الرئيسية > السؤال
السؤال
الكشف الطبى للجيش المصرى (الكوميسيون الطبى) للشهادات العليا مثل الهندسه ازاى وفى اهانة مثل خلع جميع الملابس
الأحكام القضائية | كتب الكتاب 11‏/5‏/2010 تم النشر بواسطة اسلام القناص.
الإجابات
1 من 27
خلال الكشف الطبى عموما بتكون لابس فقط شورت

و ما لتخلعه الا فى الكشف على الامراض الجلدية و التناسلية مثل لبواسير و ذلك خلف ستارة مع الطبيب المختص

و الامر لا يحتوى على اهانة حسب اعتقادى
11‏/5‏/2010 تم النشر بواسطة omar2003.
2 من 27
انا تعليم عالي ودخلت الجيش ومجرش اى حاجة من اللى انت بتقولها بس يمكن تكون حاجة حديدة  (جميع الملابس مش صح انت اعتبرها مصيف)
14‏/5‏/2010 تم النشر بواسطة Mrabee.
3 من 27
هههههههههههههه
اية السؤال ده يبني ؟
انت مبتعرفشي تصيغ الاسئله؟
هو فيه كومسيون للشهادات العليا حسب التنسيق الجامعي الهندسه لوحده والطب لوحده ومعهد الخدمه لوحده  ههههههههههههه
عموما
انا كنت ضابط احتياط والكشف عادى نظام مشي حالك الا لو عندك شيء قوله عليه عشان يكشف عليك
سمحني والله بس سؤالك مش عارف اتمالك نفسي من الضحك
14‏/5‏/2010 تم النشر بواسطة masry for ever.
4 من 27
شكلك جديد لسه  فى اجابات جوجل
ربنا معاك
انا وحشني الجيش ابقي سلملى عليه
14‏/5‏/2010 تم النشر بواسطة masry for ever.
5 من 27
مفيش اى اهانه الكشف باحترام وبتكون لابس شورت ودكاترة محترمين هما اللى بيكشفوا عليك وغالبا ما بيكون الكشف على الصدر والعيون والعظام وخلصت.
15‏/5‏/2010 تم النشر بواسطة byby.
6 من 27
يااااااااااااااااااااااااااااااااارب ما ادخلش الجيييييييييش واخد تأجيل قولو امين
20‏/5‏/2010 تم النشر بواسطة micro4elec (ahmed hamdy).
7 من 27
انا هقولكم بالظبط الى حصل معايا يوم الكشف الطبى الخاص بالمؤهلات العليا ( تجارة ) يوم 6/11/2010 فى منطقة تجنيد الهرم
هخش فى ساعة الكشف على طول ومش هتكلم عن الاجراءات الخاصة بالورق

انت بتدخل الكمسيون الطبى .. مبنى كدة كبير شوية عبارة عن متاهة ( بس متخافش فية عساكر هتقولك خش يمين او شمال ) هيقولك الاتجاهات يعنى

المهم بتدخل غرفة فيها دواليب كتيرة .. وبيخش فيها تقريباً من20 لـ 40 شاب وكل شاب بيقلع هدومة كلها وميكنش لابس غير شورت --> متخافش .. هتقعلة قريب :)

بعد لما بتقلع هدومك وبتفضل على الشورت بس بتدخل غرفة تانية وبيقف فيها كل الشباب فى سوا الحيط والدكتور بيبص على الجسم الخارجى لكل شاب نظرة سريعة مرة بالوجة ومرة بالظهر ( يعنى تدى ظهرك للدكتور)

بعد كدة الدكتور بيسألك عندك حاجة ( يعنى لو عندك مرض او اصابة معينة قولو )

بعد كدة بتخش على غرفة كبيرة بتكشف نظر عادى جداً زى كأنك هتعمل نضارة بتبص على الحلقات ( الدكتور هيشاور على حلقتين بس ) مرة بالعين الليمين ومرة بالشمال

بعد كدة بتروح على مكتب بيمضيلك فية ان كشوفات النظر 6/6 و فحص القلب والصدر و و و كلو سليم

بعد كدة بتخش على الفحص الشرجى والتناسلى --> :)

بتدخل غرفة صغيرة فيها زى 5 دواليب وبيخش 5 شبان بس وكل شاب فيهم بيدخل دولاب .. والدكتور بيطلب منك بعدها انك تقلع الشورت وهوا هيبص بصة سريعة على الـ:) للـ 5 شبان
وبعد كدة بتلف وبيقولك وطى وبيبص بس بصة سريعة والكشف دة اطول كشف طبى بياخد فى حدود 30 ثانية

بعد كدة لو سليم بيكتبلك على الفحصين دوس علامة صح

بعد كدة بتحش على صالة كبيرة شوية علشان تكشف عظام بيصطف فيها حوالى 50 شاب او اكتر والدكتور بيطلب منك انك تفرد ايدك قدامك وتتضم رجليك

وبيعدى عليك الدكتور لمدة 5 ثوانى بيبص على ايديك مفرودة كويس ورجليك وهيا مضمومة فية التصاق ولا لاء

بعدها فى نفس الصالة بيقول شوية امراض غريبة كدة ( ربنا يشفى الجميع ) من اول راسك لحد صوابع رجليك ولو عندك مرض او اى حاجة من الى بيقولها بتتقدم خطوة لقدام

اما بقى لو معندكش اى حاجة من الى قالها .. بتقف طابور .. وبيختملك على الكارت الاحمر والباركور ( لائق ) وهيقولك مبروك :)

بعد كدة بتخش على حتة اسمها المدرسة ودة اخر مرحلة فى الكشف الطبى بتتطلع فية صورتين مؤهل وصورتين قيد عائلى وهوا هيدبسهم كل 2 لوحدهم ( مؤهل و قيد )

بعد كدة بتسلم نسخة لعسكرى وبتسلم نسخة لظابط وبعد كدة ... تستنى لمدة ساعة او ساعتين او 3 ساعات عقبال لما يجيبولك  ورقة 110 جند الى
بتفيد انك: فولان الفولانى - مؤهل: عالى - خريج جامعة/معهد : كذا - قسم:كذا
الرتبة : ظابط احتياطى(لو خريج جامعة حكومية)  
او     : وجنــــــــــــدى( لو خريج معهــــــــــــد )

لو ظابط بيحددلك ميعاد الارجاء:6/12/2010
لو جنــــــــــــــــــــــــــــــــدى:6/1/2011

واى استفسار بخصوص اى حاجة تخص التقديم للجيش والكشف الطبى انا مستعد اجاوب عنها

رجاء .. التقييم اذا استفدتم من الاجابة
8‏/11‏/2010 تم النشر بواسطة Alvin Genius (Moataz EzZat).
8 من 27
يا جماعه انا عملت عمليه( البواسير وشرخ شرجى ) ودلوقتى  البواسير طلعتلى تانى  يا ترى دى حاجه ممكن تخلينى اخد اعفاء ولا حاجه عاديه ؟؟؟؟؟؟؟؟
31‏/12‏/2010 تم النشر بواسطة شهاب بوب.
9 من 27
يا حبيب ماما مش قادر تمسك نفسك من الضحك  طيب امسكي نفسك يا حلوه ده مجرد سؤال مطروح في وسط باب الاسئله ومحد جاوب عليه
8‏/1‏/2011 تم النشر بواسطة امته الامتحانات (لا اله الا الله).
10 من 27
masry for ever   انت شكلك بنى ادم عبيط  بتضحك على السؤال ليه  
السؤال مهم و انا استفدت من الاجابات  
لأنى الكشف الطبى بتاعى بكره     ادعولى
و احب اشكر صاحب السؤال    +1
و الاخ  Alvin Genius   اللى افادنى بإجابته  +1
13‏/5‏/2011 تم النشر بواسطة New Teacher.
11 من 27
بسم اللة الرحمن الرحيم
كثرت الاسئلة عن الاوراق المطلوبة للجيش --  ميعاد الكشف الطبى-- ولاى لازم نفهمة حجات اساسية
 ( اولا)  -ما قبل الجيش (الجامعية )
أ-(بتستلم الشهادة التخرج    )-[ بطاقة 6 جند) دول مع الدوسية بتاعك  تمام
ب-بتسثل مندوب التجنيد الى فى قسم الشرطة الى انتا تابع لة عن الميعاد الكشف (حسب تاريخ ميلادك)
وهيئولك معادك امتى والاوراق المطلوبةهى-----
1-بطاقة 6جند( دى معاك من امعهد او الكلية)
2- اصل المؤهل (الشهادة)
3-مستخرج شهادة ميلاد
4-فيش جنائى (من القسم)
فيش ثلاثى (من مندوب التجنيد الى فى القسم)
5-تحليل فصيلة الدم( من اى مركز طبى )
6-اصل البطاقة الشخصية او صورة منها
7 لو طلب منك المندوب قيد عائلى  اعملة لو طلب
كدة الاوراق جاهزة......................
مندوب التجنيد بيكون كاتبلك فى الفيش الثلاثى (ميعاد الكشف الطبى)
(ثانيا) الكشف الطبى
1-تكون هناك الساعة 6 الصبح (علاشان تخلص وميروجعكش وتلحق بدرى بدرى
2-لازم تكون حلاق شعرك ومقصر السلاف وتحلاق الللللللللللللللل كل حاجة (مفهوم طبعا)
3-قبل متروح تكشف تكون مصور كل ورقة5 نسخ من عند بيتك (مهم مهمهمهمهمهمهمههم جدا)
علشان تتلاشى الطبور الطويييييييل
4- وتكون خارج من البيت واخد دش و فطران ووخاد مصاريف قليلة (لان مافيش هناك غير كنتين شيبس وعصائر)
طيب لاحد كدة فل
هتخش المنطقة التجنيد عسكرى هيفتشك وياخد بطرية التلفون لاتة ممنوع
وبتشترى  كتاب اسمة شباب التجنيد  اى كلام اهم حاجة(الكارت لونة احمر بتكتب فية اسمك ورقم البطاقة الخ
بعد كدة هتعد فى مكان فية مدرجات  وهيجيلك عسكرى ويقولك رتب الورق
وبكون امامك لوحة بترتيب  (مثلا--- الكارت الاحمر ثم   -بطقة 6 جند ثم صورة من المؤهل ثم اصل الفيش الجنائى ثم صورتين منة ثم الفيش الثلاثى ثم  فصيلة الدم ثم صورة   وهكزا)
وبعدين هتقف فى طبور علشان تدبس الورق دة  وبتسيبة مع العسكرى الى بيدبس  وتجلس فى المدرج
وهيجى عسكرى تانى ياخد مجموعة مجموعة للكشف

صالةكبيرةالكل بيجلس فيها وبتستنى هينادى على اسمك عسكرى تانى  ويديلك الكار ت الاحمر وبعدين تدخل تتصور بقميص الجيش من عندهم
اتصوت بتجلس فى مكان تانى  تستنى وتستنى وتستنى لحاد مايجيلك تمرجى او عسكرى الى صالة الكشف  
تدخل صالة الكشف يجى دكتور يقول الى عندة( القلب وبياخد علاج او عامل عملية او اى حد بيشتكى من اى حاجة  يتقدم خطوة )
كشف النظر الى معروف ثم الصدر ثم الباطنة ثم الانف والاوزن والحنجرة
((((( كشف الامراض التناسلية))))))))..........زلاحياء فى العلم  هههههههها
ينظر الدكتور المحترم للامام ثم الخلاف ودة اكيد(والغرض منة اكتشاف الامراض التناسلية-زى النصور البواسير وخلافة)ربنا يشفى اى مريض
وبعدين كشف العظام  
بتقف رجليك مضمومة وزراعك للامام(ودة لغرض الى عندة التصاق او تقوس بس) وبعديت بيختم ورقة انتا واخدها معاك من عند التصوير  بزى العسكرى
وتخرج فى مكان اخر بتجلس فية  ويجيلك عسكرى يطلب منك الورقة الى مختومة من الدكتور وصورتين  من المؤهل وقيد عائلى ان وجد
وبتنتظر ((( نموزج 110 جند))) ودة بيكون فية صورتك بلبس العسكرى
ونموزج دة بكون متحدد فية مرشح جندى ولاة ظابط احطياطى
ومعاد الارجا (سماع ازا كنت داخل ولاة لاءاو السلاح)
                 ودة الى حصل معيا ادعولى انا لسة ما سمعتش الارجا
24‏/5‏/2011 تم النشر بواسطة محمد عيد _1235.
12 من 27
طيب انا عندي استفسار بسيط انا لسه ف سنه تالته كليه تجاره خارجيه واداره اعمال جامعه حلوان

وكل صحابي اللي ف الجيش بيقولولي اني هلبس ضابط احتياط وخصوصا بسبب طولي انا تقريبا 196 سم او اكتر وجسمي نحيف شويه
:D
يعني بتاع 70 او 75 كيلو
انا بصراحه عن نفسي نفسي اخش ضابط بس بسأل هل ممكن فعلا اخش ضابط و احب اعرف بنسبه كام ف الميه

اسف علي الاطاله وارجو الرد لاني طرحت موضوعي ف اكتر من منتدي ومحدش بيعبرني :D:D:D‏
30‏/5‏/2011 تم النشر بواسطة Waleed Mustafa.
13 من 27
انا ليا استفسار بسيط هو انا اكون لابس شورت ولا يكفي البوكسر او السبيدو
ولا شورت من غير حاجة تحتيه؟
5‏/9‏/2011 تم النشر بواسطة بدون اسم.
14 من 27
طب أنا معنديش أخوات صبيان هعمل أيه بالظبط فى أجرائات الجيش وهل هكشف وهعمل كل دوت؟؟؟؟
11‏/1‏/2012 تم النشر بواسطة بدون اسم.
15 من 27
ههههههههههههه
27‏/3‏/2012 تم النشر بواسطة بدون اسم.
16 من 27
متشكر جداً يا New Teacher :)‏
12‏/4‏/2012 تم النشر بواسطة Alvin Genius (Moataz EzZat).
17 من 27
طيب يا باشا انا بيحصلى حول لما ببص بعينى ناحيه الشمال وبشوف كل حاجه اتنين دى تخرجنى من الجيش ولا ايه ؟
28‏/7‏/2012 تم النشر بواسطة بدون اسم.
18 من 27
شكرااا
8‏/10‏/2012 تم النشر بواسطة بدون اسم.
19 من 27
انا عامل عملية انفصال شبكى + عملية ميه بيضه كدا اخد اعفا ولا اه؟
8‏/10‏/2012 تم النشر بواسطة بدون اسم.
20 من 27
طب انا لابس نظاره ينفع اروح اقدم و اكشف عادى؟ اصل خايف اشترى كراسه الشروط ب 100 جنيه و اصرف و فى الاخر مقبلش
13‏/7‏/2013 تم النشر بواسطة بدون اسم.
21 من 27
ياجماعة انا نظرى ضعيف شوية بس مش عارف هل ضعيف جدا او لا فده الكشف بتاعى ياريت اى حد يكون فاهم او عارف اى معلومة يفيدنى ؟؟؟؟ وشكرا
العين اليمنى
سفير -١.٠٠ سلندر -٠.٧٥ اكس ٨٥
اليسرى
سفير -١.٢٥ سلندر -٠.٢٥ اكس ٠
22‏/7‏/2013 تم النشر بواسطة بدون اسم.
22 من 27
لو سمحت انا طالب اولى ثانوى عام وبعمل العاده السريه ( بضرب عشره ) . هى بتبان فى الكشف الطبى ولا لآ ؟ وشكرا بس رد عليا علشان انا خايف اوى ومش عارف ابطلها فى الثانوى واخش الكليه ولا اثارها هتفضل موجوده .جاوبونى ها .سلام
21‏/9‏/2013 تم النشر بواسطة بدون اسم.
23 من 27
ممكن حد يرد عليا هو كشف الطبى للظابط الاحتياطى زى العسكرى
16‏/11‏/2013 تم النشر بواسطة بدون اسم.
24 من 27
انا بتكلم على تقديم الجيش مش التقديم لانى اكون ظابط بالثانويه يعنى وكدا ...لازم بيبقى فيه نفس الكشف الطبى
3‏/12‏/2013 تم النشر بواسطة بدون اسم.
25 من 27
طب الي عندة وحمة فى جسمة
27‏/1‏/2014 تم النشر بواسطة حمو الرايق (Mohamed Hamoo).
26 من 27
بعد ازنكو يا جماعة انا روحت كشفت 1/2/2014 عملى على رمد دورية و كتبلى جراحة دورية برضة و العسكرى ادانى ورقة مكتوب فيهاا كشف باكر ممكن بس حاد يقولى انا كدة داخل ولى لا بعد ازن الجميع شكراااا
2‏/2‏/2014 تم النشر بواسطة بدون اسم.
27 من 27
كل ماتريد معرفته عن التجنيد والكشف الطبى
26‏/2‏/2014 تم النشر بواسطة ana aslan bedo (awalan bawal).
قد يهمك أيضًا
ماذا يحدث فى حالة الرسوب فى احدى مراحل الكشف الطبى للكليه الحربيه ؟ بكمل ولا بيمشونى؟
هل من الطبيعى فى مدينتك أن يتزوج الطبيب بامراة خارج المجال الطبى أو غير جامعية
الكشف الطبى للكليات العسكرية المصرية !
سؤال فى الكشف الطبى للكليات العسكريه ؟!
بخصوص الكشف الطبى
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة