الرئيسية > السؤال
السؤال
هل يوجد خيبه بالويبه وما هى التركيبه ؟؟؟
بص    حضرتك زى مافيه بسبوسة بالقشطة.... قطايف بالمكسرات...
بطاطس باللحمة.... ملوخية بالأرانب ...
ففيه خيبة بالويبة
وفية خيبة راكبة جمل
أما عن الخيبة اللى راكبة جمل عن إشمعنى الجمل فتفسيرها معروف
يقال إن الخيبة ظهرت منذ قديم الزمان ... أيام ما كانت الجِمال وسائل مواصلات..
فمش معقول يتقال خيبة الأمل راكبة مرسيدس ..أو شبح .أو همر مثلاً
فجرت العادة إنهم يقولوا إنها راكبة جمل... على قد علمهم بقى
هاتقولى ماكان فيه خيول و...و...
هاقول لحضرتك القافية تحكم...
ماهو زى ماحضرتك عارف إن الناس تسيب كل حاجة فى إيدها وتقعد تألف أمثال... شعبنا يا استاذنا شعب...
دا غير إن الناس كانت تقول راكبة جمل تفاؤلاً ببطئ الجمل وإن الخيبة وهى راكبة جمل هاتبقى خيبة بمزاج وجاية على الهادى مش بسرعة ونكروت خيبة الناس وماتعرفش الناس فى الحالة دى تخيب بضمير
المهم علشان ما اطولش عليك .....قول طول

بص هو احنا عندنا خيبه بالويبه صحيح

بس خيبتنا دلوقتى بقا غير كل خيبه فى اى زمن يعنى على الاقل الفراعنه

عملو حضاره و عرفو يتقنو حاجه تعيش 4000 سنه

ان كانت صوره فى معبد او عمود قديم او حتى موميا

بس احنا بقا دلوقتى بنتقدم فى الخيبه فلم يتقن المصرى حتى ما يأكله
و العمود اللى بيبنيه دلوقتى بيتهد فى دماغه و دماغ اهله
لم يتقن او يخترع المصرى ما يركبه

لم يتقن او يخترع المصرى ما ينير له طريقه

فهل تعتقد فى يوم انه سيعرف يمشى على طريقه

لقد ترك المصرى نفسه لغيره لكى يصنعو له و يخترعو له فهنيئاً له

ترك لغيره يصنع طعامه و شرابه

ترك لغيره يصنعله احلامه

فها هو المصرى الجديد فرعون من يومه سايب العالم يعمله كل حاجه و هو يدفع اصله متريش و معاه فلوس

اصله مش فاضى لا يصنع و لا يتقن و لا يخترع حاجه

المصرى مش فاضى

وراه نيو لووك و موبايل بكاميرا و دش بكاما و همبورجر بالكاتشب و مسابقات بالهبل

و خيبه بالويبا

مع انى حاسس ان خيبتنا دلوقتى خيبه بالكوسا و القرع

بس احنا اللى سايبين نفسنا كدا

احنا جوانا طاقات و افكار و دماغ جامده جدا بس مفيش فرصه نتنفس

محبوسين جوا نفسنا

و لا تنسو ان خير جند الارض هم جند مصر

احنا جوانا خير كتير بس يا خوفى ننساه و ننسى ازاى نصنع و ازاى نفكر و يا خيبتنا

لو جيبنا حد يفكرلنا

تصدقو احنا فعلا محتاجين حد يفكرلنا
الحافى جديد لانج 28‏/12‏/2011 تم النشر بواسطة الحافى (الكبير كبير).
الإجابات
1 من 1
سؤال طويل لكن كبير فعلا لخص مصر فى كذا سطر و هذه هى الحقيقة جيل هذا الزمن اتكالى عواطلى لا فايده منه ولاتنتظر شئ وهذا نذير شؤم بمستقيل اسود لولا من رحم ربى
28‏/12‏/2011 تم النشر بواسطة not now (ليس الان).
قد يهمك أيضًا
المثل الشعبي بيقول " خيبة بالويبة " فما معنى ويبة؟
خيبة الامل راكبه جمل ...
متي ينطبق مثل / خيبة الامل راكبه جمل ؟.
تقولي ايه لما تقراي الخيبة اللي احنا بقينا فيها ؟
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة