الرئيسية > السؤال
السؤال
ماذا حدث في يوم الغضب المصري 25 يناير واعتصام ساحة التحرير واالمظاهرات في القاهرة والاسكندرية واسوان والمنصورة؟
25 يناير في مصر | يوم الغضب المصري | وسائل الإعلام | العالم العربي | مصر 26‏/1‏/2011 تم النشر بواسطة مستخدم جديد جدا.
الإجابات
1 من 9
حدث أن الشباب أستيقظ أخيرا
من أجمل ما قرأت التوعية التي ينشرها الشباب على الإنترنت لتشجيع بعضهم ومؤازرة بعضهم في حالة أعتقلت السلطات أحدهم في المظاهرات
أحب أن أنقلها للجميع
1 - خلى خيار القبض  عليك آخر حاجة .. حاول تجرى و تهرب.. من الذكاء الا تعتقل من الأساس

2 - فى حالة التقفيل عليك ولا يوجد طريقة للهروب، استسلم حتى لا تصاب ويحصلك مكروه

3 - اول ماتركب العربية لازم تفهم حاجة واحدة مهمة جدا .. ان فى جيش برة من المحامين والمنظمات والقنوات الفضائية هاتنقل الخبر وهاتدافع عنك مهما يحصل

4 - بلاش خوف وفزع اهم حاجة ضبط النفس و الهدوء فى الفترة الاولانية

5 - بعد ما يتقبض على شباب تانى ويبقى عددكم معقول ابتدوا قسموا الادوار .. و اختاروا واحد بس هوه اللى يتكلم بإسم المجموعة و يتفاوض مع ظابط الأمن اللى فى العادة بيكون مش عارف يتصرف

6 - جهز رسالة على موبايلاك لجبهة الدفاع عن متظاهرى مصر و اى حد يقدر يوصل صوتك ان تم القبض عليك و ابعتها فوريا اول ماتدخل العربية لانهم هاياخدوا الموبيلات بعدها بشوية

7 - اول ما العربية تتحرك ابتدوا اهتفو من الشبابيك  لمصر و الحرية وخبطوا على جدران العربية من كل الجهات .. لو بتدفع تمن انك اتظاهرت يبقى عرف البلد كلها ان كان فى حاجة بتحصل و انت فى السكة

8 - فى الغالب العربية هاتلف على اماكن كتير لحد ما يوصلها تعليمات .. ماتنشغلش العربية رايحة فين لأن اللى برة كلهم عارفين مكانك هايبقى فين و هايتوجهوا عليه قبليك علشان يبتدوا اجراءات الدفاع

9 - فى حالة انك عايز تقضى حاجتك .. فى ازايز او اكياس هاتلاقيها كدة كدة فى العربية .. و الحل الاحسن انك تعملها تحت عقب الباب على برة علشان تقرف الامن اللى قاعدين فى خلفية العربية

10 - نظم الوقت ما بين الهتاف من الشبابيك و مابين الخبط و مابين لحظات الهدوء اثناء التفاوض

11 - لازم وأنت بتتفاوض تفهم الظابط ان كل المنظمات برة عارفة انتوا فين و انكوا اتقبض عليكوا

12 - أكثروا من الغناء الوطنى لرفع المعنويات .. و خصوصا للناس اللى هايتقبض عليها غلط هايبتدوا ينهاروا و دة دور اللى فاهميين يعرفوهم و يفهموهم

13 - فى حالات هايتم فيها  إلقاء المقبوض عليهم فى الصحرا مجموعات بعد ما يكونوا اخدوا بطاريات الموبيلات ..  فى كل مكان.. هاتلاقى مواصلات ماتقلقش  قول للسواقين على الطريق انك كان مقبوض عليك و اطلب منهم انهم يوصلوك

14 - اهم حاجة متفقدش الروح .. اليوم دة سبقه ايام كتير الناس نزلت فيه علشان بلدها و انت مش اقل منهم وتضحيتك مش اقل من تضحيتهم .. خطوة على خطوة هانوصل
26‏/1‏/2011 تم النشر بواسطة hana111 (Hana N).
2 من 9
الى كل اخوانى على الموقع  ها نحن المصريين والعرب اخوة
متحابين صامدين فى وجه اى ظالم الى ان ينصرنا الله باذنه تعالى
تحياتى الى كل من شارك فى هذا الحدث التاريخى  ولو بكلمة او رأى
تحياتى لكل اخوتى فى الوطن
26‏/1‏/2011 تم النشر بواسطة ابو حسن المصرى.
3 من 9
انا نزلت وشوفت المظاهر بنفسى لقيت اللى عمال يزع ويصرح ويخبط، باطل باطل باطل وكلام كدا وبتاع
طيب دول نازلين يهيصوا مش نازلين يعملوا مظاهرة .. الشباب اللى زى دوول فاكرين نفسهم نازلين فرح او العكس نازلين يعزوا فى قتيل ، اللى انا عايز اقوله الفرق بين ثورة تونس والثورة التلقيدية بتاع 25 يناير
ان - رجالة - نساء - اطفال - شيوخ - كلهم نازلين وحاطين فى دماغهم لندافع عن الوطن لنموت،بمعنى
كل واحد عنده ست بيت امه زوجته بنته .. الخ قالها خدى  كدا هدومى  خدى فلوسى الوداع يا حاجة ونازل حاطت فى دماغه حاجة من الاتنين اما الدافع عن الوطن والقضاء على الفساد والارهاب
واما الموت والشهادة فى سبيل الله .. قولى انتا لقيت حاجة من دى فى ثورة 25 ؟؟
26‏/1‏/2011 تم النشر بواسطة بدون اسم.
4 من 9
أجمل مظاهرات شاهدتها في مصر ..

وأكثرها تنظيماً ..

الله يحميكم..
26‏/1‏/2011 تم النشر بواسطة أبجد هوز.
5 من 9
انا الحمد لله انا دلوقتي بفتخر اني انا مصري
26‏/1‏/2011 تم النشر بواسطة بدون اسم.
6 من 9
ان شاء الله التغيير قادم لا محالة
27‏/1‏/2011 تم النشر بواسطة SASASASA.
7 من 9
الشعب يريد اسقاط الحكومة
الشعب يريد اسقاط الحكومة
27‏/1‏/2011 تم النشر بواسطة فطوم lol.
8 من 9
أمة واحدة شعب واحد مطلب واحد يا مبارك يا مبارك الطيارة فى انتظارك
إن شاء الله نجني ثمار الثورة تم إقالة الحكومة و لكن هذا ليس هو المطلوب بل المطلوب إقالة مبارك و لا تراجع فالشعب قام و قطار التغيير في مصر إن شاء الله قادم بعد أن حاول البعض التشكيك في قدرة الشعب المصري على الثورة في وجه الظلم والفساد.. غير أن من يعرف شعب مصر حق المعرفة يدرك جيدًا أنه ربما يكون صبره طويلا، لكنه ما أن يقرر التحرك فلن توقفه قوة على الأرض.. وكانت غضبة الأمس و ستكون غضبة اليوم صورة مصغرة لما يمكن أن تكون عليه غضبات تالية.. فقد دارت عجلة التغيير بالفعل، ولن تتوقف قبل أن تحقق هدفها المنشود.
27‏/1‏/2011 تم النشر بواسطة أبوعلي (أبوعلي عبدالرازق أبوالسعود).
9 من 9
،،، الله أعلم ،،، ولكن الغضب ليس محبب في الإسلام ،،، لا تغضب ،،،
1‏/2‏/2011 تم النشر بواسطة الكتوم.
قد يهمك أيضًا
هل سيتغير اسم ميدان التحرير , من ميدان التحرير الى ميدان الثورة او ميدان 25 يناير ؟
هل كانت خطبة القرضاوي في ساحة التحرير انحرافا خطيرا للثورة المصرية؟
ما هو افضل شىء فى ثورة 25 يناير؟
ما هي ؟؟
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة