الرئيسية > السؤال
السؤال
المعهد الفنى الصناعى؟
أنا عايذ أعرف هل معهد فنى صناعى بياخد طلبة ثانوية عامة من شعبتين علمى وادبى ومن كام ؟؟ وفرصة هندسة منه بتكون كبيرة ولا ماشية بالكوسة بردوا ؟ ولو هندسة بدخل أول سنة أعدادى بردوا وبعد كدا قسمى بيتحدد ؟؟؟ هل يمكن دخول هندسة بترول من معهد فنى صناعى ؟
التعليم الجامعي | الجامعات 24‏/10‏/2010 تم النشر بواسطة بدون اسم.
الإجابات
1 من 8
انت لو ثانوية عامة تقدر تدخل المعهد ب 50% وعلى اسوأ تقدير لو رفعوه جدا جدا جدا ودا حصلت فى سنة واحدة بس بتدخله ب 65% تقريبا
ولو انت ثانوى صناعى مش عارف بتدخله من كام الحقيقة لكن دايما بيدخله الطالب المتوسط
لإن طالب الثانوى الصناعى الممتاز بيجيب مجموع يخليه يعمل معادلة هندسة على طول ويدخل بعد الثانوى الصناعي هندسة من غير ما يدخل المعهد



الاقسام جوة المعهد هى نفسها اقسام هندسة
الكترونيات .. عمارة .. مدنى .. ميكانيكا

اعلى قسم بياخد من 85% تقريبا من تنسيق الثانوية العامة
يعنى انت مثلا جبت 75 % فى الثانوية العامة
ودخلت المعهد
مش هتدخل قسم إلكترونيات اللى هو اعلى قسم

لكن بكل سهولة تقدر تعمل التماس للبشمهندس عميد المعهد وتحول لأى قسم انت حابه

جوة المعهد لو انت ثانوية عامة هتتعامل معاملة خاصة جدا لإن المهندسين بيشفقوا على طلاب الثانوية العامة لإنهم عارفين انهم كانوا عايزين يدخلوا هندسة ومعرفوش واضطروا يضحوا بسنتين كمان علشان يبقوا مهندسين
بالاضافة ان فيه فرق كبير بين مستوى طالب الثانوية العامة والثانوية الصناعية


المعهد سهل جدا جدا جدا جدا
مدة الدراسة فيه سنتين مقسمة على 4 تيرمات
كل سنة تيرمين

وبكررها سهل جدا جدا جدا جداااااااااااااااااااااا

وهتقدر تجيب مجموع فيه بكل سهولة

بعد ما تخلص المعهد هتقدر تدخل اى هندسة انت عايزها
لكن فيه هندستين بياخدوا من مجموع عالى اوى

هندسة القاهرة بتاخد من 94 % وهندسة بترول بتاخد من 96% او 97 %
وبكررها تانى وتالت ورابع
سهل جدا جدا جدا ااااااااا تجيب 98%

واعمل حسابك انك هتاخد اعمال السنة كاملة
40% من كل مادة
يعنى الكفاح كله هيكون فى ال 60% الفاضلين

واهم حاجة الحضور
المذاكرة مش هتذاكر كتير لكن لازم تحضر على طول


بعد ما تخلص ليك تنسيق خاص زى تنسيق الثانوية العامة
وزى ما قلتلك بتدخل اى هندسة تحبها



.........
لو حابب تعرف معلومات تانية اسأل
انا ان شاء الله هدخل المعهد ده
اقابلك هناك
28‏/7‏/2011 تم النشر بواسطة بدون اسم.
2 من 8
المعاهد الفنية الصناعية :-

(أ) معاهد مناظرة "القبول بها جغرافي"
وهي المعهد الفني الصناعي بــ (المطرية – شارع الصحافة  – كامب شيزار – الزقازيق – أسوان- قويسنا – بور سعيد – المحلة الكبرى – قنا – بئر العبد – بنها – سوهاج).
(ب) معاهد غير مناظرة(متخصصة): ويتم القبول بها خارج نظام القبول الجغرافي ومتاح لطلاب جميع المحافظات وهي:-
الفني لصناعة مواد البناء بأسمنت حلوان – الفني للبصريات بالمطرية- الفني الصناعي بشبرا – الفني الصناعي بنجع حمادي - الفني للري والصرف والمساحة واستصلاح الأراضي بالجيزة – الفني للري والصرف والمساحة بأسيوط – الفني للري والصرف والمساحة بقنا – الفني الصناعي للمنشآت البحرية واقتصاديات النقل البحري ببور سعيد .
شروط وقواعد القبول بالمعاهد الفنية الصناعية
أ‌-        الحصول علي الثانوية العامة من الشعبتين العلمية والادبية
   ب‌-      القبول جغرافي بالمعاهد المناظرة الموضحة سابقا – انظر قواعد القبول الجغرافي بالفصل السابع.
ج-  يشترط لقيد الطالب بعد الترشيح للمعاهد الفنية الصناعية الشروط الطبية الآتية:-
- أن تكون حدة الإبصار 18/6 ،  18/6 أو 12/6 ، 24/6 بنظارة.
- أن يكون ناجحا في كشف تمييز الألوان لمعاهد البصريات – الصناعي بشبرا.
وكذلك لشعب الكهرباء والسيارات والإلكترونيات بباقي المعاهد الصناعية والمساحة الجوية والطباعة بمعاهد الري والصرف.
- سلامة الأطراف والعمود الفقري.
- كفاءة القلب والرئتين والتوازن العصبي.
22‏/7‏/2012 تم النشر بواسطة TheLast Person (TheLast Person).
3 من 8
ملحوظه المعاهد الخاصه لا تتبع وزاره التعليم العالي وبالتالي لا يحق لها الالتحاق بكليه الهندسه
1‏/9‏/2012 تم النشر بواسطة AHMEDGAFAR (Ahmed gafar).
4 من 8
بعد ازنك دلوقتى انا عايز اعرف حاجة بس انا ف ثانوى عام وعايز ادخل حاجة من الاتنين ل معهد المطرية او معهد نظم ومعلومات ومحتاااار كل الاحتيار ف الاتنين دول بالله عليكوا من لدية خبرة يرد عليه
11‏/9‏/2012 تم النشر بواسطة بدون اسم.
5 من 8
المعهد الصناعى بياخد من علمى علوم ولا إيه النظام ولا إيه يا جماعة ... ارجوكم ؟؟؟
5‏/10‏/2012 تم النشر بواسطة بدون اسم.
6 من 8
وانا عايز اعرف انا دلوقتي في قسم اجهزة الكترونيات وعايز افهم فين الكتب بتاعتها وازاي اذاكر وانا مش معاية كتب ياريت لوحد عنده رابط واحمل من علية يبقي مشكووووووووووووووووووووووور
18‏/10‏/2012 تم النشر بواسطة بدون اسم (التنين الرومانسي).
7 من 8
فضائح الكلية التكنولوجية بالمحلة والمعهد الفنى الصناعي
http://f-tc.blogspot.com/‏
7‏/5‏/2013 تم النشر بواسطة بدون اسم.
8 من 8
لا
17‏/9‏/2013 تم النشر بواسطة بدون اسم.
قد يهمك أيضًا
المعهد الفنى الصناعى
ماهى الوظائف المتاحة لخريجى المعهد الفنى الصناعى قسم ديكور
اعتبار المعهد الفنى الصحى مؤهل عالى
هل يوجد موقع اومنتدى خاص بالتعليم الفنى الصناعى
هل يوجد فسم بترول فى معهد الفنى الصناعى؟
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة