الرئيسية > السؤال
السؤال
عاوز اعمل دفتر توفير بعائد شهري بنك مصر ام البنك الاهلي انسب للموضوع ده؟
ياريت اللي يجاوبني يقولي الدفتر يتفتح بكم او المبلغ الادني والعائد الشهري كم
البنك الأهلي | الاقتصاد والأعمال | افضل بنك | دفتر توفير بعائد شهري | بنك مصر 23‏/8‏/2010 تم النشر بواسطة محمد رضا (M Reda).
الإجابات
1 من 7
العائد الشهري؟؟ : نار جهنم.. والعياذ بالله لمن يأكل الربا
فكما هو معلوم أن العوائد التي تكون على الحسابات التي يتم فتحها في المؤسسات المالية تكون ربا محض .. وربا صريح..

فانت تختار المدة التي تحب أن تقضها في جهنم بناء على المبلغ والعائد والمدة... (لان أي جسد نما من السحت فالنار أولى به )
فرجاء أعطني الفترة التي تحب أن تقضيها انت في جهنم لنخبرك بالمبلغ الذي يجب أن تفتح فيه الدفتر والمبلغ الأدنى... والعائد الشهري كما هو معلوم للجميع ( محق وسحق وضياع لك ولصحتك وللخير عنك ) ( يمحق الله الربا )

واياك ان تصرف من هذه المبالغ على أولادك وزوجتك واخوانك واخواتك وعائلتك حتى لا تطعمهم مالا حراما....
24‏/8‏/2010 تم النشر بواسطة sha.
2 من 7
والله انا الى اعرفه ان لو ممكن تستثمر اموالك فى مجال غير البنوك يكون احسن لانخفاض نسبة الربح ولو نويت ومفيش فى أيدك مجال تقدر تكسب منه غير البنوك فأفضل الى انا شفته شهادة اميرال من البنك العربى الافريقى وهى نسبتها 11% لكن مشكلتها عشان تاخد الربح دا لازم تعمل الشهاده لمدة 11 سنه اما بالنسبه للحرام والحلال فدا موضوع تانى فمثلا طالما انك مش تاجر ومعندكش مجال ممكن تكسب منه فمأظنش ان هيكون حرام طالما مضطر وفى أيه فى القرأن بتقول (فمن أضطر غير باغ ولا عاد فلا أثم عليه )وبناء عليه طالما انك معندكش مجال تانى تقدر تستثمر فيه فلوسك فهنا انت فى حكم المضطر والله اعلم وربنا يدلك على الى فيه الصالح
26‏/8‏/2010 تم النشر بواسطة انسان اليوم.
3 من 7
بنك مصر السرقه فيه كترت وناويين يدوه لبنك اجنبي
خليك في البنك الاهلي اامن بس استحمل الزحمه
وفيه دفتر توفير البريد اسهل في اي مكتب بريد
وان شاء الله لما يكون معاك فلوس جامده يبقي بنك ابو ظبي
واما البنوك الاجنبيه الي ملت البلد فكلها استهبال شغالين عالقروض بفوائد استعباط
وربنا يهدهم كلهم
28‏/8‏/2010 تم النشر بواسطة ahmagdy.
4 من 7
بصراحه لاانصحك بالبنك الاهلى ولا بنك مصر العائد ضعيف بدرجه لاتتخيلها ٦%او ٧%مش اكتر سنويا ودا كلام فارغ ودا ينطبق على البنك الاهلى وبنك مصر  يعنى ال٥٠٠ جنيه اخر السنه هاتجبلك عائد ٣٠ جنيه تقريبا او اذيد من كده بشىء بسيط جدا او اقل كمان ولو هتاخد بنصيحتى افضلك حاجه من اتنين اما دفتر توفير ودا نسبته ٩.٢٥ % او انك تدخل دفتر استثمار البورصه ودا من البريد برضو ودا نسب ربحه على حد ماسمعت من ١ الى ٢٠% بس اسبوعيا ومعرض للمكسب والخساره فى الربح انما الحكومه بتضمنلك رأس المال من وجهة نظرى دا اسلم حل ممكن تتصل بالبريد وهما يفيدوك وعلى فكره من رابع المستيحلات ان لم يكن سابع المستيحلات ان ٥٠٠ جنيه تجبلك عائد شهرى من بنوك او غيره دا عائد سنوى وضعيف كمان ويمكن افضلهم الى قولتلك عليه دفتر استثمار البريد بالنسبه للطلبات مفيش اكتر من بطاقتك الشخصيه
1‏/9‏/2010 تم النشر بواسطة انسان اليوم.
5 من 7
يااخ sha فى حاجه اسمها المضطر بلاش كل واحد يحفظ كلمتين يطلع فى اى مكان حرام حرام نار نار والكلام دا لما يكون واحد بيفهم فى التجاره او بيعرف فيها يبقى معاك حق انما لو واحد مش بيفهم فى التجاره وهايخسر دا اسمه حكم المضطر واتمنى تبقى تسأل احد العلماء فى الموضوع دا انما التكرار بالطريقه دى وواضح انك مش متفهم اصلا يبقى اسمه انك بتكره الناس فى الدين واتمنى تكون ارائك الدينيه عن علم واتمنى ايضا متكونش بتاخد الاراء من علماء لايفقهون شيئا اكثر من قراءة كتب وفقط
6‏/9‏/2010 تم النشر بواسطة انسان اليوم.
6 من 7
كل الناس تقولك حرام ونار وربا طيب انت يا استاذ sha مهما كانت شغلتك او وظيفتك حتى لو امام في جامع انت بتاخد مرتبك من وزارة الاوقاف صح والوزارة لها فلوس ومخصصات من ميزانية الدولة اللي بيجلها فلوس من الضرائب والبنوك الحكومية وتوفير البريد واستثمارات في مشاريع كتير جوا مصر وبرا مصر وتاخد حضرتك الراتب من الفلوس دي يبقى على كده انت كمان عايش من حرام اولا كل الفوائد اللي على الفلوس دي مش حرام لانك تعتبر مساهم في الشركة او المشروع اللي البنك بيمولو ولو كان في ربح بتاخد لو خسارة ياما هيقلللو النسبة بنسبة الخسارة يا اما مفيش فوائد اصلا والبنك مش اهبل انو هيديلك فلوس فايدة وهو عامل خسارة وكمان اللي خد قرض مش هياخد قرض الا وهو عارف انو هيكسب في تجارتة ومشروعو يبقى حلال مليون في المية والشيخ طنطاوي الله يرحمه كتب في الموضوع ده كتاب ان الفائدة في البنك حلال اما البنوك الاسلامية فهي زيها زي العادية الا انهم بيضحكو على الناس وميدهمش حقهم ويحتفظو بيه وانصح الاخ اللي بيسال انو يفتح دفتر بريد او حساب ذو عائد يومي في البريد بردو
5‏/11‏/2010 تم النشر بواسطة بدون اسم.
7 من 7
طب انا معايا5000جنيه وعايزة اشلهم وممكن احط عليهم كمان بس مش عارفة اشلهم فى دفتر توفير ولا بنك ولو شلتهم وطلبت منهم مثلا ميلغ كبير فى وقت انا محتجاهم ممكن البنك او الدفتر يقولى المبلغ غير متوفر الان
6‏/8‏/2011 تم النشر بواسطة بدون اسم.
قد يهمك أيضًا
سؤال عن بطاقة الاهلي مسبقة الدفع
مضار او عيوب بطاقة الاهلي الائتمانية
كيف ادخل على حسابي من بنك الاهلي من النت
منافذ بيع تذاكر الدوري العام الاهلي وحرس الحدود والاسعار ؟؟؟؟؟؟؟2011 10 14
انا طلعت بطاقة مسبوقة الدفع من الاهلي فا ايش هوا اقل مبلغ اقدر اشحنو بيه
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة