الرئيسية > السؤال
السؤال
مـــــــــــــــــــنــــــــــــــــــــــوريـــــــن يــــــــا أعـــــــضــــــاء جــــوجــــل
الأعراس الفلسطينية

طبعا لازم قاعة ...
مو مهم بفندق بنادي بالشارع

المهم قاعة...
وطبعا
بيبدأ العرس بس نسوان ... وكل البنات لابسين أحمر أو دهبي وفضي ....
وخمسين أم بتلف عالطاولات عم تدور على عروس لابنها...
واذا مالقت لابنها عروس بالعرس بس تروح عالبيت بتحضر فيديو العرس كمان مرة ومرتين وعشرة مشان تتأكد انو ما نسيت شي بنت متخبية تحت الكرسي ما شافتها
والعروس الله لا يورجيك شو عامل فيها الصالون ... شوي بتقلب مهرج .....
وفجأة بيدخل العريس وأبوه وأخواته واولاد عمه
واولاد خاله وكم واحد من
اصحابه الصيع ... وكلهم لابسين بدلات الشغل .وهات اللي يطلعهم لآخر العرس...
----------------------

الأعراس اللبنانية :

ألف بنت وخمسين شاب .... ونص الشباب
سكرانه ... والمسترة لابسه ميني سكيرت وحفر...

الشباب بدل من دون ربطة ....
والقميص مفتوح وسلسال ذهب ....
والعروس أكتر وحدة بترقص بالعرس...

العريس بيرقص مع صاحبته .... والعروس مع أخوه
وإم العروس مع خاله ... والحياة حلوة ...
----------------------

الأعراس السورية :
العرس صغير .على الأقل200 شخص لأنه ما لحقوا وعاملينها عالديق لا تواخزونا...
وطبعا كل العرس شباب وصبايا ...وعلى كيفك
الجينز .... والبنات اللي بكونوا شادين الهمة بالرقص هنن من طرف العريس .....تارة من أهله
وتارة صاحباته...
البوفيه عالقد ... ولازم سيارة الزفه بي ام...

ومن أول العرس لآخره دبكة علوش ..
-----------------------
أعراس الامارات :
عرس الرجال متل العزا بالأردن
بس الفرق انه في واحد لابس بشت مستعيره ..... وطبعا الكل صايم يومين مشان العشا ..

عرس الحريم شبيه الحفلات التنكرية اللي منشوفها عالتلفزيون ......
وطبعا لو نزلت مطر عليهم بتصير الأرض كلها ألوان الطيف ....
----------------------------

أعراس الأردنيين :

خمسين طاولة ... كل طاولة عليها خمس رجال ... المنسف والذبيحة قدامهم.....
غير الطخ الشغال على ابو جنب ...

يعني ما بيهدى بالهم الا بس يدبحولن حدا ...

مشان بعد العرس ما يمللوا .....

يعني بصير في عطوه او جاهه اوشي مشان ياكلولهم فيه لقمة منسف ثانية

-------------------------
أعراس المصريين :
بتخزي من اولها لآخرها وما بتسمع غير الزلاغيط وعأبالك يا فاروووق ، والله يخليك يا معلم ......
وكانت عم تصير إما بنادي الماء والكهرباء او النادي السياحي ... وبس لما سكروهم عزف المصريون عن الزواج ...
-------------------------
أعراس السعوديين :
خيمة كبييييييييييييرة او قاعه كبييييييييييييييييييييره ... فيها ألف واحد لابسين بشت .... وكل واحد شايل سيف ومفكر حاله نمر بن عدوان
وبعد هيك بتبدا الحرب مع الرز والحمه
والله لا يورجيك
الدم للكوع - عفوا الزيت للركب

------------------------
اعراس السودانييين:
العريس نايم ، والعروسه نايمه ، والمعازيم نايمين ..، والنور مطفي ..والحياه ظلمه ، ولما يصحوا بخلص العرس ... والله يعين
Google إجابات | العلاقات الإنسانية | العالم العربي | الإسلام | جوجل 10‏/2‏/2013 تم النشر بواسطة احمد اردني (احمد ابوطالب).
الإجابات
1 من 8
ههههههههههه ضحكتني
10‏/2‏/2013 تم النشر بواسطة وطني الاردن (محمد الحويطات).
2 من 8
النور نورك يااحمد
10‏/2‏/2013 تم النشر بواسطة kanetsogu na oe.
3 من 8
النـور نـورك يـا لـغـلا ^^


+1
10‏/2‏/2013 تم النشر بواسطة اسلامي هو ديني.
4 من 8
هههههههههههههههههههههه يعجبني العرس البناني
10‏/2‏/2013 تم النشر بواسطة لاللخضوع (ضد الاستبداد).
5 من 8
بوجودك ووجود الحاظرين

أسورت وأنورت
+++++
10‏/2‏/2013 تم النشر بواسطة فوازالسلمي (فواز السلمي).
6 من 8
هههههههههههاي
10‏/2‏/2013 تم النشر بواسطة JàMᣠ(jamal barakat).
7 من 8
هههههههههه احلى الاعراس هههه بس شو رايك في العرس المغربي
10‏/2‏/2013 تم النشر بواسطة نهال المغربية (nihal maryam).
8 من 8
اعراس السودانييين هههههه

والله حرام عليكو يا زول هههه
10‏/2‏/2013 تم النشر بواسطة جزايري مطرْوَش (حمد وشكر).
قد يهمك أيضًا
ما الفرق بي العرس والزفاف
لماذا النساء تحب العرس كثير لو قالو انو في عرس في الصين وطريق مفتوحة يذهبن هناك
حلمت انو رايحه انا وخطيبي وصديقتي نشتري فستان العرس وانا طلبت فستان احمر في حد بيعرف التفسير
انا كنت احبه خطببتي بس يوم قرب العرس احس بكرة له وهي مهمله
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة