الرئيسية > السؤال
السؤال
م احمد ابو الفتوح عايز معلومات عن معهد فنى صناعى
لو سمحت يا بشمهندس
انا خلصت تالتة ثانوى بمجموع 93 % و كان حلم حياتى هندسة بس راحت عليا

دلوقتى انا سمعت عن المعهد ده انه ممكن عن طريقة ادخل هندسة

ممكن معلومات عنى

ازاى اقدم و هل موجود فى التنسيق ولا لأ و نوعية الدراسة فيه

و نصايحك ليا

و شكرا ليك
Google إجابات | التعليم الجامعي | الجامعات | مصر 31‏/7‏/2011 تم النشر بواسطة Kareem wahid.
الإجابات
1 من 2
مدام انت علمى رياضة قدم فى كليات الهندسة كلها
وبعدين اكتب المعهد فى التنسيق
افضلهم معهد بنها .. بيطلع منه اعلى مجاميع على مستوى معاهد مصر
وافضل الاقسام الكترونيات .. برضو بتطلع اكبر مجاميع فى كل معاهد مصر

فعلا لما بتخلصه بتدخل منه هندسة .. بس لازم التقدير
التقدير سهل جدا جدا جدا جدا

هتحس بكدا من اول الدراسة خالص
هتدرس فى اول ترم فيزياء .. تقريبا شابتر واحد من الفيزياء اللى كنت بتدرسها فى الثانوية العامة
ومتنساش ان معظم اللى هيكونوا معاك جايين من ثانوى صناعى ... فمينفعش يدوهم مناهج ضخمة فجأة كدا ..

فإطمن من ناحية التقدير ومن ناحية سهولة المواد .. الدنيا كويسة جدا

وتقدر تدخل هندسة القاهرة و هندسة بترول وتعدين السويس واى هندسة تانية فى مصر لو حابب من المعهد


لو لا قدر الله مجبتش تقدير .. هتقدم على معادلة هندسة فى جامعة القاهرة و يدوك كتابين فيزياء و رياضيات وميكانيكا .. سهلين جدا
محتاج تجيب 50% بس علشان تدخل هندسة
ولو لا قدر الله منجحتش فى المعادلة ممكن تدخلها تانى

مش عايزك تضيع الفرصة دى من ايديك


والله يا هندسة انا لسة من كام اسبوع مستلم رسالة من واحد بيشكرنى على تشجيعى له لإنه جاب 98.6 % بكل سهولة واطمن انه هيدخل هندسة


شد حيلك واتوكل على الله .. انا خلاص اعتبرتك زميل من دلوقتى يا بشمهندس كريم
1‏/8‏/2011 تم النشر بواسطة م أحمد أبو الفتوح.
2 من 2
السلام عليكم
ظهور نتيجة تنسيق المعاهد التابعة للكلية التكنولوجية المؤهلة لكلية هندسة وكان الحد الادنى للمعاهد كالاتى تنسيق 2012 :

ك.ت. فني رى وصرف ومساحه جيزه (معهد مساحة)
358 بنسبة 87.3%  بزيادة 2.9 % عن تنسيق 2011

ك.ت. فني رى وصرف ومساحه اسيوط  349 بنسبة 85.1% بزيادة 2% عن تنسيق 2011

ك.ت. فني رى وصرف ومساحه قنا  325.5 بنسبة 82%
بزياده 2.8% عن تنسيق 2011

ك.ت. فني لمواد البناء حلوان( معهد بناء وتشييد)   299.5  بنسبة 73%
بزياده  0.2% عن تنسيق 2011

ك.ت. فني صناعى شبرا 285.5 بنسبة 69.6%
بنقص 6.1% ( حوالى 25 درجة) عن تنسيق 2011

ك.ت. فني صناعى اسوان  254 بنسبة 61.9%
بنقص 9.8 % (حوالى 40 درجة) عن تنسيق 2011

ك.ت. فني صناعى بئرالعبد شمال سيناء  234 بنسبة 57%
بنقص 11.6% ( حوالى 47.5 درجة ) عن تنسيق 2011
16‏/5‏/2013 تم النشر بواسطة Mikano (Mohamed Mahmoud).
قد يهمك أيضًا
هل معهد فنى صناعى بيقبل طلاب ثانوية عامة شعبة ( أدبى ) ؟
انا معاى دبلوم صنايع سنه2005 ينفع ااقدم فى معهد فنى صناعى مع العلم ان مجموعى بسيط لايصل 60%
انا قررت ادخل معهد فنى صناعى الصحافة ولكن محتار ادخل قسم تكنولوجيا معلومات ولا كهرباء
انا حاصل على دبلوم فنى صناعى واريد ان اعمل بالخارج ولا اعرف كيف
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة