الرئيسية > السؤال
السؤال
كيفية تنزيل ويندوز xp على جهاز منزل عليه ويندوز 7
ويندوز | نظم التشغيل | المواقع والبرامج | الكمبيوتر والإنترنت 19‏/5‏/2011 تم النشر بواسطة بدون اسم.
الإجابات
1 من 3
قم بوضع الـ CD الموجود عليه الـ windows XP في الجهاز وتركه يعمل ,, سوف يعطيك خيارين هما : حذف جميع البيانات الموجودة على الجهاز وتنزيل الـ windows الجديد ,, أو مسح ملفات الـ windows القديم والتي تكن موجودة على القرص الصلب للجهاز واستبداله بالـ windows الجديد

الخيار الأول مثل عمل  format  للجهاز  
الخيار الثاني يبقى جميع الملفات الموجودة على الجهاز لكنه يقوم بحف الـ windows والملفات المرتبطة معه
19‏/5‏/2011 تم النشر بواسطة Husam Sami (Husam Musleh).
2 من 3
قم بتنصيب ويندوز اكس بي علي بارتيشن جديد ويكون فارغ غير الموجود عليه الويندوز الاخر
19‏/5‏/2011 تم النشر بواسطة ابو الليف (SLAMONY Zein).
3 من 3
إنت مقولتش عايز تشيل سيفن وتنزل اكس بي ولاتخلي الاتنين جمب بعض ولا تخلي الاتنين جوه بعض

عموما انا هحاول اوضحلك التلاته بيكونو ازاي

لو عايز تشيل سيفن وتحط اكس بي دي سهله هتحط اسطوانة الاكس بي وتفرمط السي وتخلي الاكس بي ينزل على السي عادي مفهاش مشاكل

أما لو عاوز الإتنين يشتغلو جمب بعض وتختار لما تيجي تفتح الجهاز انه منهم تدخل عليه

فللأسف مينفعش في وضعك لإن لازم تنزيل النسخ يبقى بالترتيب بمعنى النسخه الاقدم تكون اللي تنزل الاول والنسخه الاحدث تنزل بعدها

وانت عندك عاكس الايه مسطب النسخه الاحدث الاول وهي سفن وعاوز تسطب بعدها اكس بي ،، فلما هتيجي تسطب الاكس بي بعدها ،، هتلاقي سيفن اختفت من بره ،،

فالمفروض عليك

هو انك تدخل تفرمط السي وكمان تفرمط الدي او البرتشن اللي هتحط فيه الاكس بي وبعدها تبدأ بتنصيب الاكس بي اولا على البارتشن اللي هتحطه فيه ولنفرض D
وبعد ما تخلص الإكس بي تبدأ بقى تسطب السفن على السي بدون ما تعمل فورمات للسي او اي حاجه لإنك لو فرمط السي احتمال البوت بتاع الاكس بي يطير ،، فعلشان كده قولتلك تفرمطه قبل ما تنزل الاكس بي ،،  وساعتها هينزلو جمب بعض عادي جدا وهيجيلك رساله كل لما تيجي تفتح الجهاز تختار تخش على انه ويندوز فيهم

اما بقى لو عاوزهم جوه بعض فإنت تقدر تعمل نسخه اكس بي داخل ويندوز سبعه بس لازم جهازك يكون قوي وامكانياته عاليه

وفي طريقتين علشان تعمل كده ،، طريقه مدعومه من ميكروسفت للاجهزه العاليه والبروسيسورات القويه ،، وطريقه ببرامج غير ميكروسفت للبروسيسورات الاقل نسبيا

نبدأ بطريقة برامج ميكروسفت لو انت البروسييسور بتاعك بيدعم خاصية الفيرتولايزاشن ،، ساعتها تقدر تخش على موقع ميكروسفت وتنزل windows xp mode وتسطبه على الجهاز وهيفتح داخل جهازك عادي جدا اكس بي كامل

أما بقى لو البروسيسور بتاعك مبيدعمش الفيرتولايزاشن ،، فهتضطر انك تنزل برنامج من برامج اللي بتعمل انظمه داخليه ،، منهم sunbox و vmware

طبعا برنامج vmware افضل ولكنه مش مجاني لازمله كراك علشان تشغله ،، اما صن بوكس فهو مجاني بس اقل منه كفاءه

والبرامج دي عباره عن برامج بتسطبها على جهازك وعن طريقها بتقدر تنزل اي نسخه جوه النسخه بتاعتك ،، سواء بقى اكس بي ولا فيستا ولا اي حاجه

بس طبعا الطريقه المدعومه من ميكروسفت افضل بكتير لانها فيها ميزه ان البرامج اللي بتسطبها على الاكس بي ممكن يبقى ليها شورط كاط في قائمه استارت لويندوز سيفن او ممكن تعملها شورط كاست لديسك توب ويندوس سيفن وبالتالي الاشخاص اللي بيستخدموا ويندوز سيفن وفي برامج مبتشتغلش الا على الاكس بي هم بيحتاجوها بكل بساطه يقدرو يسطبوها ويشغلوها برده عن طريق السفن عادي

انما في البرامج التانيه لازم تفتح البرنامج علشان تشغل الاكس بي جواه الاول وبعدين تشغل البرامج اللي عليه

اخيرا لو عايز تعرف جهازك بيدعم خاصية الفيرتولايزاشن ولا لاء خد اللينك ده ونزله

هيجبلك تلت اختيارات اول اختيار على يمينك عند كلمة فيرتولايزيشن لو جابلك يس يبقى يدعمه جابلك نو يبقى مبيدعموش

اللينك اهوه

http://www.softpedia.com/get/System/System-Info/SecurAble.shtml

،، ده تقريبا شرح سريع للتلت طرق لو عايز طريقه منهم معينه بالتفصيل ابعتلي وانا اقولك عليها بالتفصيل واحده واحده علشان تفهمها

يلا اشوفك على خير ان شاء الله
19‏/5‏/2011 تم النشر بواسطة Mr.Ye7ya.
قد يهمك أيضًا
ايهما تفضل ويندوز 98 ام xp ام vista ام 7 (seven) ؟
كيفية فورمات الويندوز xp
ما نوع الويندوز الذي تستخدمه ؟
هل تفضل ويندوز فيستا على xp ولماذا؟
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة