الرئيسية > السؤال
السؤال
اسئله الرخامه على اصولها
الرخامه على اصولها

1- ليه ابوتريكة بيلبس فانلة 22 ؟                  عشان 21 ضيقة عليه

طب ليه مبيلبسش 23 ؟                           عشان فلافيو بيلبس 23

2- طب ايه هو الحيوان التعيس؟                  القطة عشان ديما تخربش ومتكسبش

3- طب ايه الحيوان اللي دايما مشغول؟        الخرتيت .. تيت .. تيت

4- طب ايه الحيوان اللي بياكل ويشرب بديله؟ كل الحيوانات بتاكل وتشرب بدلها،عمرك شفت حيوان ساب ديله وراح ياكل؟

5- طب ايه اقدم حيوان؟                          الحمار الوحشي .. عشان ابيض واسود

6- طب ايه هو اجدد حيوان؟                     القنفد عشان بشوكه..والكنغر علشان بكيسه

7- طب ليه التلاجة غبية؟                        عشان بتحفظ الاكل .. مبتفهموش

8- ماهي قمة الحيرة؟                            يقال لك اجلس في ركن غرفة مستديرة
9- ماهو قمة الذكاء؟                                ان تجد ركن للغرفة
10- ماهو قمة الالم؟                              التزحلق على زحلاقة مغطاة بشفرات حلاقة وشظايا الزجاج
11- ماهي قمة العذاب؟                          السقوط بعد ذلك في حوض به كولونيا
12- ليه الهرم فيه حتة حديد من فوق؟          عشان يتشال منها وينضفوا تحتيه

13- ايه الشبه بين الجورنال والشمس ؟؟      الاتنين بيطلعوا الصبح

14- ايه الشبه بين التفاح والكمثرى ؟؟          الاتنين مش جوافة
15- ايه الفرق بين الصحراء وايام الاسبوع وموس لورد ؟؟
                                                      الصحراء مفيهاش حد
                                                      ايام الاسبوع فيها حد
                                                      موس لورد فيه حدين

16- واحد وقع من الدور التاسع لقى ايه؟؟     لقى مصرعه

17- ليه الارنب مبيعديش من قدام القهوة ؟؟  بيخاف من السحلب المكار

18- دكتور اسنان ارتكب جريمة يسجنوه فين ؟؟ في سجنال تو

19- ليه نابليون كان بيقعد قدام التلاجة ؟؟ عشان يطمن علي حملة فريزر

20- ايه هي قمة الادب ؟؟                   انك تخبط على التلاجة قبل متفتحها
21- ايه هي قمة الصبر ؟؟                   انك تستنى حد يفتحلك
22- ايه هي قمة الدهشة ؟؟               حد يفتحلك فعلا

23 - إيه وجه الشبه بين الحلاق وجورباتشوف ؟ الإتنين بيتعاملوا مع الروس

24- إيه وجه الشبه بين القمر وصينية البطاطس ؟ الإتنين ميتعملوش عصير مانجو

25- إيه العلاقة بين الكمبيوتر والحفرة ؟
                                                      الكمبيوتر حاسب آلى أما الحفرة حاسب لتقع

26- ليه الأرجنتين مش بيزرعوا تين ؟             لأنها دولة لا....تينية

27- إية الفرق بين الزيتون والليمون ؟؟
                                                       التانى بيتعمل لاموناته والأول ما بيتعملش زاتوناتة

28- واحد بيحدف زلطة على بيت ازاز والبيت محصلوش حاجة ليه؟
                                                       عشان الزلطة مجتش فيه

29- طب كتكوت بيعدي الشارع و فجأة مات .. ليه؟ الزلطة جت فيه

30- حاجه طايره فى السما وبتقول نياو ايه هى؟؟؟ قطه بيضاء مضروبه بالشلوت

31- طب حاجه سوده طايره فى السما وبتقول نياو ايه هى؟؟؟ غراب بيستهبل

32- طب حاجه بنى طايراه فى السما وما بتقولش حاجه ايه هى؟؟؟
فرده جزمة الراجل الى ضرب القطه البيضاء
كوميدى 28‏/10‏/2009 تم النشر بواسطة 811.
الإجابات
1 من 8
ههههههههههههههه

رغم انها رخمه بس بتضحك

ربنا يسعدك
28‏/10‏/2009 تم النشر بواسطة كنزززى (كنزززى *********).
2 من 8
هذي سماجه مش كوميدي
28‏/10‏/2009 تم النشر بواسطة المشتري.
3 من 8
رغم انها فعلاً رخمة
لكن مقدرش انكر
ان انا ضحكت عليها
شكراً
26‏/5‏/2010 تم النشر بواسطة EGYPT 2010.
4 من 8
هههههههههههههههههههههههههههه
جامدة اخر حاجة
احسن سوالين: ايه قمة الالم - وايه قمة العذاب
3‏/7‏/2010 تم النشر بواسطة لؤلؤة الايمان.
5 من 8
انت مفكر نفسك اة انت 100 100
7‏/9‏/2010 تم النشر بواسطة birthday.
6 من 8
والله كومديدى ورخم فى نفس الوقت شكرا ليك
29‏/11‏/2010 تم النشر بواسطة alawyp (mohmmed alawyp).
7 من 8
you are inentillegt
28‏/12‏/2010 تم النشر بواسطة Abu Karar (الخطوف ياسر).
8 من 8
ههههههههههههههههههههههههههههههههههه الله يعين الي بنسال هيك اسئله
17‏/6‏/2011 تم النشر بواسطة ¥أسووله¥.
قد يهمك أيضًا
الولاد لو قابلوا واحد ناسيين اسمه بيقولوه ياباشا او يامعلم طب البنات بتعمل ايه ؟؟؟؟؟؟
بقالك اد ايه ماصلتش الفجر جماعة فى المسجد ؟طب انت بقالك اد ايه ماصلتش خالص ؟
لما اتابع حد هنا بيحصل ايه ؟ يعنى اتابع حد ليه ؟
سوال؟؟؟؟؟؟؟
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة