الرئيسية > السؤال
السؤال
ما هي طريقة عمل الحواوشى الاسكندرانى للشيف الشربينى ؟
الطعام والشراب | وصفات الطعام 19‏/12‏/2010 تم النشر بواسطة نهي محمد.
الإجابات
1 من 3
طريقة عمل الحواوشى للشيف الشربينى

الطـــــــــــــــــــريق ة


- نضيف البصل المبشور وشوية طماطم والملح والتوابل والفلفل الحار ( لمن يريد ) على اللحمة المفرومة ونقلبها جيدا ( نعجنها باليد )


- لدينا ثلاث انواع من الخبز ( بلدي - مكسيكي - عجينة بيتزا " للحواوشي الأسكندراني " )



- الرغيف البلدى نفتحه ونضع به كمية من اللحمة من الداخل وندهنه بفرشاة بزيت خفيف جدا من اعلى واسفل وندخله فرن البوتجاز بدون ما نلفه بورق .



- الرغيف المكسيكي نضع عليه كمية اللحمة ونطبقه مثل الساندويتش وندهنه بالزيت ونضعه في طاسة ساخنة جدا على عين البوتجاز على نار متوسطة



- عجينة البيتزا ( في الماكينة - العجان - نضع الدقيق وذرة ملح وذرة سكر والخميرة البودر ونشغل الماكينة حتى يتجانس الخليط ثم ننزل ببيضة ثم كمية من الماء ونتركها حتى تتجانس وما تلزقش في الماكينة ثم نطلعها ونغطيها ونتركها ترتاح لمدة نصف ساعة ونفردها بالنشابة ) ونضع عليها كمية من اللحمة ونقفلها من أعلى وندهنها بالزيت ونضعها في صينية مدهونة وندخلها الفرن



- تقدم أرغفة الحواوشى مع أرز بالشعيرية .
19‏/12‏/2010 تم النشر بواسطة هادىء الطباع (عبد الله).
2 من 3
بصى انا بعمله بطريقتى انا بصراحه
فلفل حار وتجيبى بصل مقطع واهم حاجه ميه البصل وطبعا اللحمه مفرومه وتجيبى ليها دهنه مفرومه وفى التوابل الصينى للحمه حلوه برضه وبقيه التوابل بهارات فلفل اسود شويه كمون ارفه بسيطه وتخلطى كل دول وتجيبيهم فى عيش
الشيف بيقول عيش مكسيكى متهيالى الشامى ابو ربع جنيه والله اعلم الابيض يعنى
وفى عيش البيتزا
اللى طريقته
دقيق وميه وخميره ورشه ملح ورشه سكر على الخميره وزعتر وتعجنى وتخليهم لما يخمروا وتجيبيه فيه وتحكيه حواه وتدخلى الفورن او شوايه الحواوشى
وفى انا بعمله بالعيش البلدى المصرى بتاعنا بقى
وبدخله فالشوايه بتاعه الحواوشى بيكون تحفه
خاصه لو جبتى له مخلل نظيف
وجبتى طحينه اللى بعملها ب
فلف اسود خفيف جدا وثوم وشطه فلفل احمر يعنى الشطه يعنى
وليمونتين ومعلقه خل صغيره والملح والكمون وقلبى ولو فى بقدونس يا سلام
وكلى بقى وادعيلى
19‏/12‏/2010 تم النشر بواسطة رنيم احمد.
3 من 3
أوف...........جوعتينى
19‏/12‏/2010 تم النشر بواسطة مستخدم قديم أوى.
قد يهمك أيضًا
ما طريقة عمل سلطة الطحينة بالزبادى ؟
ما هي طريقة عمل عجينة الكريب ؟
ما طريقة عمل عجينة القطايف لحورية المطبخ ؟
ما طريقة عمل حلاوة الدقيق ؟
ما طريقة عمل أصابع السمسم ؟
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة