الرئيسية > السؤال
السؤال
كيف أقدر أجيب 6 في الأيلتس لأنــه تعب العيله
هلا و مرحبا

قد تمادى علينا الأيلتس كثيراً ( الله يحرقه ) أما التوفل جعله يتمادى علينا لين بكرة الصبح والله منا قاربه .

وأنــا ودي أجيب الأيلتس 5 أو 6 للألتحاق بالجامعة في الدولة أو خارجها (  علمــاً أنـي زرت ماليزيا سياحة 3 أشهر و أعجبتني جامعة ماليزيا للعلوم والتكنولوجيا وودي أدرس فيها بـس المشكله 6 أيلتــس )

وأنــا سوف أطرح عليكم موضوع لأحد طلاب جامعة قطر بخصوص الايلتس للفائدة كنت أبي أسجل في منتدى جامعة قطر بس ألي ما يشبه صاحبة حرام . .

اول الشي السلام عليكم


ثاني شي انا من الناس الي ميح بالنجليزي ... تعرفون ايش سويت عشان ايب الايلتس  ... اول شي الرايتينج ... قبل الامتحان بيوم خذيت نموذج رايتينج مال الرسمات البيانية وحفضته بس اللهمه غيرت كم كلمه في الامتحان يعني كتبت نفس الشي بس غيرت الارقام وشكل الرسمه البيانية ... احين في تاسكت تو حفضت كم كلمه الي يربط الكلمات يعني ما استعمل first, second ,therid و but .. طلعت كلمات قويه ... بلفيت اني اعرف اكتب مع العلم انا ما اعرف اكتب غير اسمي بالنجليزي.... وفي السبيكينج احسن شي... كتبت في قوقول ilets speking وصميت كم جمله ورحت اتفلسف عليه اهم شي سو نفسك واثق و مب خايف ..... و اللسيننج سهل مال يهال يعني اول مايعطونكم الورقه اقعدو اقرو الاساله كله فراغات اول ماتسمعون الكلمه الي يم الفراغ حط الكلمه الي بعدها الي تسمعها في الفراغ ... ونفس الشي في الريدينج اقرى الفقره وشوف وين الكلمات نفس الي في سؤال بتلاقي الاجابه .... المهم بالاخير يبت في الرايتينج والسبيكينج 6.5 هاي الي ساعدني وخلاني ايب 5.5     تراني من مصدقة ...معني ميح بالنجليزي يوم قدمت التوفل يبت 387 يعني ولا ليفل ون ... وصج درجتي في اللسينيج و الريدينج كانت4 بس طريقتي مالت السبيكينج والورايتينج وايد ساعدتني ويوم قلت للربع سوو نفس الشي ويابو الايلتس .... وخبركم وايد علينا نقول my name is ...المهم جربو طريقتي
وخلكم واثقين من نفسكم وتوكلو على الله ... وبتوفيق


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هذا الطالب جاب 5.5 وهو مايعرف شى عن الانجليزي وأنـا الحين في لفل 2 وقاعد أطور نفسي وبعد لفل 3 أقدر أمتحن الأيلتس و إنشاء الله بعد لفل 3 بكون مستوى OK أقدر أفهم إلى يدور من حوالي , يعني بما أن الطيب جاب 5.5 وهو ميح هل أقدر أجيب 6 و أنا أعرف الشوي أنجلش مع شوي نصبه هههههه.

أتمنــــي تساعدوني وتعطوني طرقكم و أرائكم وأذا كان عندكم طريقه تفيدني في الحصول على الأيلتس

وربي يوفقكم مشكورين ما قصرتوا أتمنى أنه يجي يوم ما نكون فيه محتاجين للأيلتس أو التوفل وشكراً مره أخرى
Google إجابات | التعليم الجامعي | الدورات التدريبية | العالم العربي 13‏/11‏/2011 تم النشر بواسطة بني ياسي 110 (Bani Yasi).
الإجابات
1 من 3
وليه ما تاخذ لك دورة عند مدرب بريطاني و تريح نفسك
انا كنت ماخذ توقل و الايلتس عند بريطاني الله يذكره بالخير و الصراحة كان رهييييييييييييييييييييييب
طبعا و انا ما قصرت من ناحيتي , وصف لي كتابين ممتازين و ذاكرتهم زين و الحمدلله جبت مرررره كويس بس ما أذكر كم , هالسالفه من سنين
بس ترى الكتب موجوده في جرير , اذكر واحد منهم نصه أزرق و أصفر و الثاني أسود صعب لكنه ممتاز , الله يوفقك
26‏/11‏/2011 تم النشر بواسطة koky2011 (Koko Abd).
2 من 3
انا اعرف شخص ساعدنى فى الحصول على درجة 7 والتحقت بالجامعة مقابل مبلغ مالى اذا كنت تريد المساعدة ده ميله ahmed_james2011@yahoo.com‏
24‏/9‏/2012 تم النشر بواسطة ielts - toefl.
3 من 3
لو سمحت اخوي ممكن تعطين الفقرات والكلمات اللي حفظتها لو ما عليك أمارة بلييييييييييز
22‏/12‏/2012 تم النشر بواسطة بدون اسم.
قد يهمك أيضًا
منين أقدر أجيب بطاقة الCash U ؟
إزاي أقدر أجيب فيزا انترنت ؟
لو سمحتوو لو درست لغة روسيه وين أقدر اتوظف تكفوون افيدووني
أنا عندي واحد صديفي أبغا أعرف نتيجته في المدرسه وكذا أبغا أعرف كيف أقدر أجيبها ملاحضه : أنا من السعوديه
كيف أجيب دباب قبل شهر رمضان,,وأنا طبعا لا توجد لديا وظيفه وع 19س..ألاقي حل عندكم ياحلوين,,أتمنى
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة