الرئيسية > السؤال
السؤال
اجراءات استقدام الزوجه للسعوديه من وافد يعمل و على كفالة شركته ما هي؟مقيم بجده؟
السعوديه الجوازات | hgsu 20‏/9‏/2010 تم النشر بواسطة wwwooo.
الإجابات
1 من 2
أهم إشي المهنه تكون تسمح
20‏/9‏/2010 تم النشر بواسطة منكم.
2 من 2
اولا : المستندات المطلوبه :

1- اصل جواز السفر + صوره
2- اصل الاقامه + صوره
3- خطاب تعريف من الكفيل موضح به الراتب و موثق من الغرفه التجاريه
3- طلب استقدام موثق من الغرفه التجاريه ( موجود بمكتب الاستقدام) و يملأ الطلب بالبيانات مطابقه لجواز السفر و الاقامه و الحرص على ان يكون اسم الزوجه و الابناء مطابق للأسم فى جواز سفر الزوجه و الابناء
4- ايصال من بنك الرياض بقيمه 2000 ريال و يمكنك تسديده عن طريق موقع بنك الرياض على الانترنت(فقط اذا كان لديك حساب فى بنك الرياض) او من اى صراف لبنك الرياض ATM و الدفع نقدى عن طريق الصراف الالى ( سوف تحصل على ايصال من الصراف الالى لبنك الرياض مكتوب فيه رقم الاقامه و المبلغ المدفوع)
5- قسيمه الزواج موثقه من الخارجيه  و من القنصليه السعوديه + صوره
6- شهاده ميلاد الابناء موثقه من الخارجيه  + صوره


ثانيا : تقديم الاوراق
1- الذهاب الى مكتب الاستقدام بوزاره الداخليه  مبكرا (يعنى 7 او 8 صباحا) قبل مواعيد العمل و هتلاقى واحد معاه كشف سجل فيه اسمك علشان الدور، و ممكن تمشى و ترجع على ميعاد الدوام الرسمى بتاعهم وهو فى رمضان الساعه 10 صباحا
2- تدخل صاله الاستقدام و الموظف هينادى على اسمك و يديلك رقم
3- تنتظر لغايه لما يجى رقمك و تسلم الاوراق و الموظف هيطلب انه يطلع على الاصول و هيرجعهالك تانى
4- بعد كده لو ورقك سليم و المهنه تسمح بالاستقدام هيدلك ورقه صفراء
5- الورقه دى تبعتها لاسرتك  عن طريق البريد و يتابعوا القنصليه السعوديه بعد اسبوعين من تقديم الاوراق و الحصول على الورقه الصفراء

ثالثا : استلام الفيزا من القنصليه السعوديه
الخطوه دى لسه ما عملتهاش...بس اللى اعرفه ان الزوجه لازم تعمل تحليل فيروس سى فى المعامل المركزيه بوزاره الصحه و مش متاكد كمان ان كان المفروض تعمل كشف طبى شامل فى احدى المستشفيات المعتمده  و بالنسبه للأبناء لازم يكون معاهم شهاده فيها التطعيمات اللى اخدوها
و بعد كده يتم تقديم
الورقه الصفراء +
قسيمه الزواج الموثقه +
التحاليل و الكشف الطبى +
جواز سفر الزوجه و الابناء لو مش متضافين على جواز مامتهم +
شهاده ميلاد الابناء الموثقه +
شهاده التطعيمات الى القنصليه السعوديه

و ده بيتم غالبا عن طريق مكتب من مكاتب التسفير يعنى بتديله الورق ده كله و بتنتظر يوم او اتنين و بيجيبلك التأشيره على الجواز، بس مش عارف ان كان ممكن الواحد ممكن يروح بنفسه ولا لازم عن طريق مكتب

مهم جدا : لازم اسم الزوج يكون مكتوب فى جواز سفر الزوجه  و بيكون مكتوب فيها كلمه زوجه و ابن او بنت (من عير الاسماء) علشان كده لازم اسم الزوج او الاب فى حاله الابناء يكون مكتوب فى جواز سفر الزوجه
20‏/9‏/2010 تم النشر بواسطة hasanalsheikh (حسـن الشيـخ).
قد يهمك أيضًا
متى سيفتح باب استقدام الزوجات المصريات للسعوديه بالمجان
هل من جديد في وضع استقدام الخادمات من اتدونيسيا للسعوديه
ما أفضل مكتب استقدام نيباليات بالرياض ؟
ماهو افضل مكتب استقدام العائلة للسعودية في المدينة المنورة
معروض عليا شراء فيزا حره بالسعوديه بمهنه بناء عام هل استطيع تغير مهنتى عند وصولى للسعوديه ام لا
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة