الرئيسية > السؤال
السؤال
بدي امثال فلسطينية
الأثاث | الديكور 15‏/10‏/2010 تم النشر بواسطة lolo 2010 (ابنة فلســــــطين).
الإجابات
1 من 7
عن شو بدك
لا للسدة و لا للهدة و لا لعترات الزمن ههههههههه
15‏/10‏/2010 تم النشر بواسطة white lily.
2 من 7
عن شو بدك
لا للسدة و لا للهدة و لا لعترات الزمن ههههههههه
15‏/10‏/2010 تم النشر بواسطة white lily.
3 من 7
إذا انت أمير و أنا أمير، مين بيسوق الحمير؟

أكل الهدية وكسر الزبدية

البيت ضيق والحمار رفاص

شو أحلى من العسل قال الخل ببلاش
امثال فلسطينية
عاشرالمصلي بتصلي و عاشر المغني بتغني

بكره بنقعد عالحيطة وبنسمعالزيطة

لو كان الرجال بشاربهم لكان الصرصار اجدعهم
http://www.bdr130.net/vb/t561681.html                                                                     ××××××××××××××××××××××××××××××××××××××××××××××××××××         http://www.kl28.com/mag/article.php?ArtID=767&Issue=3‏
15‏/10‏/2010 تم النشر بواسطة رمال الصحراء.
4 من 7
إذا انت أمير و أنا أمير، مين بيسوق الحمير؟
 
أكل الهدية وكسر الزبدية
 
البيت ضيق والحمار رفاص
 
شو أحلى من العسل قال الخل ببلاش
 
عاشرالمصلي بتصلي و عاشر المغني بتغني
 
بكره بنقعد عالحيطة وبنسمعالزيطة
 
لو كان الرجال بشاربهم لكان الصرصار اجدعهم
 
آخر العنقود سكر معقود
 
ال مالو حباب بلتموا عليه الكلاب
 
بلبق للشرشوحة مرجوحة و لأبو بريص قبقاب
 
وجع ساعة ولا كل ساعة
 
الإبن الفاسد يجيب لأهله المسبه
 
كل اكل الجمال وقوم قبل الرجال
 
 من غير كيسك يا مذرُي ذرُي
 
أيلول ذيله مبلول
 
خبي حطباتك الكبار لعمك آذار
 
اللي بدري بدريواللي ما بدري بيقول كف عدس
 
لو في خير ما رماه الطير
 
اذا كولنالها اطبخي بتكول مريضه ... بس اذا كولنالها تعي        كلي بتقول وين ملعقتي العريضه
 
الطول طول النخله و العقل عقل سخله
 
مجنون زت حجر بالبير .. بدو 100 عاكل يطلعوه
 

الأقرع بتباهى بشعر ابن خالتو
 
كوم حجار ولا هالجار
 
ضللك ورا العيار لباب الدار
 
اللي بوكل على ضرسه نفع نفسه
 
مين بشهد للعروس... إمها و خالتها و عشره من حارتها
 
ما حد بكول عن زيته عكر
 
 سمره ونغشه، ولا بيضة ودفشة


العز للرز والبرغل شنق حاله
 
الجوز رحمة ولو كان فحمة
 
عندك عيش وعندي عيش وفراغة العين ليش ؟
 
ما ظل بالخم إلا ممعوط الذنب
ريحة الإم بتلم
 
لاتذم و لا تشكر إلا بعد سنة و ست أشهر
 
أخذتك شطر بطر يا سنسونةروحي ، جيت أكيد العدى كدت أنا روحي
 
إبنك على ما تربيه و جوزك علىما تعوديه
من طين بلادك لط خدادك
وفي رواية أخرى سخم خدادك
15‏/10‏/2010 تم النشر بواسطة white lily.
5 من 7
جاجة حفرت عراسها عفرت
جيت تكحلها عميتها
ثلثين الولد لخاله
البنات من صدور العمات
اقلب الجلاة عثمها تطلع البنت لامها
الثلم الاعوج من همالة الثور الكبير
15‏/10‏/2010 تم النشر بواسطة abedh87 (ABED ALRAHMAN ALHAMED).
6 من 7
على قد فراشك مد رجليك
الولد ولد ولو صار قاضي بلد
الرجال مخابر مش مناظر
إن مال عليك الزمان ميل على ذراعك
لقمة هنية تكفي مية
تجري جري الوحوش غير نصيبك ما تحوش
المنحوس منحوس ولو حطوا على راسه فانوس
هين فلوسك ولا تهين نفوسك
اعمل معروف وارميه في البحر
الصراحه راحة
صبرك على نفسك ولا صبر الناس عليك
اللي يصبر ينول
بات مغلوب ولا تبات غالب
الشر سياج أهله
اللي بيته من قزاز ما يرمي الناس حجارة
اللي ما باخذ من ملته يموت بعلته
اللي يطلع من ثوبه يعرى
رب ابنك واحسن أدبه، ما بموت تا يخلص أجله
الفنجان الأول للضيف والثاني للكيف والثالث للسيف
اللي بيزرع الخير يحصد البركة
مال الحرام ما بيدوم ▫
من غربل الناس نخلوه ▫
احترم كبيرك بيحترمك صغيرك ▫
صاحب الصنعة مالك قلعة ▫
من خلى حاله حب أكله الدجاج ▫
اللي بعاشر القط يلقى خراميشه
العز يليق بصحابه
العين بتعلاش على الحاجب
ينام اللي ما على قلبه هم
أعطي الخبز لخبازه ولو أكل ثلاثة أرباعه
عصفور في اليد ولا عشرة على الشجرة
الصلح سيد الأحكام
إسأل مجرب ولا تسأل حكيم
رعاية البقر ولا رعاية البشر
اللي ما بيشقى ما بيلقى
القرد في عين أمه غزال
حظ يفلق الصخر
العاقل وديه ولا توصيه
ما في شدة إلاّ وراها فرج
يا جبل ما يهزك ريح.
الإسكافي حافي والحايك عريان.
اللي ما إله كبير مالو تدبير.
أهلك ولا تهلك.
سيف الأهل من خشب.
الابن الفاسد يجيب لأهله المسبة.
الخال لولا الشك والد.
الخال مخلي والعم مولي.
كون نسيب ولا تكون ابن عم.
العب وحدك تيجي راضي.
جواز القرايب مصايب.
القرايب عقارب
15‏/10‏/2010 تم النشر بواسطة مين أنا ؟؟؟.
7 من 7
تفضلي

إبعد عن الشر وغنى له.

إبليس بيعرف ربه ولكن بتخابث عليه.

إبن الحلال عند ذكره بيبان ( يظهر ).

إبن الحلال عند سيرته بيبان.

إبن العم متولى وابن الخال متخلى.

أبو بالين كذاب.

إتغذى واتمدى واتعشى واتمشى.

إتق شر من احسنت اليه.

أتلف الحموات العمات والخالات.

إتمسكنوا حتى تتمكنوا.

أجا ( جاء ) يكحلها عماها.

أجت الحزينة تفرح ما لقتش مطرح.

أجو يعاونوه فى قبر أبوه أخذ الفاس وشرد.

أجينا نحدى الفرس مد الفار رجله.

إحسب العاطلة قبل المليحة.

إحمى رأسك عند تغير الدول.

آخر الدواء الكى.

إدلعى يا خبيزة فى الزبادى العوج.

إذا بدكاش ( لا تريد ) تغشه قولو فى وشه (وجهه ).

إذا حضر الماء بطل التيمم.

إذا ضربت اوجع وإذا أطعمت اشبع.

إذا فاتك السوق تمرغ فى ترابه.

إذا لقيت صاحب طماع اعمل حالك قليل حساب.

أُربط الحصان عند الحمار يا بعلمه الشهيق يا بعلمه النهيق.

أُربط الفرس مطرح ما يقولك صاحبه.

أُربط صابعك مليح ولا بيسمى ولا بيقيح.

إسال عن الجار قبل الدار.

إسال مجرب ولا تسأل طبيب.

إستعنا على الشقا بالله.

إستكبرها ولو كانت عجرة.

إسعى يا عبدى وأنا بأسعى معاك.

أصحاب العقول فى راحة.

إصرف ما فى الجيب يأتيك ما فى الغيب.

إصفى النيه ونام فى البرية.

أصل الشر شرارة.

أصل الكفر عناد.

إضحك بعبك اللى صحلك ما صح لغيرك.

أُضرب اللي في البور بخاف اللي فى المعمور ( أو العمارة ).

أُضرب عصفورين بحجر.

أُطرق على الحديد وهو حامى.

أطعم التم تستحي العين.

أطلب العلم ولو فى الصين.

أعزب دهر ولا أرمل شهر.

إعزم وأكرم والأكل نصيب.

إعط خبزك للخباز ولو أكل نصه ( نصفه ).

أعطينى عمر وارمينى فى البحر.

إعقلها وتوكل.

إعمل خير وإرميه فى البحر.

إعملى يا فاخرة إلك وللآخرة.

إعوى يا كلب وإرتاح يا قلب.

إقرا المكتوب من عنوانه.

أُقعد على البحر وعد أمواجه.

أُقعد على البحر وعد موجات، قال الجيات أكثر من الرايحات.

أكبر منك بيوم أوعى منك بسنة.

أكل الحق غصه.

أكل الرجال عالرجال دين وأكل الرجال عالانذال صدقة.

أكله وإنحسبت عليك كل وفتح عينيك.

إلتم المتعوس على خايب الرجا.

إلعب بالمقصقص تيجيك الطيار.

إلعب وحدك تيجى راضى.

ألف إم اتبكى ولا أمى تبكى.

ألف قلبه ولا غلبه.

أمرق عن بحر هدار ولا تمرق على بحر ساهى.

إمش الحيط الحيط وقول يا الله الدرا.

إمش عدل تنعدل.

إمش فى جنازة ولا تمشى فى جوازة.

إن أوجعك راسك إكرمه وإن أوجعك بطنك إحرمه.

إن شفتنى بضحك عليك وإن ما شفتنى راحت عليك.

إن طابلك زادك كلو كله بيجيك يوم ما تقدر تشمه.

إن عشقت إعشق قمر، وإن سرقت إسرق جمل.

إن كان صاحبك عسل ما تلحسوش كله.

إن كبر إبنك خاويه.

إن ندت على بلاد بشر بلاد.

أنا و أخويا ( أخى ) على إبن عمى وأنا إبن عمى على الغريب.

أنا وإنت والزمن طويل.

أنت تريد وأنا أريد والله يفعل ما يريد.

إنقعها وأشرب ميتها ( مائها ).

إنقلب الزمان وأصبح القمح زوان.

أهل السماح ملاح.

أوجع رجليك ولا توجع راسك.

أول الرقص حجلان.

إيد على إيد رحمة.

إيد لحالها ما بتصقفش.

إيش بده يعمل الحاسد مع الرازق.

إيش حبب وإيش بغض.

اقلب الجرة على فمها بتطلع البنت لامها.

أكالين نكارين.

الأخرة يا فاخرة.

الأرض أغلى من العرض.

الأرض بتتعرى وبتنكسي.

الأرض عرض ( أو كالعرض ).

الإقارب عقارب.

الأكل إن تفتش ما بنداق.

الأكل فى الشبعان خسارة.

الإنسان عينه فارغه بدبهاش إلا التراب.

الإيد (اليد ) اللى ما بتقدرش تعضها بوسها وادعى عليها بالكسر.

الله بكسر جمل علشان عشوة واوى.

الله بيعطى الفول للي ملوش اسنان.

الله خلق الاذى والطب والدوى.

الله ما بسمعش من ساكت.

الله يحينا ويورينا.

الله يلعن الذرة اللى ما لها عرق.


إذا انت أمير و أنا أميرمين بيسوق الحمير

إضحك بعبك

إطعم التم تستحي العين

أكل الهدية وكسر الزبدية

أهل الميت صبروا والمعزيات كفروا

أوعد اليهودي بالكفن بيموت

آخر العنقود سكر معقود

آخر الزمر طوط

آخر الدوا الكي

إبنه على كتفه و بيفتش عليه

إبنك على ما ربيتيه و جوزك على ما عودتيه


بتقول له ثور بقول احلبوه

بدل الرز و الباذنجان إكسي حالك يا عريان

بده عرس يرقص فيه

بدي ياه و تفوه عليه

بزمان الخير ما غنينا يا ليل

بطيختين بإيد مابينحملوش

بعد ما شاب ودوه ع الكتاب

البيت ضيق والحمار رفاص

بيتعلم البيطرة بحمير النوَر

بيحرق حارة ليولع سيجارة

بيرقص بلا دف

بيركض بيركض والعشا خبيزة

بيفصل للبرغوت قميص

بيقتل القتيل وبيمشي بجنازته

بيلهي الحمار عن عليقه

بيمسح جوخ

بيموت الزمار و اصبعه بيلعب

تاجرنا بالكفان بطلت الناس تموت

تسمع صوته و تقول نيالك يا أطرش

التكرار بيعلم الحمار

تلاتة مابينطاقوا : الطق والنق والبق

جبنا الأقرع ليونسنا كشف طقيته و خوفنا

حاميها حراميها

حايص متل جاجة بدها تبيض

حط راسك بين الروس و قول يا قطاع الروس

خليها بالقلب تجرح و لا بين الناس تفضح

الدار دار أبونا و اجوا الغرب يطحونا

دمه تقيل متل دم البق

الدنيا ما بتخلي الراكب راكب ولا الماشي ماشي

راح العيد وفرحاته واجا المعلم وقتلاته

الرجال مش شكلة لتحطيه ع راسك

رجعت حليمة لعادتها القديمة

رخيِّص وكويِّس وإبن ناس

الرقاصة الغشيمه بتحجج بقشة الحصيرة

ركبناه ورانا مد ايده ع الخرج

رافق المسعد تسعد

رزق الهبل ع المجانين

ركوب و ركبتك و كمان تهز رجليك

زاد الطين بلة

زبال و شاكل له ورده

زرعنا اللوز طلع بقدونس

الزمار بيعرف دار الطبال

زمن غريب بيخلي القطة تشخر للديب

زوّج الفقيرة للفقير بيكتروا الشحّاتين

( زي أباريق الجامع( كل واحد شكل

زي الفراشة بتحوم حول السراج تاتنحرق

ساعه لقلبك و ساعه لربك

ساير العيار لباب الدار

شافت الخنفسه بنتها ع الحيط قالت الها: يسلملي بياضك ع سواد الحيط

شحاد و مشارط

شم ولاتذوق

شَمّام هوا وقطّاف ورد

الشهر اللي ما إلكش معاش فيه ليش تعد أيامه

شو أحلى من العسل قال الخل ببلاش

شو فهم الحمير بأكل الزنجبيل

شو هيّة لحسة حلاوة؟

شو دخّلك بيت عدوك ؟ قال حبيب قلبي جواته

صارت عظامه مكاحل و مصارينه حبال

الصباح رباح

صباحه بيقطع الرزق

صوته ملعلع للسما

ضربني و بكى و سبقني و إشتكى

طبني طبتك العافيه

طلع تحت لساني شعر

الطمع ضر ما نفع

طنجرة و لقت غطاها

عاشر المصلي بتصلي و عاشر المغني بتغني

العز للرز و البرغل شنق حاله

عصفور باليد و لا عشرة ع الشجرة

عقله براسه بيعرف خلاصه

علمناه الشحادة سبقنا ع البواب

على بخت الحزينه سكرت المدينة

على عينك يا تاجر

عليه مناخير زي كوز الصبر

عمر الشقي بقي

عمر مديون ما انشنق

عملوك مسحر خلص رمضان

العنزه الجربا ما بتشرب إلا من راس العين

عيش يا كديش ليطلع الحشيش

العين بصيرة و اليد قصيرة

غاب القط العب يا فار

غالي و الطلب رخيص

الغنى بالغربه وطن و الفقر بالوطن غربه

فخار بيكسر بعضه

قاطع شرش الحيا

قال الله يلعن اللي بيحكي على الناس قال له يلعن اللي بيخلي الناس تحكي عليه

قال شو صبرك ع المر قال اللي أمر منه

قالوا للجمل زمر قال لا شفه مضبوطه و لا أصابع مفروقه

قالوا للجمل شو كارك قال بحيك حرير

قالوا للحرامي إحلف قال قرب الفرج

القرد بعين أمه غزال

قرد موالف و لا غزال مخالف

الكبير اللي بيتدلع متل الباب المخلع

كل ديك ع مزبلته بصيح

كل فوله مسوسه و إلها كيال و كل كديشه و إلها خيال

كله عند العرب صابون

لا تقول للمغني غني إلا ليجي كيفه

لا تنام بين القبور و لا تحلم أحلام مزعجه

لبس العود بيجود

اللي ببلاش كتّر منّه

اللي بغربل الناس ,الناس بتنخله

اللي بياخذ مالك خد روحه

اللي بياكل ع ضرسه بينفع نفسه

اللي بيخاف من القرد بطلع له

اللي بيشوف مصيبة غيره بتهون عليه مصيبته

اللي بيعرف بيعرف و اللي ما بيعرف بيقول كف عدس

اللي بيكبّر فشخته بيوقع

اللي بيلاعب القط بيصبر على خراميشه

اللي بينام فيه بيصبح فيه

اللي عنده مال محيّرُه , بيشتري حمام وبيطيره

اللي له عمر ما بتهينه شده
حتى يشيب الغراب

أبرد من الثلج

آمن من حَمام الحرم

أبصر من كلب

أبلغ من قس

أثقل من كهلان (اسم جبل)

أحر من الجمر

أرق من النسيم

أضيق من سم الخياط

يد الحر ميزان

الجمل في شي والجمال في شيء

الإسكافي حافي والحايك عريان

يا جبل ما يهزك ريح

ما في شدة إلاّ وراها فرج

العاقل وديه ولا توصيه

حظ يفلق الصخر

حلاة الزيارة غارة

القرد في عين أمه غزال

الفاضي بيعمل قاضي

جوزت بنتي لارتاح من بلاها أجتني وأربعة من وراها

لو بشوف الجمل حردبته كان بيوقع وبيكسر رقبته

اللي ما بيشقى ما بيلقى

الشحادة عادة

من أمّنك لا تخونه ولو كنت خاين

مثل القرعة بتتباهى بشعر بنت أختها

مثل البوم ما بنعق إلا بالخراب

زي السمك بس يطلع من المية بموت

الدهر دولاب يوم معك ويوم عليك

رعاية البقر ولا رعاية البشر

إسأل مجرب ولا تسأل حكيم

الديك الفصيح من البيضة بصيح

الصلح سيد الأحكام

عصفور في اليد ولا عشرة على الشجرة

صنعة في اليد أمان من الفقر

وجع ساعة ولا كل ساعة

جاجة حفرت على راسها عفرت

أعطي الخبز لخبازه ولو أكل ثلاثة أرباعه

ينام اللي ما على قلبه هم

العين بتعلاش على الحاجب

العز يليق بصحابه

اللي بتزوج أمي بصير عمي

ما بحرث الأرض إلا عجولها

اللي ما عنده زرع ما عنده قلع

فكرت الباشا باشا، تاري الباشا زلمه

الفلاح يبذر حبه وبيتكل على ربه

فت الشبعان على الجوعان فت بطيء

الموت بين الناس نعاس

اللي بعاشر القط يلقى خراميشه

معك قرش، تسوى قرش

قالوا للأربنه كلي، قالت تا أسلم بلحماتي

من خلى حاله حب أكله الدجاج

جاي من البرية وتاخذ الأولية؟

البدّار عارف شو طالع من ايده

الزيتون ملّك العاجز

صاحب الصنعة مالك قلعة

الجود من الموجود

بنت العم بتصبر على الجفا

حلم الجوعان عيش

جوعة على جوعة تخلي القلب لوعة

اللي بسعدها زمانها بتجيب بناتها قبل صبيانها

إللي إِلُه غايب بيظل قلبه ذايب

احترم كبيرك بيحترمك صغيرك

الخط الأعوج من الثور الأبرق

الدعوة بتدور بتدور ع سبع بحور وبترجع لصاحبها

الكبار بتاكل الحصرم والصغار يضرسون

العرق يسوس ع سبع جنوس

قيراط بخت ولا قنطار شطارة

من غربل الناس نخلوه

إن قوست (ظهور قوس قزح) صبحية خذ عصاتك والحق الرعية وإن قوست عصرية دوّر على مغارة دفية

مال الحرام ما بيدوم

اللي بيزرع الخير يحصد البركة

الفنجان الأول للضيف والثاني للكيف والثالث للسيف

الخال لولا الشك والد

رب ابنك واحسن أدبه، ما بموت تا يخلص أجله

الإبن الفاسد يجيب لأهله المسبه

الغصن مني ولو مال

سيف الأهل من خشب

اللي يطلع من ثوبه يعرى

أهلك ولا تهلك

اللي من دمك ما يخلو من همك

عمر الدم ما صار ميّ

الظفر ما بطلع من اللحم

أصلك يردك

الحر ما يتنكر لأصله

اللي ما لو كبير مالو تدبير

العرق دساس

ستر البنت زواجها

اخطب لبنتك قبل ما تخطب لابنك

خلقة باب بيرد الكلاب

اللي ما باخذ من ملته يموت بعلته

جارك القريب ولا أخوك البعيد

الجار للجار ولو جار

اللي يزرع زرعين ما يخيب

الباب اللي يجيك منه الريح سدو واستريح

- اللي يربط بقبتو حبل بيلاقي ألف مين يشدو

المنية ولا الدنية

النار ولا العار

اللي من إيده الله يزيده

الغريب يكون أديب

اللي بيته من قزاز ما يرمي الناس حجارة

الشر سياج أهله

أهل السماح ملاح

بات مغلوب ولا تبات غالب

يا رايح كثر الملايح

اللي يصبر ينول

صبرك على نفسك ولا صبر الناس عليك

اثنين في دار ما يعلم بيهم جار

اللي على راسه جره يتلمسها

الصراحه راحة

الحر كرامته رأس ماله

اعمل معروف وارميه في البحر

كلنا أولاد تسعة

المرأة عمارة

كلمة بتحنن وكلمة بتجنن

عيشة الفهيم مع البهيم داء دفين

ميه مالحة ووجوه كالحة

هين فلوسك ولا تهين نفوسك

التقى المتعوس على خايب الرجا

المنحوس منحوس ولو حطوا على راسه فانوس

درهم حط ولا خزاين مال

تجري جري الوحوش غير نصيبك ما تحوش

من حرص ما انقرص

اللي ما يطل العرجون بيقول ما أمرُّه

لا يموت الذيب ولا تفنى الغنم

اطعم الضارى وخلي المشتهي

اضرب الطينة بالحيط إن ما لزقت تعلِّم

دق الحديد يبان عيبه

قيس قبل ما تغيص

عواد ما عاد بعيدها

لقمة هنية تكفي مية

الرغيف اللي بيلمع للصاحب اللي بينفع

أول قرى الضيف البشاشة

الممارس غلب الفارس

الحركة ولود والسكون عاقر

القاعد حجير والماشي طير

اشتغل بقرش وحاسب البطال

إن مال عليك الزمان ميل على ذراعك

تراب العمل ولا زعفران البطالة

فين كنت أيام الحصايد كنت أغني قصايد

اللي ما يغبر شنبه ما بدسمه

رجل في السوق ولا مال بالصندوق

شغل المتجدد يهد

فلاح مكفي سلطان مخفي

اللي أمه خبازه ما بيجوع

الشين شين ولو عجنوه بقنطار عسل

لبّس البوصة تصير عروسه

الرجال مخابر مش مناظر

اللي يحب الورد يتحمل شوكه

الولد ولد ولو صار قاضي بلد

الشب الغاوي شو ما راد يساوي

غلطة المعلم بألف

القط حج سبع حجات وما بطل قنصاته

سلاح البنت مراية ومشط

العقدة اللي تحلها بيدك لا تحلها باسنانك

اللي بقعد مع العوران لازم يعوّر عين

على قد فراشك مد رجليك

خير عادة ما تتعود عادة

صابح القوم ولا تماسيهم

اللي بدق الباب بسمع الجواب

اللي يحضر السوق بتسوق

من عاشر القوم أربعين يوم صار منهم

أكل الرجال على الرجال دين وأكل الرجال على الأنذال صدقة

السر إذا جاوز اثنين شاع

طعام على طعام بورث الجرثام

اللي خلفه أبوك لك ولأخوك

اللي بخاف من العقرب بطلع له

كثر الرفرفة يكسر الجناح

نص البطن بغني عن ملاته

قلع الضرس ولا وجعه

إذا فاتك السوق اتمرغ بترابه

شعرة على شعره تساوي دقن

الدراهم كالمراهم

اللي عنده مال محيره يشتري حمام ويطيره

ما بعنا بالكوم غير اليوم

أيلول ذنبه مبلول

آخر آب الجو عاب

كانون كن في بيتك كثر ملحك وزيتك

برد الصيف أحد من السيف

البرد سبب كل عله

بزمان الخير ما غنينا يا ليل

ما يطلع من دار المطبلين غير المزمرين

كسرنا الدف وبطلنا الرقص

دوام الحال من المحال

فرس الباغي عثور

اللي ما يزم القدح بيده ما يروى

دق الحديد وهو حامي

المي لا تمشي إلا بمجاريها

الحيط الواطي كل الناس بتنطه

حمر المطايا ما جابها النوّام

ايد واحدة ما بتصفق

اللي مالو ظهر بنضرب على بطنه

الأسى ما بينتسى

عمر الحية ما صارت خية

عدو جدك ما بودك

عمر العدو ما صار حبيب إلاّ لما يصير الحمار طبيب

الدهر دولاب

اللي بدو الدح ما بقول اح

ما مات حق وراه مطالب

من طلع من داره قل مقداره

البيت اللي رباني ما بينساني

الغربة كربة وهم للركبة

البيت اللي تاكل منه لا تدعي عليه بالخراب

يا معمر بغير بلدك ما هو إلك ولا لولدك

إن كانت الحية بتنحط بالعب، عمر العدو ما بينحب

بلادك إن شحت عليك مرية

اتعب على أرضك تتعب عليك

يا فرعون مين فرعنك، ما لقيت حدا يردني

يكفيك شر جوعان وشبع

الجوعان يأكل عودان المكانس

الكسرة بيد الفقير هجنه

طول ما الكيس ملان بيكثروا الخلان

الولد البكر يحيي الذكر

ابن ليلة يعرف الشيلة

ماحدا طلع من بطن أمه متعلم

ما يبكي على الولد إلاّ اللي رباه

جوزك على ما عودتيه وابنك على ما ربتيه

طب الجرة على ثمها تطلع البنت لأمها

من يمسك إصبعه صحيح لا يدمي ولا يقيح

العقل زينه واللي بلاه حزينه

البنت بلا حلق، دالية بلا ورق

إذا حصلت المحبة ارتفع التكليف

ايش دخلك بيت عدوك، قال حبيبي فيه

هم البنات للممات

اللي ما يطول قطف العنب، بقول حامض

اللي بتطلع لفوق رقبته بتنكسر

اللي ما ياخذ من قدره، دق البين سدره

قبل ما تدور على مرة دوّر لابنك على خال

اسأل قبل ما تناسب يبان للردى والمناسي

العز للرز والبرغل شنق حاله

نوم السراري للضحى العالي

أعزب دهر ولا أرمل شهر

بناتي فراشي وأولادي غطاي

الأم تعشعش والأب يطفش

الصغار زينه الدار

بارك الله في الدار الوسيعة والفرس السريعة والمرة (المرأة) المطيعة

من رقعت ما عريت، ومن دبّرت ما جاعت

حيِّل النسوان غلبت حيِّل الغيلان

ما تستاهل الكرا إلاّ اللي تركب الزرار والعرى

غناه من مرته وفقره من مرته

خذ الأصيلة ونام على الحصيرة


* سيل الزيتون من سيل كانون

* إن لسّن الزيتون في شباط حضرولو لبطاط

* إن أخرج في شباط حضرولو البطاط

* إن لسن الزيتون في أيار هيأولو الزيار

* إن أخرج في أيار حضرولو الجرار

* إن لسن في نيسان لا تعشم ابه يا ابن الناس

* إن احسم الزيتون في الخميس هيأولو القطاطيس

* يا الله السموم في ليالي الزيتون لو ما ضل في السهل ولا حابون

* يا الله الندى يوم عقد المرودة بعقد الزيتون والا ان شالله ما حدا

* يا رب ندى وسموم عند عقدك يا زيتون

* مثل ما بدك منها بدها منك

* ابعد اختي عني وخد ثمرها مني

* قنبني ولا تكربني

* العشاب غلب الكراب

* الزيتون اذا بدك تهفيه شفه وخليه

* التين اقطع واطيه والزيتون اقطع عاليه

* الجناين جنون والملك زيتون

* ايام الزيت اصبحت امسيت

* أيام الزيت طول الخيط

* أيلول طرفه من الشتا مبلول

* من الشجر للحجر
15‏/10‏/2010 تم النشر بواسطة fleure.
قد يهمك أيضًا
شو تعليقكم على هالبنت الفلسطينية ؟
هل معنا احد من اهل فلسطين الكرام ؟
ما الفرق المفاوضات المباشرة و المفاوضات غير المباشر؟
جــــــــــــــــــــــــــــــــــــــــــــــــــــــــــــــــــــــــــومانة .. :")
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة