اجابه ^______^
11‏/5‏/2011 تم النشر بواسطة abu-aisha (saudi arabia).
2 من 6
ادخلي على هذا الرابط
11‏/5‏/2011 تم النشر بواسطة nasser nazzal (Nasser Fayez).
3 من 6
بعد ماتطلعي من الحمام وشعرك مبلول ضعي مقدار نص ملعقة صغيرة زيت جوز الهند ريحتو حلوة وبفيد الشعر وبقلل من النكشة بشكل واضح وبنعم الشعر  طريقة مجربة
14‏/5‏/2011 تم النشر بواسطة tal.ya2010 (nour nour).
4 من 6
بصي يا ستي الوصفه دي جايباها من اخت في منتدي فتكات
  نيجي للوصفه هاتروحي لعطار معرف وتقوليلو عمو ياعمو عايزه  حوالي ربع كيلو املج مطحون وتجيبي من عندو كميه زيت سمسم تكفي للعجن الاملج وتعجنيه وتحطيه عي شعرك 3 ساعات وبعد كده بتغسليه كويس اوي وبعد كده تنشفيه وبعد كده تلفيه وبعد كده هاتلاقي نتيجه مرضيه ان شا ارحمن ولو جربتيه وجاب نتيجه ادعيلللللللي بتفريج همي
1‏/6‏/2011 تم النشر بواسطة ملكه في مملكتي (يسور بدوي).
5 من 6
الطريقة المثالية لتنعيم الشعر وجعله زى الحرير وعلاجه من التقصف هى كالتالى:
اولا :
بالنسبة لتقص الشعر وضعف يجب عليكى قص اطراف شعرك كل 40 يوم علشان تتخلصى بالتدريج من الشعر المقصف فى الاطراف
كمان يجب عليكى تغذذية شعرك بأستمرار بعمل حمام زيت مرة كل اسبوع
ويجب عليكى استخدام نوع شامبو متخصص فى الشعر التالف والمقصف لمدة لاتقل عن ثلاثة شهور

وبالنسبة لتنعيم الشعر المجعد :
فأفضل طريقة هى الخلطات البيعية لانها بتغذى الشعر بسرعة وتزود م لمعانه ونعومته كل يوم بعد يوم وانا هنا جايبة لكم عدة وصفات طبيعية كلها احلى من بعض لتنعيم الشعر بسرعةوجعله زى الحرير هتلاقيهم اسفل المشاركة وكمان هتلاقى موضوعات تانية كتير عن تنعيم وتمليس الشعر بصورة طبيعية فى المنزل
طريقة تنعيم الشعر بالمايونيز
طريقة تنعيم الشعرالخشن
طريقة تنعيم الشعر وفردة
طريقة تنعيم الشعر بالصور
طريقة تنعيم الشعر بالموز
15‏/5‏/2012 تم النشر بواسطة بدون اسم.
6 من 6
انصحك بزيارة صالون ماجيك هاندز لديهم خبراء فى العناية بالبشرة والشعر
1‏/1‏/2014 تم النشر بواسطة بدون اسم.
قد يهمك أيضًا
ما افضل خلطة لتنعيم الشعر المجعد للرجال؟
ما هي الطريقة التي يمكن صنعها لتنعيم الشعر المجعد ؟
هل يوجد علاج للشعر المجعد عند الرجال
علاج للشعر المجعد او المموج ؟
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة