الرئيسية > السؤال
السؤال
عاوز اعرف اى معلومات عن منطقه محرم بيك فى اسكندريه ممكن !!
المنطقه دى  نظمها  ايه   !!  

حلوه  

وحشه  

نص نص  

منطقه رقيه   وبيسكنهاا  ناس هااااى  

وله  بيسكنها ناس من اصحاب  الطبقه الوسطه   مستررين يعنى  ومش وحشه      عادى

وله  شعبيه يعنى  وكده    

ارجووكم  لو عندكم اى معلومات عنهاا   قلولى  

بشكركم     محمد ...
الاسكندريه | اجابات جوجل | مصر 9‏/4‏/2010 تم النشر بواسطة بدون اسم.
الإجابات
1 من 8
هيا عااااااااااااااديه جدااااااااا

ناسها عاااديين وفيها شويه مصانع وقريبه من موقف اسكندريه وتقدر تروحها بتاكس او ميكروباص
9‏/4‏/2010 تم النشر بواسطة romeiooo.
2 من 8
دماغي احسن من دماغك اذا ماعجبك السؤال لا تدخل
هي عم نحكي بالحسنى
9‏/4‏/2010 تم النشر بواسطة بدون اسم.
3 من 8
بص هى هى منطقه م ده علي ده بس اولها شعبي  بس برده فيها مناطق حلوه بالذات بجوار خدمه اجتماعيه وشارع الرصافه وعموما لو هتشتري شقه هناك المتلر بيعمل 3الاف تشطيب سوبر لوكس
9‏/4‏/2010 تم النشر بواسطة عاشق التاريخ.
4 من 8
العمارات اللى عند فتح الله كمان حلوة واللي بعد خدمة اجتماعية محرم بيه من الاماكن الكويسة ف اليكس يعنى منطقة كويسة لو قررت تعيش فيها مش وحشة
12‏/4‏/2010 تم النشر بواسطة mozaa.
5 من 8
على حسب انت عايز منها ايه
لو هتسكن او هتتجوز فيها او هتستثمر فيها  يعنى المهم انت عايز منها ايه
16‏/4‏/2010 تم النشر بواسطة ساحر الوادى.
6 من 8
محرم بك قسم من أقسام حى وسط الإسكندرية شمال مصر.كان قبل ثورة 1952 يعتبر حى الطبقة الأرستقراطية حيث تنتشر بالحى القصور والفيلات كما أنه متاخم لمحطة السكة الحديد.
سبب التسمية

قسم محرم بك سمى على اسم محرم بك صهر محمد على باشا. من مواليد عام 1795 بمدينة قولة اليونانية، وأمضى بها صباه، وتزوج من تفيدة هانم كريمة محمد علي باشا. وظل يشغل منصب محافظ الإسكندرية حتى وفاته في 20 ديسمبر 1847 وظل قائداً للأسطول البحرى المصري حتى عام 1826.و قبلها شغل منصب محافظ الجيزة. ودفن بمسجد النبي دانيال. وتقديرا لمجهوداته وبطولاته أطلق اسمه على أحد أحياء الإسكندرية.
[عدل] شياخات قسم محرم بك

يتكون قسم محرم بك من الشياخات التالية:

   * شياخة الباب الجديد شرق.
   * شياخة الباب الجديد غرب ومنشا.
   * شياخة راغب باشا.
   * شياخة عزبة الصبحية وعزبة شركس وعزبة رأفت.
   * شياخة بوالينو والإسكندراني.
   * شياخة أمبروز ومحرم بك.
   * شياخة أبيس.

[عدل] معالم قسم محرم بك

يضم القسم العديد من القصور والمعالم منها:

   * مدرسة العباسية القديمة (كلية العلوم حاليا) وقد بنيت على طراز معمارى فريد من نوعه ثم نقلت المدرسة عام 1938 إلى موقعها الحالى بشارع جرين.
   * قصر البارون منشا وتحول إلى مدرسة.
   * قصر الأمير عمر طوسون وقد هدم في بداية عهد الثورة وتحول إلى مخزن للكتب.
   * متحف الفنون الجميلة.
   * مكتبة البلدية.

ومن أشهر ميادينه.. ميدان الرصافة الذي يخترقه خط الترام.

إلى جانب أنه يحتوى على أكبر عدد من المدارس على مختلف مستوياتها بالنسبة إلى بقيه أقسام وأحياء الأسكندرية ولا زال القسم يتمتع برونقة القديم بالرغم من زحف المبانى العشوائية عليه.
17‏/4‏/2010 تم النشر بواسطة بدون اسم.
7 من 8
بص هي  الاسكندرية جميلة  ومحرم بك  تعتبر  منطقة  مش بطالة

يعني كويسة  

اما بقي بالنسبة للناس  اللي عايشة فيها  فكل  منطقة  فيها  الحلو  وفيها  الوحش

بس  محرم  بك   اغلبيتها  ناس  كويسين
19‏/4‏/2010 تم النشر بواسطة بدون اسم.
8 من 8
أنا منها وهى وسط اغلبها موظفين
26‏/4‏/2010 تم النشر بواسطة بدون اسم.
قد يهمك أيضًا
انا من اسكندريه و عاوز واحد بتاع سيراميك يكون كويس حد يعرف
بعد اذنكم حد يعرف ازاي اروح العبور منين من رمسيس او اكتوبر بس عاوز اروح منطقه الفيلات‏‏‏‏‏‏
انا من مصر ، وبالتحديد اسكندريه، وانتى من اى بلد يا شقيه و .... مشعارف ليه مشعايزه تطلع
يا ترى فيه حد ما بيحبش اسكندرية ؟
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة