الرئيسية > السؤال
السؤال
ازاى البنت تخلى الولد يحبها ويبطل تقل عليها؟؟
السلام عليكم ورحمة الله وبركاته....
عندى سؤال يا ريت تفيدونى و تجاوبونى عليه...
انا بنت بيقولوا عليا امورة و مؤدبة و من عيلة كويسة يعنى بنت ناس اوى و فى كلية من كليات القمة.. فى شخص ساكن معايا فى العمارة اعجبت بيه جدا و كنت فاكرة انه هو كمان كدة..لأنه كان بيبصلى اووووى و كان بيعمل مواقف كتير تبين ان فى حاجة من ناحيته ليا.... الكلام دة كان و انا عندى ١٤ او ١٥ سنة بس هو عمره ماكلمنى كان بس بيقول صباح الخير و ازيك وكدة...المهم انى فضلت معجبة بيه جدا لحد مابقى عندى ٢١ سنة و انا لسة حاسة انى فى حاجة غريبة انا كنت كل ماروح فى حتة اشوفه صدفة و كمان كنت بحلم انه بيكلمنى.... مش عارفة ليه كنت مهووسة بيه رغم انى كان بيتقدملى ناس كتييييييييير جدا... بس نفسى اعرف ليه هو اللى فضل معلق فى دماغى كدة مش عارفة هى حاجة من عند ربنا.... بعدين جبت نمرته وفضلت معايا سنتين... بعدين كلمته كان نفسى بس اعرف ايميله قلتله اسم غير اسمى الحقيقى و كان نفسى بس اتكلم معاه حتى لو بشخصية وهمية عشان بس اكون قريبة منه بأى طريقة...المهم باختصار هو عرف فى الاخر انا مين عرف شخصيتى الحقيقية و انا قلتله انى بقالى 6 سنين عندى فضول اتعرف عليه ...بس هو كان مبينلى انه مبسوط اوووووى اننا بنتكلم  وقالى انه سأل البواب عليا قبل كدة من باب الفضول مش اكتر...الفكرة بقى انى محتارة فى الموضوع دة لأنه فيه عيوب و مميزات...العيوب: انه اول كام يوم كان بيتصل بيا كل يوم بعدين فجأة قطع خاااااااااالص كلمنى بعدها ب ١٠ ايام و بعدين بقى بيتقل عليا اوووووى يعنى ممكن يتصل مرة كل اسبوع او ١٠ ايام اجى ابعتله مسج ميردش عليا و حتى فى راس السنة مبعتليش قالى كل سنة و انتى طيبة الا لما شافنى صدفة بعدها لقيته بعت مسج و ممكن ميكلمنيش الا لما يشوفنى بالصدفة بعدها بيتصل عليا....المميزات: انه ف كل مكالمة بيقعد يقولى كلام انى جميلة اووووى وانى كلاسى اوى و انه مبسوط انه بيكلمنى و انى حاجة مميزة اووووى بالنسباله و انى بالنسباله ١٠٠% و بقى يقولى وحشتينى و كمان بيقول كلام غريب اللى هو عايز لما اشوفك ابص فى عنيكى جامدلمدة ٨ ثوانى...(مش عارفة ليه ٨ ثوانى)....و كل شوية يقولى انتى طيبة وملكيش خبرة و انا مش عايزك تتجرحى و انتى بيور اوووى و قلبك طيب اووووى ...و انا بفضل ساكتة مش برد بعدين لما قلى انتى حاجة مميزة بالنسبالى قلتله مممممممم طيب هصدقك قام قالى لااا متصدقيش اقوال الرجال صدقى الافعال بس....فأنا دلوقتى مش فاهمة حاجة... هو مفهمنى اننا اصدقاء لكن بيقول كلام مينفعش يكون بين اصدقاء...بس انا نفسى هو كمان يحبنى و يجى يتقدملى عشان مش هقبل بالوضع دة كتير...مش عارفة اعمل ايه...انا قررت اتقل عليه... هو من كام يوم اتصل بس انا مردتش عليه بس هو متصلش من ساعتها...و انا مش عارفة اعمل ايه؟؟ هل اكلمه ولا اتقل احسن؟؟؟ و ازاى اخليه يحبنى؟؟ اكيد فى طريقة تعامل تخلى الولد يحب البنت....و ارجوكوا يا جماعة انا زى اختكوا بلاش تجريح انا عارفة انى غلطت لما كلمته...عمرى ماكنت اتخيل ان اخلاقى تسمحلى اعمل حاجة زى كدة... انا فضلت كام يوم منهارة انى كلمته و مش مصدقة انه عرف انا مين... بس خلاص اللى حصل حصل و دة حب بقاله ٦ سنين فى قلبى... تخيلوا واحد قدامى على طول و كمان لما بروح اى مكان بشوفه بالصدفة لا وكمان بحلم انه بيكلمنى او بيتقدملى....فكنت خلاص وصلت لمرحلة اكتئاب ...يا ريت مكنش طولت عليكوا...ميرسى
العلاقات الإنسانية | الحب | الزواج 16‏/1‏/2011 تم النشر بواسطة dr.dody1.
الإجابات
1 من 14
السلام عليكم

قرات القصة كامله

يابنتى ممكن يكون هو مثلا مصاحب بنت تانية ومعجب بيكى بردة

ووممكن مش مستعد للزواج

ممكن انتى تقولى له فى مكامله او رساله

انك معجبة به
على طلو كدة دون خجل وشوفى ردة اية

وهو مستحيل طبعا حايرد غير رد يرضيكى

بس خلى بالك كلامه معناه ان شاف مشاكل كتير

لو بتحبية تساعدية وتقفى بجانبة

وقولى له انا مستعدة اقف جنبك فى اى حاجة بس المهم ان تتغير خالص يوم ما نرتبط

انتى لا تتقلى  عليه سيموت الحب كدة

لازم تتحركى بسرعه افضل
16‏/1‏/2011 تم النشر بواسطة هادىء الطباع (عبد الله).
2 من 14
لو عندك كلام تانى اكتبية فى ملحق للسؤال

واجاوبك
16‏/1‏/2011 تم النشر بواسطة هادىء الطباع (عبد الله).
3 من 14
المشكلة انك بتتعاملي بعاطفتك ده شكله لا بتاع حب و لا غيره أنصحك سيبك من الموضوع ده خالص و انتبهي لدراستك ولو كان يناسبك هايجيلك غصب عنه و شكرا
16‏/1‏/2011 تم النشر بواسطة forident.
4 من 14
كبرى دماغك منه ولو عيزك هيجيلك                  فاذا اردت شىء بقوة فاطلق سراحه فان عاد اليك فهو لك منذ البدايه وان لم يعد اليك فهو لم يكن لك منذ البدايه
17‏/1‏/2011 تم النشر بواسطة بدون اسم.
5 من 14
متزعليش منى - بس ايه العبط والهبل ده اصلا؟؟؟؟؟ ده اسمه لعب عيال وشغل مراهقين - الواد لو عاوزك هيجي يتقدملك طالما فهم دماغك وعارف عنك كل حاجة وساكنة معاه ف نفس العمارة - وبصراحة يبقى شاب غبي جدااااااااا لو مش أستغل الفرصة وأرتبط بيكي لأن الارتباط من النوع ده بيكون كله مميزااااااااااااااااات - خصوصا انك امورة وحلوة وبنت ناس كمان والأهم انك ساكنة معاه .... يعني يقدر يشوفك كل يوم عادي جداااااا - بصراحة كلامك بيدل ع غباء الشخص ده وانه لسه مراهق ف تفكيره ومفيش داعي تضيعي شبابك ف الأوهــــــــــام :))
18‏/1‏/2011 تم النشر بواسطة Mous6fa.
6 من 14
بصى يا اختى انا هنصحك وياريت تتقبلى النصيحة او حتى تفكرى فيها
انا عارفة حالة الحب اللى جواكى وعارفة انك بتحبيه
ولكن هل هو يستاهل حبك
فيه رجالة كتير نادلة ومتقوليش ان ده مش زى غيره
الراجل لما يلاقى الواحدة سهلة بيتقل وخصوصا لما يعرف ان هيه مياله ليه
وانا اشعر ان هذا الشخص من النوعية دية
الحب احساس جميل ومشاعر مفيش حد يحس بيها الا اللى بيحب زيه
ولكن انا خايفة عليكى تتعلقى بواحد ويطلع ندل ويسيبك
خلى بالك انك سنك واحد وعشرين يعنى مش صغيرة
فبلاش تعلقى نفسك بواحد ممكن بعد كده تندمى على انتظارك ليه ورفضك لفرص احلى منه
بس انا عارفة انك مش هتقتنعى بالكلام ده
بس اللى نفسى افهمهولك ان الولد مش زى البنت البنت لما بتحب بتخلص فى الحب بتكون مش شايفة حد تانى عواطفها سابقاها فى كل حاجة
الولد بيفكر فى حاجات تانية وبتكون حاجات تانية شغلاه اكتر
انا خايفة عليكى لتتعلقى بيه اكتر من كده وممكن ميكنش من نصيبك مثلا
بصى كلمى اهلك وابوكى او اخوكى الكبير خلوهم يكلموه ويفهموا منه هو ناوى على ايه بالظبط
هل فعلا يبادل نفس المشاعر ام بيتسلى بيكى
وان كان انسان محترم فهنيئا لكى
وان كان ميستهلشى حبك متزعليش
وعاوزه اقولك حاجة بردك البيت غير الولد البيت عواطفها سابقاها اما الولد لا لا لا لا
18‏/1‏/2011 تم النشر بواسطة الاء محمد محمد.
7 من 14
؟؟؟؟؟؟؟؟؟؟؟؟؟؟؟ اكبري وكبري مخك شوية.........!ّّ!ّ!ّ!ّ!
18‏/1‏/2011 تم النشر بواسطة المهاجر انا.
8 من 14
نصيحة مني يا اختي
الشاب اللي تيجي بنت تكلموا وتقولوا انوا هي معجبة بيه حتي لو كانت ملكة جمال وبنت وزير ومحترمة اوي وبنت ناس جدا وكما عجباه هيبقي رد فعلوا حاجة من اتنين
1- لو هو محترم هيقولك سوري وكل شئ نصيب
2- لو هو مش تمام (((( هيلعب بيكي ))) وحطي تحتها الف مليون خط
اصل هو ده طبعنا الشرقي ...... مينفعش البنت اللي تتقدم !!!! ولا ايه
18‏/1‏/2011 تم النشر بواسطة masmad.
9 من 14
دكتورة دودي...السلام عليكم...
بتسألي عنه خلي قلبك يدلك ويكون هو المشورة...بصراحة انا كنت في حالة حب ومازلت منذ 10 سنوات وكنا بنموت احنا الاتنين لكن...
معنى انه مابيتصلشي ليس عدم حب او غيره بدليل لو عاوز يلعب كان استغل حبك ليه واتصل كثير واخذ مواعيد منك..الانسان اللي يعمل كده بيحبك بجد بس يمكن في وقت هو محتاج انه يختاره علشان يفاتحك فيه...صدقيني اللي عاوز يلعب مايعملش كده ابدا...وبعدين ده مش تقل...لأ
ده حب من طرف خايف انك تكرهيه...خليك انت الشجاعة وقولي له اللي انت حسها والله العظيم مش عيب ...وقتها صدقني هيقدر بدليل انتي بتقولي لما عبتي في الاتصال هو اللي اتصل ده معناه ايه...وبعدين انتي بتقولي انه قالك متصدقيش كلام الرجال افعال بس طيب عاوزة وضوح تاني بقى...لوانتي بتحبي بجد حافظي عليه وشوفي ظروفه لو هتقدري تكملي معاه ربنا يوفقك ...انا فضلت احب 10 سنين وكنت بموت وهي كمان تعبت جدا جدا بس دايما لاني كنت خايف من التجربة اتاخرت كتير فاتحيه انتي واتكلمي وضعي حد لكل هذه الحيرةهتلاقي الجواب ...ونصيحة لله...اوعي تفرطي في الحب والله هو اللي بيفضل بذكرياته الحلوة والوجع اللي انتي حاسه به دلوقتي هيروح لما تلاقي جواب على كل الأسئلة اللي بتحيرك..روحي وارمي نفسك في حضنه هتلاقي نفسك واستخبي في الحب هتحسي انك طايرة وحاضنة الدنيا كلها وكفاية بقى علشان انتي قلبتي عليا المواجع....سلام الى شخصك الكريم ونشكرك على الثقة...تحياتي
20‏/1‏/2011 تم النشر بواسطة يامالكاً قلبي (اسامه حجاج).
10 من 14
بصى انا اشتركت حالا فى جوجل بسببك انا واقعة فى نفس مشكلتك بالظبط انتى اكنك بتحكى عنى انا عملت نفس اللى انتى عملتيه بالظبط وبيحصلى منه نفس اللى بيحصل معاكى ...بجد مش عارفة اعمل ايه بس انا محتاجة اتكلم معاكى مش عارفة اوصلك ازاى ...انا عايزة ايميلك وخايفة اكتب الايميل يبقى عام ..[س بجد محتاجة اتكلم معاكى عايزة حل اوصلك بيه
16‏/9‏/2011 تم النشر بواسطة بدون اسم.
11 من 14
بصي يابنتى خدى النصيحه بس متقوليش بجمله النصايح متستهونيش بالكلام .انا شاب 27سنه بس خبرة ومبقولش اى كلام. وهفيدك إن شاء الله.الصح والمظبوط انك متتصليش بيه تانى خااااااااااالص حتى لو هو اتصل بيكى .متتصليش برضه.متحاوليش تستنى كلامه إستنى أفعاله. أه هو الارتباط كدة. أفعال .وخدى بالك لو هو معجب بيكى فعلا مفيش اى حاجه هتمنعه انه يقول كدة بصراحه ويسعى انه يرتبط بيكى صدقينى الظروف الماديه والمشاكل. دى كلها مبررات احنا بنهرب بيها. الواحد لما بينوى خير ربنا بيعينه على طول . انا عن نفسى لو أعجبت بواحدة والله مهسبها وهو لو معجب بجد بيكى مش هيسيبك.لو مأخدش معاكى خطوة جديه ولوحدة ومن نفسه.يبقى انتى كدة عرفتى هو على ايه.وساعتها شكرا مش عاوزين كان فيه وخلص.مات الكلام وعادى  .ربنا يوفقك يابنتى ويسترها معاكى ويكرمك ويفرحك انتى وكل البنات.امييييييييين يارب العالمين.
24‏/3‏/2012 تم النشر بواسطة لاحول ولاقوة لى.
12 من 14
انا بقولك اى تحاولى ما تشفهوش وتنسيه خالص ع قد ما تقدرى انتى اكيد تستاهلى  احسن منه وهو اكيد فى دماغه حد تانى ولو ما اتقدمش يبقا خلاص انسيه
21‏/8‏/2012 تم النشر بواسطة بدون اسم.
13 من 14
if you really  love him you have to make sure that he loves you if you knew he loves you tell him the truth that you likes him and see what he is going to say and you will now from the first word that he will say but if he did not know what to say then he does  not loves you
7‏/11‏/2012 تم النشر بواسطة بدون اسم.
14 من 14
بصى انا ممكن اكون برد عليكى متاخر بس يارب تشوفى ردى . من شكل كلامك ان ده عيل صايع (لافف وداير يعنى ) اتقلى حتى لو ده هيموتك حتى لو هيجيلك اكتئاب على فكره انا معيده فى تمريض و شغاله فى الخليج وعارفه احساسك لانى عديت بيه وكانت النتيجه هباب فياريت ما تكرريش غلطتى وتتكلمى لاى سبب من الاسباب . خلى بالك على نفسك ولو عوزتى اى حاجه اكتبلى
14‏/2‏/2014 تم النشر بواسطة بدون اسم.
قد يهمك أيضًا
ماذا افعل اذا حبيت اخت صاحبى؟
ليه انا مش عارفه انا عاوزه ايه على طول؟
انا اللاب هنج وعاوزة اخرج البطارية مش عارفة خالص
هو انا جيت في وقت مش مناسب ولا ايه ؟
بجد انا في مشكلة ملهاش حل ساعدوني
تسجيل الدخول
عرض إجابات Google في:: Mobile | كلاسيكي
©2014 Google - سياسة الخصوصية - مساعدة