الرئيسية > السؤال
السؤال
ما طريقة عمل الارز بالخلطة للشيف حسن ؟
الطعام والشراب | وصفات الطعام 5‏/4‏/2011 تم النشر بواسطة نهي محمد.
الإجابات
1 من 1
ول شئ بنحضر الحاجات بتاعتها وهى :

1- 2كوب ارز بسمتى
2- نصف كيلو كبد وقوانص
3- معلقتين سكر
4- قطعة زبدة صغيرة
5- بهارات(جوزة الطيب- كوبيبة شامى- فلفل اسود- قرفة- قرنفل- ورق لورا- حبهان او الهيل)
6- مكسرات حسب الرغبة(عين جمل- فزدق طبيخ- لوز- صنوبر)
7- بصلة
الطريقة:

1- اول حاجة نقوم بتقطيع البصلة عشان نعصق الكبد والقوانص ثم نضيف زيت فى طاسة ونضع البصله المفرومة ثم نضع القوانص الاول ونضيف شوية مية ونقلبها باستمرار ونغطى عليها شوية مع متابعتها ثم نضيف الكبد (لان القوانص بتاخد وقت اطول فى السوا) ونضيف البهارات ملح-فلفل -جوزة الطيب-كوبيبة شامى-ورق لورا
ثم نضيف شوية مية مع الحاجة وبعد ماتتعصج نطفي عليها ونخليها على جنب.

2- الارز: نضيف فى حلة معلقتين السكر ونعلق على النار الى ان يصير لونها كارميلي وبعد كدة نضيف المية يعني لو كوبايتين ارز ممكن نحط 3 اكواب ونصف مية او اربع كوبابات حسب نوع الارز البسمتى ثم نضيف القرفة الناعمة وقرفة خشب وورق لوا وقرنفل وملح وحبهانوقطعة زبدة صغيرة واول ماتغلى المية نكون مجهزين الارز ونقعينة قبلها ونحطة فى المية المغلية على طول ونستني لما يستوى
واول مايقرب يستوى خلاص نقوم ضايفين الكبد والقوانص بتاعتنا ونقلبهم كويس ونطفى عليهم .

3- المكسرات: نقوم بتسييح قطعة زبدة صغيرة ثم نضيف المكسرات ونضع حبهان ناعم وورق لورا نحمرهم شوية وبعدين نقوم ضايفنهم على الارز بالكبد والقوانص.

وبكدة الناس تحاسب على صوابعها عشان الاكلة دى تجنن وطعمها تحفة وبالهنا والشفا ودعواتكم لينا بالخير
5‏/4‏/2011 تم النشر بواسطة هادىء الطباع (عبد الله).
قد يهمك أيضًا
ما طريقة عمل الارز الافغاني ؟
ما طريقة الارز بالكركم ؟
ابغى طريقة طبخ الارز على الطريقة الخليجية
هل فعلاً أن الأرز دون فائدة..؟
ما طريقة عمل طريقة عمل رولات مختلفة للفطار؟
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة