الرئيسية > السؤال
السؤال
تكلفة بناء اساس مسلح فى مصر مكافأة 100 نقطة
الارض هي ارض رملية 100 متر تقريبا عايز بني اساس مسلح يشيل دور ارضي محلات+ 3 ادوار شقق بنيان عادى فى اقل الامكانيات
ايه تكلفتة من حيث عدد اطنان رمل وزلط وسمنت
وتكلفة تقريبية للاجمالى
ل الاساسات لوحدة
الارضي لوحدة
تكلفة كل شقة على طوب الاحمر + سقف وخلافة سلم وهكذا
ياريت اجابة من مهندسين او حد كان باني كدة
احسن اجابة 100 نقطة + الدعاء بظهر الغيب

ياريت محدش يروح مواقع وينسخ انا عاوز اجابة عملية وشكرا للجميع
المنزل | الاقتصاد والأعمال | Google إجابات | العلوم | مصر 6‏/12‏/2011 تم النشر بواسطة لودا شات.
الإجابات
1 من 2
الارضي خمسين الف

اي دور علوي 25 الف
6‏/12‏/2011 تم النشر بواسطة ْ ْ ْ ْ ْ ْ.
2 من 2
بسم الله الرحمن الرحيم
متوسط اسعار المون الان  في مصر هي:-
تكلفة طن الحديد 4560 جنية مصري
تكلفة متر مكعب رمل 40 جنية مصري
تكلفة متر مكعب زلط 130 جنية مصري
تكلفة طن الاسمنت 540 جنية مصري
سعر الالف طوبة 600 جنية مصري(والسعر شامل البناء والمصنعيات)
سعر المصنعيات لكل دور 4000 جنية مصري (تقريبا !!)
------------------------
اما بالنسة  لتفصيل لللاسعار هايكون طبعا زي ماعرفتكم قبل كده كل ده ل 100 متر مربع واساسات 5 ادوار

اولا::: بالنسبة للاساسات تكلفة الحفر تقريبا بين 600-800 ج  وده طبعا حفر بعمق 1,25 متر مثلا وده المتوسط للحفر؟؟
ثانيا:::: الخرسانة العادية دي علي حسب نوع التربة هل تربة قوية او متوسطة او ضعيفة !!
لو تربة قوية ممكن تعملها بسمك من 10-20 سم فقط..لو متوسة من 30-70 سم ..ولو ضعيفة بنعمل تربة احلال  بعمق70 سم وفوقها عادية بسمك 50 سم وتكلفة العادية كالاتي
عاده بتكون التربة بنعاملها كانها متوسطة الا في حالات التربة الضعيفة جدااااا
وفي حالة المتوسطة القوة  بتبقي لبشة بسمك 30 سم (40 متر خرسانة عادية)(وده طبعا لمساحة 100 متر مربع)
ويبقي التكعيب كالاتي :- 30 متر مكعب زلط+20 متر مكعب رمل+10 طن اسمنت +تكلفة مصنعيات
تبقي التكلفة النهائية في حدود 11000 جنية
ثالثا:::::الخرسانة المسلحة 35 متر مكعب تقريبا
28 متر مكعب زلط + 20 متر مكعب رمل + 12 طن اسمنت سوية
اما الحديد
وده حسب وجود جار من عدمة لان وجود جار بيدل علي وجود شددات في التسليح وكده !!
لو افترضنا وجود جار من جهتين ؟
شدادات هاتتكلف( 1.5 طن حديد  5 لنية (قطر 16 مم )  و .75  طن 4 لنية (قطر 12 مم) و .5  طن 2.5  لنية (قطر 8 مم وده للكانات  و.5  طن 5 لنية اشاير اعمده ... ))
يبقي كلة 3 طن حديد ...
بالاضافة للمصنعيات للخرسانة المسلحة وهي مصنعيات الحدادين + النجارين اللي عملوا الشدات الخشبية
رابعا ::: الاعمده للدور الارضي تقريبا 16 عمود بياخدوا 2.5  طن حديد  منهم 2  طن 5 لنية و.5 طن 2.5  لنية للكانات !!
يبقي الحديد 2.5 طن +  15 متر مكعب رمل + 7  طن اسمنت عادي + منصنعيات العمال
تبقي التكلفة النهائية للاعمده تقريبا 22500 جنية
خامسا::: مباني الدور الارضي
ارتفاع الارضي عاده 4,5  متر وباقي الادوار  3  متر !!
بس انا ف الارضي الان !!

يبقي  ارتفاع   4,5   متر هياخد تقريبا 35 الف طوبة والالف طوبة ب 600 ج تقريبا  بمصنعياتهم وبناءهم وكل حاجة !
وطبعا مباني الدور التاني بتقل عن الارضي لان الارتفاع بيقل متر ونص !!
سادسا ::: سقف الارضي 27  متر مكعب  تقريبا
بياخد تقريبا 22   متر مكعب زلط +13  متر مكعب رمل + 11  طن اسمنت + تسليح 2.5 طن حديد ( 1.25  طن 5 لنية  و 1   طن 4  لنية  و .25  طن 2.5 لنية )
يبقي تكلفة سقف الارضي تقريبا في حدود 26,000  جنية

مع العلم زي ماقلت قبل كده تكلفة بناء دور تاني او تالت او رابع او خامس بنفس النسبة اللي قلت لك عليها قبل كده !!!
---------------
وبكده مش باقي الا التشطيب الداخلي وده حسب ذوووق المالك
والتشطيب انواع
1- لوكس وسعر المتر المربع فية 350 جنية تقريبا
2-سوبر لوكس وسعر المتر المربع فية 550 جنية تقريبا
3-هاي سوبر لوكس وسعر المتر المربع فية 1150 جنية تقر يبا

اخوكم فايز زيدان....مهندس مدني ..مصر..كفرالشيخ-مدينة مصيف بلطيم- 01288104249----01094862160  002
2‏/1‏/2012 تم النشر بواسطة فايز زيدان فايز (فايز زيدان).
قد يهمك أيضًا
ماهى تكلفة التحويل 2ستار؟ 99 نقطة
تكلفة دراسة القانون بجامعة ملتميديا ماليزيا 50 نقطة !
الأمن يقتل الجيش!
هل تتحول الاحتجاجات إلى عصيان مسلح في سورية ؟؟؟
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة